16Ḿpʋ́ɣʋ́ Fɑlisɑnɑɑ nɑ Sɑtusee nyǝ́mɑ pɑ kɔmɑ Yesu kiŋ nɑ pɑ́ tɔmɩ-ɩ sɩ: Lɑ piti tǝmlɛ nɑtǝlɩ nɑ pǝ́ hʋ́lɩ́ sɩ nyɑ́ toŋ lɩɩnɑ Ɩsɔ kiŋ. Pɑ kuukɑɣɑ Yesu nɔɣɔ kɛ kʋkuu kɛ́. 2 Tǝnɑɣɑ Yesu cɔ-wɛ sɩ: Ilim ɩ́ kɔmɑ tʋɣʋ nɑ ɩsɔtʋlʋŋɑsɩ sɛɛwɑ, ɩ́ tɔŋ sɩ: Cele ɩsɔtɑɑ kɑ́ cɛ tǝnɑŋŋ. 3 Nɑ ye tɑnɑŋ tǝhulu kɛ́ pǝ sɛɛwɑ nɑ pǝ́ wɛ tǝsutii, ɩ tɔŋ sɩ: Tɛʋ kɑ́ kɔɔ sɑŋɑ. Mpi tɔ, ɩsɔtɔnʋɣʋ sɛɛwɑ nɑ pǝ́ wɛ sǝkpɛtʋɣʋ. Pǝ lɑpɑ ɩsǝnɑ nɑ ɩ́ nyǝŋ mpi mpi pǝ lɑkɩ ɩsɔtɔnʋɣʋ tɑɑ tɔ, nɑ ɩɩ nyǝŋ mpi pǝ lɑkɩ kʋyɛɛŋ ɩnɛ ɩ tɑɑ tɔ. 4 Kʋfɑlɑŋ yǝlɑɑ ɑsɑɣɑɑ mpɑ pɑɑ tɛŋ Ɩsɔ nɑ pɑ tɑɑ tɔ pɑ pɛɛkǝɣɩ sɩ pɑ́ lɑ-wɛɣɛ piti tǝmlɛ. Amɑ pɑ kɑɑ nɑ piti tǝmlɛ nɑtǝlɩ se. Ye pǝ tɑɣɑ Yonɑɑsɩ nyǝntɛ. <div eID="gen24231" type="x-p"/> <div sID="gen24232" type="x-p"/>Ɩ yɔɣɔtɑ mpʋ, ɩlɛnɑ ɩ́ yele-wɛ nɑ ɩ́ tɛɛ. <div eID="gen24232" type="x-p"/> <div eID="gen24230" type="section"/> 5 Yesu ɩfɑlɑɑ kɔmɑ nɑ pɑ́ tɛsɩ lʋm kʋteŋ lɛŋkʋ tɔɔ, ɩlɛnɑ pɑ́ sɔɔ potopotonɑɑ kpɑɣɑʋ. 6 Ḿpʋ́ɣʋ́ Yesu tɔmɑ-wɛ sɩ: Ɩ́ lɑ lɑɑkɑlɩ nɑ Fɑlisɑnɑɑ nɑ Sɑtusee nyǝ́mɑ pɑ kʋkʋsʋm. <div eID="gen24234" type="x-p"/> 7 Ɩlɛnɑ Yesu ɩfɑlɑɑ sʋʋ tǝmɑɣɑ tɔm sɩ: Tǝ tɑ kpɑɣɑ potopotonɑɑ tɔɣɔ ɩ yɔɣɔtǝɣɩ mpʋ. <div eID="gen24235" type="x-p"/> 8 Yesu nɩɩ nti pɑ tɔŋnɑ yɔɣɔtʋɣʋ kɛ mpʋ tɔ, ɩlɛnɑ ɩ́ pɔɔsɩ-wɛ sɩ: Pepe tɔɔ kɛ́ ɩ́ tɔŋ sɩ ɩ́ fɛɩnɑ potopotonɑɑ tɔ pǝ tɔɔ? Amɑ ɩ́ tɑ tɛ Ɩsɔ nɑ mǝ tɑɑ nɑ pǝ tɔɔ yoo. 9 Hɑlǝnɑ sɑŋɑ ɩ́ tɑ́ cɛkǝnɑ kɛlɛ? Ɩ́ tɑ́ tɔɔsɩ potopotonɑɑ kɑkpɑsɩ wei mɑ fɑɣɑɑ nɑ ɑpɑlʋnyɔɔŋ iyisi kɑkpɑsɩ tɔɣɔ tɔ ɩ tɔɔ? Nɑ tɔkʋŋ ɩsǝnɑ pǝ kpisɑɑ nɑ ɩ́ kpɑɣɑ tɔ, ɩ́ sɔɔ ɩ́lɛ́ ɩ nyʋɣʋ nɑ? 10 Nɑ ɩ́ tɑ tɔɔsɩ tɔtɔɣɔ potopotonɑɑ nɑɑtosompɔɣɔlɑɣɑ wei mɑ fɑɣɑɑ nɑ ɑpɑlʋnyɔɔŋ iyisi liɣiti tɔɣɔ tɔ ɩ́lɛ́ ɩ tɔɔ? Nɑ tɔkʋŋ ɩsǝnɑ pǝ kpisɑɑ nɑ ɩ́ kpɑɣɑ tɔ, ɩ́ sɔɔ ɩ́lɛ́ ɩ nyʋɣʋ nɑ? 11 Ɩsǝnɑɣɑ pǝ lɑpɑ nɑ ɩ́ tɑ cɛkǝnɑ sɩ pǝ tɑɣɑ potopotonɑɑ tɔm kɛ mɑ yɔɣɔtǝɣɩ? Ɩ́ tɑɑ yele nɑ Fɑlisɑnɑɑ nɑ Sɑtusee nyǝ́mɑ kʋkʋsʋm sʋʋ-mɛ. <div eID="gen24236" type="x-p"/> 12 Wɑɑtʋ ɩnǝɣɩ Yesu ɩfɑlɑɑ cɛkǝnɑɑ sɩ pǝ tɑɣɑ kʋkʋsʋm mɑɣɑmɑɣɑ tɔm kɛ Yesu yɔɣɔtɑɣɑ. Amɑ Fɑlisɑnɑɑ nɑ Sɑtusee nyǝ́mɑ pɑ kʋsɛɣɛsǝtʋ kɛ ɩ tɔŋ. <div eID="gen24237" type="x-p"/> <div eID="gen24233" type="section"/> 13 Ḿpʋ́ɣʋ́ Yesu polɑ Sesɑlee Filipʋ tɛtʋ tɑɑ kɛ́ tiili. Ɩlɛnɑ ɩ́ pɔɔsɩ ɩ ɩfɑlɑɑ sɩ: Yǝlɑɑ tɔŋ sɩ Yʋlʋ Pǝyɑɣɑ mɑ́ mɑ kɛ́ ɑwe? <div eID="gen24239" type="x-p"/> 14 Ḿpʋ́ɣʋ́ pɛlɛ sɩ: Pɑ tɔŋ sɩ n kɛ́ Lʋm Sɔlʋ Yohɑɑnɩ. Lɛlɑɑ sɩ Ilii kɛ́, nɑ lɛlɑɑ sɩ n kɛ́ Selemii yɑɑ Ɩsɔ kʋyɔɣɔtʋtʋ tɛlǝsǝlɑɑ tɑɑ nɔɣɔlʋ. 15 Tǝnɑɣɑ Yesu pɔɔsɑ-wɛ sɩ: Nɑ mɛ se, mǝ hʋʋkɩ sɩ mɑ kɛ́ ɑwe? <div eID="gen24240" type="x-p"/> 16 Ḿpʋ́ɣʋ́ Simɔŋ nɔɣɔ tǝkpɑʋ sɩ: N kɛ́ Ɩsɔ weesuɣu tʋ Pǝyɑlʋ Mesii. <div eID="gen24241" type="x-p"/> 17 Tǝnɑɣɑ Yesu tɔmɑ-ɩ sɩ: Yohɑɑnɩ pǝyɑɣɑ Simɔŋ, n nɩɩ leleŋ kɛ́. Mpi tɔ, pǝ tɑɣɑ yʋlʋ cǝpǝnɑ-ŋ tɑmpɑnɑ ɑnɛ. Amɑ mɑ Cɑɑ wei ɩ wɛ ɩsɔtɑɑ tɔɣɔ. 18 Nɑ mɑ́, mɑ́ heeliɣi-ŋ tǝfoo sɩ nyɑ́ hǝtɛ yɔɣɔtǝɣɩ sɩ, Pǝlɛ, nɑ pǝlɛ nyɑ́ nyɑ́ tɔɔ kɛ́ mɑɑ sɩɩ mɑ yǝlɑɑ kpekǝle. Nɑ sǝm kɑɑ pǝsɩ nɑ pǝ lɑ-wɛɣɛ pʋlʋ cǝcǝkɑ. 