Mazita evakabva Bhabhironi naZerubhabheri

7Zvino zvakaitika rusvingo parwaiva rwavakwa, ndamisa magonhi, uye varindi vemikova, nevaimbi, nevaRevhi vagadzwa,

2 kuti ndakaraira Hanani munin'ina wangu naHananiya mutongi wenhare kuva pamusoro peJerusarema; nokuti waiva semunhu wakatendeka, uye waitya Mwari kupfuura vazhinji.

3 Zvino ndakati kwavari: Masuwo eJerusarema ngaarege kuzarurwa kusvika zuva rapisa; zvino vachakamirapo ngavapfige mikova mugokiya; mugogadza varindi pavagari veJerusarema, umwe neumwe pachirindo chake, uye umwe neumwe pakatarisana neimba yake.

4 Zvino guta raiva bamhi mativi maviri uye rakakura; asi vanhu vaiva vashoma mariri; uye dzimba dzaiva dzisina kuvakwa.

5 Zvino Mwari wangu wakapa mumoyo mangu kuti ndiunganidze vakuru nevatongi nevanhu, kuti vaverengwe nemarudzi. Zvino ndakawana bhuku remarudzi evakakwira pakutanga, ndokuwana makanyorwa mariri:

6 Ava vana vedunhu vakakwira kubva muutapwa pane vakatapwa, avo Nebhukadhinezari mambo weBhabhironi vaakatapa, ndokudzokera kuJerusarema nekwaJudha, umwe neumwe kuguta rake.

7 Ivo vakauya naZerubhabheri, Jeshuwa, Nehemiya, Azariya, Raamiya, Nahamani, Modhekai, Bhirishani, Misipereti, Bhigivhayi, Nehumi, Bhaana. Uwandu hwevarume vevanhu vaIsraeri:

8 Vana vaParoshi, zvuru zviviri nezana nemakumi manomwe nevaviri.

9 Vana vaShefatiya, mazana matatu nemakumi manomwe nevaviri.

10 Vana vaAra, mazana matanhatu nemakumi mashanu nevaviri.

11 Vana vaPahati-Moabhi, vevana vaJeshuwa naJoabhu, zvuru zviviri nemazana masere negumi nevasere.

12 Vana vaErami, churu nemazana maviri nemakumi mashanu nevana.

13 Vana vaZatu, mazana masere nemakumi mana nevashanu.

14 Vana vaZakai, mazana manomwe nemakumi matanhatu.

15 Vana vaBhinui, mazana matanhatu nemakumi mana nevasere.

16 Vana vaBhebhayi, mazana matanhatu nemakumi maviri nevasere.

17 Vana vaAzigadhi, zvuru zviviri nemazana matatu nemakumi maviri nevaviri.

18 Vana vaAdhonikami, mazana matanhatu nemakumi matanhatu nevanomwe.

19 Vana vaBhigivhayi, zvuru zviviri nemakumi matanhatu nevanomwe.

20 Vana vaAdhini, mazana matanhatu nemakumi mashanu nevashanu.

21 Vana vaAteri, waHezekia, makumi mapfumbamwe nevasere.

22 Vana vaHashumi, mazana matatu nemakumi maviri nevasere.

23 Vana vaBhezai, mazana matatu nemakumi maviri nevana.

24 Vana vaHarifi, zana negumi nevaviri.

25 Vana vaGibhiyoni, makumi mapfumbamwe nevashanu.

26 Varume veBheterehemu neNetofa, zana nemakumi masere nevasere.

27 Varume veAnatoti, zana nemakumi maviri nevasere.

28 Varume veBheti-Azimavheti, makumi mana nevaviri.

29 Varume veKiriati-Jearimi, Kefira, neBheeroti, mazana manomwe nemakumi mana nevatatu.

30 Varume veRama neGebha, mazana matanhatu nemakumi maviri neumwe.

31 Varume veMikimasi, zana nemakumi maviri nevaviri.

32 Varume veBheteri neAi, zana nemakumi maviri nevatatu.

33 Varume verimwe Nebho, makumi mashanu nevaviri.

34 Vana verimwe Erami, churu nemazana maviri nemakumi mashanu nevana.

35 Vana vaHarimi, mazana matatu nemakumi maviri.

36 Vana veJeriko, mazana matatu nemakumi mana nevashanu.

37 Vana veRodhi, Hadhidhi, neOno, mazana manomwe nemakumi maviri neumwe.

38 Vana veSenaa, zvuru zvitatu nemazana mapfumbamwe nemakumi matatu.

39 Vapristi: Vana vaJedhaya, veimba yaJeshuwa, mazana mapfumbamwe nemakumi manomwe nevatatu.

40 Vana veImeri, churu nemakumi mashanu nevaviri.

41 Vana vaPashuri, churu nemazana maviri nemakumi mana nevanomwe.

42 Vana vaHarimi, churu chimwe negumi nevanomwe.

43 VaRevhi: Vana vaJeshuwa waKadhimieri wevana vaHodhevha, makumi manomwe nevana.

44 Vaimbi: Vana vaAsafi, zana nemakumi mana nevasere.

45 Varindi vemikova: Vana vaSharumi, vana vaAteri, vana vaTarimoni, vana vaAkubhi, vana vaHatita, vana vaShobhayi, zana nemakumi matatu nevasere.

