Kupindura kwaIsraeri

6Uyai tidzokere kuna Jehovha; nokuti iye wakabvambura, asi achatipodza, wakarova, asi achatisunga maronda.

2 Achativandudza shure kwemazuva maviri; nezuva rechitatu achatimutsa, zvino tichararama pamberi pake.

3 Ipapo tichaziva, tichadzingirira kuziva Jehovha; kubuda kwake kwakagadzirwa semangwanani; uye achauya kwatiri semvura, semvura yekupedzisira neyekutanga panyika.

Efuremu naJudha vanotukwa

4 Efuremu, ndichaitei kwauri? Judha, ndichaitei kwauri? Nekuda kwekunaka kwenyu segore remangwanani, uye sedova remakuseni rinoenda.

5 Naizvozvo ndakavatema kubudikidza nevaporofita; ndakavauraya nemashoko emuromo wangu; uye mitongo yako yakaita sechiedza chinobuda.

6 Nokuti ndinoshuva rudo, uye kwete chibairo, uye kuziva Mwari kupfuura zvipiriso zvinopiswa.

7 Asi ivo sevanhu vakadarika sungano; ipapo vakaita nekunyengera kwandiri.

8 Giriyadhi iguta revanoita zvakaipa; rine makwapa eropa.

9 Uye semapoka ehondo anovandira munhu, mapoka evapristi anouraya panzira yeShekemi; nokuti vanoita zvinyadzo.

10 Paimba yaIsraeri ndakaona chinhu chinotyisa; ipo pane ufeve hwaEfuremu; Israeri wakasvibiswa.

11 Newewo, Judha, wakakugadzirira goho, pandaidzosa kutapwa kwevanhu vangu.