Jobho anoshuva kurondedzera nyaya yake pamberi paMwari

23Zvino Jobho wakapindura ndokuti:

2 Kunyange nhasi gunun'uno yangu inorwadza; ruoko rwangu rwunorema pamusoro pekugomera kwangu.

3 Haiwa, dai ndaiziva kwandingamuwana. Ndaiuya panzvimbo yake.

4 Ndairongedza nyaya yangu pamberi pake, ndokuzadza muromo wangu nenharo.

5 Ndinoziva mashoko aanondipindura, uye ndinonzwisisa zvaachareva kwandiri.

6 Achandipikisa neukuru hwesimba here? Kwete, asi iye achaisa moyo wake kwandiri.

7 Ipapo wakarurama angapikisana naye; naizvozvo ndainunurwa rinhi narinhi pamutongi wangu.

8 Tarira, ndinoenda mberi, asi haapo; uye shure, asi handimunzwisisi.

9 Kuruboshwe pakushanda kwake, asi handimutariri; anozvivanza parudyi, uye handimuoni.

10 Asi anoziva nzira neni; ngaandiidze; ndichabuda segoridhe.

11 Rutsoka rwangu rwakabatirira paakatsika; ndakachengeta nzira yake, uye handina kutsauka.

12 Handina kubva pamurairo wemiromo yake; ndakakoshesa mashoko emuromo wake kupfuura mugove wangu.

13 Asi iye ari pane chimwe, uye ndiani anomudzosera shure? Uye anoita zvinoda mweya weupenyu wake.

14 Nokuti anopedza zvandakatemerwa; nezvizhinji zvakadai zviri kwaari.

15 Naizvozvo ndinovhunduka pamberi pake; ndinofunga, ndinomutya.

16 Nokuti Mwari anoita moyo wangu upere simba, uye Wemasimbaose wakandivhundusa.

17 Nokuti handina kugurwa pamberi perima, uye wakafukidza rima pachiso changu.