46 VaNetinimi: Vana vaZiha, vana vaHasufa, vana vaTabhaoti,

47 vana vaKerosi, vana vaSiya, vana vaPadhoni,

48 vana vaRebhana, vana vaHagabha, vana vaSharimai,

49 vana vaHanani, vana vaGidheri, vana vaGahari,

50 vana vaReaya, vana vaRezini, vana vaNekodha,

51 vana vaGazami, vana vaUza, vana vaPaseya,

52 vana vaBhesai, vana vaMeunimi, vana vaNefushesimi,

53 vana vaBhakibhuki, vana vaHakufa, vana vaHarihuri,

54 vana vaBhazeriti, vana vaMehidha, vana vaHarisha,

55 vana vaBharikosi, vana vaSisera, vana vaTama,

56 vana vaNeziya, vana vaHatifa.

57 Vana vevaranda vaSoromoni: Vana vaSotai, vana vaSofereti, vana vaPeridha,

58 vana vaJaara, vana vaDharikoni, vana vaGidheri,

59 vana vaShefatiya, vana vaHatiri, vana vaPokereti waHazebhaimi, vana vaAmoni.

60 VaNetinimi vose nevana vevaranda vaSoromoni vaiva mazana matatu nemakumi mapfumbamwe nevaviri.

61 Zvino ava ndivo vakakwira kubva Teri-Mera, Teri-Harisha, Kerubhi, Adhoni, neImeri; asi vaiva vasingagoni kududza imba yemadzibaba avo kana mbeu yavo kana kuti vaibva kwaIsraeri.

62 Vana vaDheraya, vana vaTobhiya, vana vaNekodha, mazana matanhatu nemakumi mana nevaviri.

63 Nepavapristi: Vana vaHobhaya, vana vaHakozi, vana vaBharizirai, avo vakawana kuvakunda vaBharizirai muGiriyadhi kuva mukadzi, akazotumidzwa nezita ravo.

64 Ava vakatsvaka kunyorwa kwavo, vaiverengwa nemarudzi, asi havana kukuwana; naizvozvo vaiva sevakasvibiswa vakabviswa paupristi.

65 Zvino mutongi wakati kwavari kuti vasadya pazvinhu zvitsvene-tsvene kusvika kwasimuka mupristi ane Urimi neTumimi.

66 Ungano yose pamwe chete yaiva zvuru makumi mana nezviviri nemazana matatu nemakumi matanhatu,

67 kusingaverengwi varanda vavo nevarandakadzi vavo; avo vaiva zvuru zvinomwe nemazana matatu nemakumi matatu nevanomwe, uye vaiva nevaimbi nevaimbikadzi mazana maviri nemakumi mana nevashanu.

68 Mabhiza avo aiva mazana manomwe nemakumi matatu nematanhatu; nemahesera avo mazana maviri nemakumi mana nemashanu;

69 makamera, mazana manomwe nemakumi matatu nemashanu; mbongoro zvuru zvitanhatu nemazana manomwe nemakumi maviri.

70 Zvino vamwe vemisoro yemadzibaba vakapa kubasa. Mutongi wakapa kuzvinokosha madariki egoridhe churu, mbiya makumi mashanu, nguvo refu dzevapristi mazana mashanu nemakumi matatu.

71 Zvino vamwe vemisoro yemadzibaba vakapa kuzvinokosha zvebasa madariki egoridhe zvuru makumi maviri, nemapaundi* esirivha zvuru zviviri nemazana maviri.

72 Neizvo vamwe vevanhu zvavakapa zvaiva madariki egoridhe zvuru makumi maviri, nemapaundi esirivha zvuru zviviri, nenguvo refu dzevapristi makumi matanhatu nenomwe.

73 Zvino vapristi nevaRevhi nevarindi vemikova nevaimbi nevamwe vevanhu nevaNetinimi naIsraeri wose vakagara pamaguta avo. Mwedzi wechinomwe wakati wasvika, vana vaIsraeri vaiva vava mumaguta avo.