UPawuli ulandisela amaJuda ngokuphenduka kwakhe

22Madoda, bazalwane, labobaba, zwanini ukuziphendulela kwami khathesi kinia. 2 Sebezwile ukuthi ukhuluma labo ngolimi lwamaHebheru, bathula kakhulub, wasesithi: 3 Mina ngiyindoda engumJudac, eyazalelwa eTarsu yeKilikhiya, ngakhuliselwa kulumuzid enyaweni zikaGamaliyelie, ngafundiswa ngokuqinileyo umlayo wabobabaf, ngitshisekela uNkulunkulug, njengani lonke lamuhlah; 4 eyazingela leyondlelai kwaze kwaba sekufeni, ngibabopha ngibanikela entolongweni amadoda kanye labafazij, 5 njengoba lompristi omkhulu engifakazela, lomphakathi wonke wabadalak; engazuza kubo incwadi eziya kubazalwanel, ngaya eDamaseko, ukuthi lababekhona lapho ngibalethe eJerusalema bebotshiwe, ukuze bajeziswe. 6 Kwasekusithi ngisahamba sengisondela eDamaseko, sekungaba yimini enkulu, kwahle kwakhanya ukukhanya okukhulu okuvela ezulwini kungizingelezela. 7 Ngasengiwela phansi, ngasengisizwa ilizwi lisithi kimi: Sawuli, Sawuli, ungizingelelani? 8 Mina ngasengiphendula ngathi: Ungubani, Nkosi? Wasesithi kimi: NginguJesu weNazaretha wena omzingelayom. 9 Lalabo ababelami bakubona ukukhanya, njalo basebesesaba, kodwa kabalizwanga ilizwi elakhuluma lamin. 10 Ngasengisithi: Ngenzeni, Nkosi? INkosi yasisithi kimi: Sukuma uye eDamaseko; njalo uzatshelwa khona ngazo zonke izinto ozimiselwe ukuthi uzenze. 11 Njengoba ngangingaboni ngenxa yenkazimulo yalokhokukhanya, ngakhokhelwa ngesandla yilabo ababelami, ngafika eDamaseko. 12 Njalo uAnaniya othileo, indoda ekhuthele ekukhonzeni ngokomlayop, owayefakazelwa yiwo wonke amaJuda ahlala khonaq, 13 weza kimi wasesima phansi kwamir wathi kimi: Sawuli mzalwane, buya ubone. Njalo mina ngalesosikhathi ngasengimbona. 14 Wasesithi: UNkulunkulu wabobaba bethus ukumisile ngaphambilit ukuthi wazi intando yakheu, lokuthi ubonev oLungileyow, njalo uzwe ilizwi eliphuma emlonyeni wakhex, 15 ngoba uzakuba ngumfakazi wakhey kubo bonke abantuz, walokho okubonileyo lokuzwileyoa. 16 Khathesi-ke, usalindeleni? Sukuma ubhabhathizweb uhlanjululwe ezonweni zakhoc, ubize ibizo leNkosid. 17 Kwasekusithi kimi sengibuyele eJerusalemae, njalo ngikhuleka ethempelini, ngaba lokuhlehla kwengqondof, 18 ngasengimbona wathi kimi: Phangisa uphume ngesiqubu eJerusalemag; ngoba kabasoze bemukele ubufakazi bakho ngamih. 19 Ngasengisithi: Nkosi, bayazi bona ukuthi mina ngangibafaka entolongwenii ngibatshaya emasinagogeni wonke labo abakholwa kuwej; 20 njalo mhla kuchithwa igazi likaStefane umfakazi wakhok, mina uqobo ngangimi khona ngivumelana lokufa kwakhel, njalo ngilondoloza izembatho zalabo abambulalayom. 21 Wasesithi kimi: Hamba, ngoba mina ngizakuthuman khatshana kwabezizweo.

AmaJuda afuna ukubulala uPawuli

22 Bamlalela kwaze kwafika kulelolizwi, baphakamisa ilizwi labop besithi: Msuseni onje emhlabeniq, ngoba kakufanele ukuthi aphiler! 23 Kwathi besamemeza, baphosa izembatho, baphosa uthuli emoyeni, 24 induna enkulu yalaya ukuthi angeniswe enkambeni yamabuthos, yathi kahlolisiswe ngokutshaywa ngesisweput, ukuze yazi ukuthi kungasizatho bani bememeza ngokunjalo ngaye. 25 Kwathi sebemelulele phambili ngemichilo, uPawuli wathi enduneni yekhulu eyayimi lapho: Kuvunyelwe kini yini ukutshaya ngesiswepu umuntu ongumRomau engalahlwanga licalav? 26 Induna yekhulu isizwile yasondela yatshela induna enkulu isithi: Nanzelela osuzakwenza; ngoba lumuntu ungumRoma. 27 Induna enkulu yasifika yathi kuye: Ngitshele, wena ungumRoma yini? Yena wathi: Yebo. 28 Induna enkulu yasiphendula yathi: Mina lelilungelo lokuba yisakhamuzi ngalizuza ngemali enkuluw. UPawuli wasesithi: Kodwa lami ngazalwa lalo. 29 Ngakho labo abasebezamhlola bahle basuka kuye. Lenduna enkulu layo yesaba, isisazi ukuthi ungumRoma, lokuthi ibimbophilex.

30 Kwathi kusisa ifuna ukwazi iqiniso, ukuthi kungani emangalelwa ngamaJuda, yamkhulula kuzibophoy, yalaya ukuthi abapristi abakhulu lomphakathi wabo wonke babuyez, yamehlisa uPawuli yammisa phambi kwaboa.