| ShonaTeam Joshua « 21 » |
VaRevhi vanopiwa maguta avo
21Zvino kwakaswedera misoro yemadzibaba evaRevhi kuna Eriazari mupristi, nekuna Joshua mwanakomana waNuni, nekumisoro yemadzibaba emarudzi evana vaIsraeri.
2 Ndokutaura kwavari paShiro panyika yeKenani vachiti: Jehovha wakaraira neruoko rwaMozisi kutipa maguta ekugara, nemafuro awo emombe dzedu.
3 Vana vaIsraeri ndokupa vaRevhi panhaka yavo maguta awa nemafuro awo, zvichienderana nemurairo waJehovha.
4 Zvino mujenya wakabudira mhuri dzevaKohati; vana vaAroni mupristi vaibva pavaRevhi, parudzi rwaJudha neparudzi rwaSimioni neparudzi rwaBhenjamini, nemujenya ndokuva nemaguta gumi nematatu.
5 Zvino vana vakasara vaKohati pamhuri yerudzi rwaEfuremu neparudzi rwaDhani nepahafu yerudzi rwaManase nemujenya vakava nemaguta gumi.
6 Nevana vaGerishoni pamhuri yerudzi rwaIsasikari neparudzi rwaAsheri neparudzi rwaNafutari nepahafu yerudzi rwaManase muBhashani nemujenya vakava nemaguta gumi nematatu.
7 Vana vaMerari nemhuri dzavo parudzi rwaRubheni neparudzi rwaGadhi neparudzi rwaZebhuruni vakava nemaguta gumi nemaviri.
8 Zvino vana vaIsraeri vakapa vaRevhi maguta awa nemafuro awo nemujenya, Jehovha sezvaakaraira neruoko rwaMozisi.
9 Zvino vakapa parudzi rwevana vaJudha neparudzi rwevana vaSimioni maguta awa arehwa nezita.
10 Aiva evana vaAroni kubva kumhuri dzevaKohati pavana vaRevhi; nokuti vakava nemujenya wekutanga.
11 Zvino vakavapa Kiriyati-Aribha, baba vaAnaki, rinova Hebhuroni, panyika yezvikomo yaJudha, nemafuro aro akaripoteredza.
12 Asi munda weguta nemisha yaro vakapa kuna Karebhu mwanakomana waJefune kuva zvake.
13 Naizvozvo vakapa vana vaAroni mupristi guta reutiziro remuurayi, Hebhuroni pamwe nemafuro aro, uye Ribhina pamwe nemafuro aro,
14 neJatiri pamwe nemafuro aro, neEshitemowa pamwe nemafuro aro,
15 neHoroni pamwe nemafuro aro, neDhebhiri pamwe nemafuro aro,
16 neAini pamwe nemafuro aro, neJuta pamwe nemafuro aro, Bheti-Shemeshi pamwe nemafuro aro: Maguta mapfumbamwe pamarudzi iwawo maviri.
17 Neparudzi rwaBhenjamini: Gibhiyoni pamwe nemafuro aro, Gebha pamwe nemafuro aro,
18 Anatoti pamwe nemafuro aro, neArinoni pamwe nemafuro aro: Maguta mana.
19 Maguta ose evana vaAroni vapristi aiva maguta gumi nematatu pamwe nemafuro awo.
20 Nemhuri dzevana vaKohati, vaRevhi vakasara pavana vaKohati, vakava nemaguta emujenya wavo parudzi rwaEfuremu.
21 Zvino vakavapa guta rekutizira muurayi, Shekemu pamwe nemafuro aro panyika yezvikomo yaEfuremu, neGezeri pamwe nemafuro aro,
22 neKibhizaimi pamwe nemafuro aro, neBheti-Horoni pamwe nemafuro aro: Maguta mana.
23 Neparudzi rwaDhani: Eriteke pamwe nemafuro aro, Gibhetoni pamwe nemafuro aro,
24 Ajaroni pamwe nemafuro aro, Gati-Rimoni pamwe nemafuro aro: Maguta mana.
25 Nepahafu yerudzi rwaManase: Tahanaki pamwe nemafuro aro, neGati-Rimoni pamwe nemafuro aro: Maguta maviri.
26 Maguta ose emhuri dzevana vaKohati vakasara aiva gumi pamwe nemafuro awo.
27 Zvino kuvana vaGerishoni, vemhuri dzevaRevhi, pahafu yerudzi rwaManase: Guta rekutizira muurayi, Gorani paBhashani pamwe nemafuro aro, neBheeshitera pamwe nemafuro aro: Maguta maviri.
28 Neparudzi rwaIsasikari: Kishioni pamwe nemafuro aro, Dhabherati pamwe nemafuro aro,
29 Jarimuti pamwe nemafuro aro, Eni-Ganimi pamwe nemafuro aro: Maguta mana.
30 Neparudzi rwaAsheri: Mishari pamwe nemafuro aro, Abhidhoni pamwe nemafuro aro,
31 Herikati pamwe nemafuro aro, neRehobhi pamwe nemafuro aro: Maguta mana.
32 Neparudzi rwaNafutari: Guta rekutizira muurayi, Kedheshi muGarirea pamwe nemafuro aro, neHamoti-Dhori pamwe nemafuro aro, neKaritani pamwe nemafuro aro: Maguta matatu.
33 Maguta ose evaGerishoni nemhuri dzavo aiva maguta gumi nematatu pamwe nemafuro awo.
34 Zvino mhuri dzevana vaMerari, vaRevhi vakasara, parudzi rwaZebhuruni vakava neJokineamu pamwe nemafuro aro, Karita pamwe nemafuro aro,
35 Dhimuna pamwe nemafuro aro, Naharari pamwe nemafuro aro: Maguta mana.
36 Neparudzi rwaRubheni: Bhezeri pamwe nemafuro aro, neJahazi pamwe nemafuro aro,
37 Kedhemoti pamwe nemafuro aro, neMefaati pamwe nemafuro aro: Maguta mana.
38 Neparudzi rwaGadhi: Guta rekutizira muurayi, Ramoti muGiriyadhi pamwe nemafuro aro, neMahanayimu pamwe nemafuro aro,
39 Heshibhoni pamwe nemafuro aro, Jazeri pamwe nemafuro aro: Maguta ose aiva mana.
40 Maguta ose aiva evana vaMerari, nemhuri dzavo, vakasara vemhuri dzevaRevhi; uye mujenya wavo waiva maguta gumi nemaviri.
41 Maguta ose evaRevhi pakati penhaka yevana vaIsraeri aiva maguta makumi mana nemasere pamwe nemafuro awo.
42 Maguta awa rimwe nerimwe raiva pamwe nemafuro aro kuripoteredza; ndizvo zvaiva zvakaita maguta iwawo ose.
43 Jehovha ndokupa vaIsraeri nyika yose yaaiva apika kupa kumadzibaba avo; ivo ndokuigara nhaka, ndokugaramo.
44 Jehovha ndokuvapa zororo kumativi ose, maererano nekupika kwake kose kumadzibaba avo; uye hakuna kumira munhu pamberi pavo kuvavengi vavo vese; Jehovha wakapa vavengi vavo vose muruoko rwavo.
45 Hakuna kukona chinhu pazvinhu zvose zvakanaka Jehovha zvaakataura kuimba yaIsraeri; zvose zvakaitika.