19 Mɑɑ cɛlɛ-ŋ ɩsɔtɑɑ Kɑwulɑɣɑ sɑɑfʋnɑɑ. Nɑ mpi n kɑɑ hɑ mpɑɑʋ kɛ ɑtɛ cǝnɛ tɔ, pǝ kɑɑ nɑ mpɑɑʋ kɛ ɩsɔtɑɑ. Nɑ mpi n kɑ́ hɑ mpɑɑʋ kɛ ɑtɛ cǝnɛ tɔ, pɩɩ hiki mpɑɑʋ kɛ ɩsɔtɑɑ. <div eID="gen24242" type="x-p"/> 20 Ɩlɛnɑ Yesu kpɑɑlɩ ɩ ɩfɑlɑɑ sɩ: Ɩ́ tɑɑ heeli nɔɣɔlʋ sɩ mɑ kɛ́ Mesii. <div eID="gen24243" type="x-p"/> <div eID="gen24238" type="section"/> 21 Pǝ kpɑɣɑʋ wɑɑtʋ ɩnɩ tɔɣɔ Yesu sʋʋ ɩ ɩfɑlɑɑ kɛ heeluɣu tǝfoo sɩ: Pǝ wɛɛ sɩ mɑ́ polo Yosɑlɛm nɑ nyʋɣʋ nyǝ́mɑ nɑ kɔtǝlɑɑ sɔsɑɑ nɑ Ɩsɔ Tɔm sɛɣɛsǝlɑɑ pɑ́ tʋ-m kʋnyɔŋ kɛ tǝnɑɣɑ sɔsɔm. Pɑɑ kʋ-m, nɑ mɑɑ fe pǝ kʋyɛɛŋ tooso wule. <div eID="gen24245" type="x-p"/> 22 Ḿpʋ́ɣʋ́ Piyɛɛ yɑɑ Yesu nɑ ɩ́ lɩɩnɑ kpeeŋɑ nɑ ɩ́ tǝkɩ-ɩ-tɩ, sɩ: Aɑɩ Tɑcɑɑ, Ɩsɔ ɩ́ tɑɑ yele nɑ tǝlɛ tǝ́ kɔɔ. <div eID="gen24246" type="x-p"/> 23 Tǝnɑɣɑ Yesu pǝsɑɑ tǝkpɛʋ nɑ ɩ́ tɔ Piyɛɛ sɩ: Sɑtɑnɩ tɛɛ mɑ tɔɔ. Ɩsɑɣɑtʋ tɑɑ kɛ́ n cɑɑ n tusi-m. Nyɑ́ hʋwɛɛ tɑ kɛ Ɩsɔ nyǝnɑ, yǝlɑɑ nyǝnɑ kɛ́. <div eID="gen24247" type="x-p"/> 24 Pǝlɛ pǝ wɑɑlɩ, ɩlɛnɑ Yesu pǝsǝnɑ ɩ ɩfɑlɑɑ tɔɔ sɩ: Ye wei ɩ cɑɑ sɩ ɩ́ tǝŋɩ-m pʋntʋ ɩ́ lɑ ɩ tǝɣɩ ɑwusɑ nɑ ɩ́ sǝɣǝlɩ ɩ sǝm tesikɑ nɑ ɩ́ tǝŋǝɣǝnɑ-m. 25 Pǝ tɑɣɑ pʋlʋ, ye wei ɩ́ pɛɛkǝɣɩ ɩ weesuɣu tǝcututu ɩ tɛŋnɑ sǝpʋ. Amɑ wei ɩ́ lɑpɑ ɩ tǝɣɩ ɑwusɑ kɛ mɑ tɔɔ, pʋntʋ kɑ́ hikinɑ weesuɣu. 26 Ye yʋlʋ pǝsɑɑ nɑ ɩ́ hiki ɑntulinyɑ nyǝm tǝnɑ ɩlɛnɑ ɩnɩ ɩ sɩ, ɩ kɑwɑɑɣɑ ntɛ́ we? Pʋlʋpʋ wɛɛ mpi yʋlʋ kɑ́ kpɑɣɑ nɑ ɩ́ lɑɣɑsǝnɑ ɩ weesuɣu tɔ? 27 Mpi tɔ Yʋlʋ Pǝyɑɣɑ mɑ́, mɑɑ kpɑɣɑ mɑ Cɑɑ teeli nɑ mɑ́ nɑ mɑ ɩsɔtɑɑ tillɑɑ tǝ kɔɔ nɑ mɑ́ fɛlɩ pɑɑ wei kɛ́ ɩsǝnɑ ɩ kʋlɑpʋtʋ wɛɛ tɔ. 28 Tɑmpɑnɑ kɛ mɑ heeliɣi-mɛ yoo mɑɑ cɛsǝɣɩ, mpɑ pɑ wɛ cǝnɛ tɔ pɑ tɑɑ lɛlɑɑ kɑ́ nɑ́ Yʋlʋ Pǝyɑɣɑ mɑ́ nɑ mɑ́ kɔŋ ɩsɩɩ wulɑʋ sɔsɔ nɑ pǝ́cɔ́ pɑ́ sɩ. <div eID="gen24248" type="x-p"/> <chapter eID="Matt.16.seID.18364"/>