UPawuli umangalelwa phambi kukaFestusi

25Ngakho kwathi uFestusi esengenile emkhonwenia, emva kwensuku ezintathub wenyukelac eJerusalema esuka eKesariyad, 2 lompristi omkhulue lezikhulu zamaJudaf bammangalela uPawuli kuye, bemncenga, 3 bacela ukwenzelwa umusa omelane laye, ukuthi amthume eJerusalemagh, becathamela ukumbulala endlelenii. 4 Kodwa uFestusi waphendula ngokuthi uPawuli ugciniwe eKesariyaj, lokuthi laye ngokwakhe uzakuya khona ngokuphangisa. 5 Wathi: Ngakho labo abenelisayo phakathi kwenu kabehle kanye lami; uba kukhona ulutho olubi ngaleyondoda, bayimangalelek.

6 Kwathi esehlale phakathi kwabo insuku ezedlula itshumi, wehlelal eKesariyam; kusisa wahlala esihlalweni sokwahlulelan walaya ukuthi uPawuli alethwe. 7 Kwathi esefikile, amaJuda ayehlile evela eJerusalema ema emhanqileo, embeka amacala amanengi lanzima uPawuli, ayengelakuwaqinisapq, 8 yena eziphendulela wathir: Lemlayweni wamaJuda, lethempelini, lakuKesari kangonanga luthos. 9 Kodwa uFestusi ethanda ukuthabisa amaJudat, waphendula uPawuli wathi: Uyathandau yini ukwenyukela eJerusalemav, wahlulelwe khona ngalezizinto phambi kwami? 10 Kodwa uPawuli wathi: Ngimi phambi kwesihlalo sokwahlulela sikaKesariw, lapho okufanele ngahlulelwe khona; kangonanga lutho kumaJuda, njengoba lawe usazi kuhle kakhulux. 11 Ngoba uba ngonile ngenze ulutho olufanele ukufa, kangali ukufay; kodwa uba kungekho lutho lwezinto abangimangalela ngazo, kakulamuntu onganginikela kubo ngesihlez. Ngilidlulisela kuKesaria. 12 Khona uFestusi esekhulume lomphakathi waphendula wathi: Ulidlulisele kuKesari? KuKesari uzakuyab.

UAgripha ubikelwa udaba lukaPawuli

13 Kwathi sekudlule insuku ezithile, uAgripha inkosi loBernike bafika eKesariyac, ukuze babingelele uFestusi. 14 Kwathi sebehlezi khona insuku ezinengi, uFestusi wayilandisela inkosi izindaba zikaPawulid, esithi: Kukhona indoda ethile eyatshiywa nguFelike iyisibotshwae, 15 kwathi ngiseJerusalemaf, abapristi abakhulu labadala bamaJuda bammangalela, becela isigwebo esimelene layeg. 16 Engabaphendula ngathi: Kakusiwo umkhuba wamaRoma ukumnikela umuntu ekufenih, omangalelweyo labammangalelayo bengalethwanga ubuso ngobusoi, njalo azuze ithuba lokuziphendulela ngecalaj. 17 Ngakho sebebuthene lapha, kangizange ngiphuze; ngosuku olulandelayok ngahlala esihlalweni sokwahlulelal, ngalaya ukuthi indoda ilethwe; 18 leyo abayimangalelayo sebemi kabavezanga cala ngayo ngezinto mina ebengizicabangelam, 19 kodwa babelokuphikisana okuthile layen ngenkolo yakiboo, langothile uJesu owafayo, uPawuli othi ngaye uyaphila. 20 Kuthe mina ngisadidekile ngombuzo onje1, ngathi, angathanda yini ukuya eJerusalemap, ayekwahlulelwa khona ngalezozinto. 21 Kodwa kwathi uPawuli eselidlulisele phambili ukuthi agcinelwe ukuhlolwa yinkosi enkuluq, ngalaya ukuthi agcinwe, ngize ngimthume kuKesari. 22 UAgripha wasesithi kuFestusi: Lami bengithanda ukuthi ngimuzwe lumuntu. Yena wathi: Kusasa uzamuzwar.

23 Ngakho kusisa, kwathi uAgripha loBernike befika ngokuzibonakalisa okukhulus, basebengena endlini yokwahlulela kanye lezinduna ezinkulut lamadoda ayizikhulu zomuzi, uFestusi waselaya ukuthi uPawuli alethwe. 24 UFestusi wasesithi: Nkosi Agripha, lani lonke madoda elikhona lapha kanye lathi, liyambona lo elangicela ngayeu lonke ixuku lamaJudav eJerusalema kanye lalapha, limemeza lisithi kasafanele ukuphilaw. 25 Kodwa mina ngathola ukuthi kenzanga lutho olufanele ukufax, lokuthi yenay ngokwakhe eselidlulisele enkosini enkuluz, ngaquma ukumthuma. 26 Okungaye kangilalutho oluqinileyo engingalubhalela inkosi. Ngakho ngimlethile phambi kwenu, ikakhulu phambi kwakho, nkosi Agripha, ukuze kuthi esehloliwe ngibe lakho engingakubhala. 27 Ngoba ngibona kungaqondanga ukuthuma isibotshwa, kungatshengiswanga lamacala amelene lasoa.