Ukubotshwa kukaJesu

18UJesu esekhulumile lezizinto waphuma kanye labafundi bakhea waya ngaphetsheya kwesifudlana iKidronib, lapho okwakukhona isivande, angena kuso yena labafundi bakhec.

2 Njalo uJudasi laye, owamnikelayo, wayeyazi lindawod; ngoba uJesu wayebuthana khona labafundi bakhe kanengie. 3 Ngakho uJudasi, esethethef isigaba samabuthog, labancedisi abavela kubapristi abakhulu labaFarisih, waya khona belezibane lamalambi lezikhalii. 4 Kwathi uJesu, ekwazi konke okwakuzamehlela, waphuma wathi kubo: Lidinga banij? 5 Bamphendula bathi: UJesu weNazaretha. UJesu wathi kubo: Mina nginguye. LoJudasi owamnikelayo laye wayemi labo. 6 Ngakho kuthe esithi kubo: Mina nginguye; bahlehla nyovane, bawela phansi. 7 Wasephinda wababuza wathi: Lidinga bani? Basebesithi: UJesu weNazaretha. 8 UJesu waphendula wathi: Ngilitshelile ukuthi mina nginguye; ngakho uba lidinga mina, yekelani laba bahambe; 9 ukuze ligcwaliseke ilizwi ayelikhulumile elokuthi: Kulabo owanginika bona, angilahlekelwanga lamunye wabok. 10 Kwathi uSimoni Petro elenkemba wayihwatsha, wagadla inceku yompristi omkhulu, waquma indlebe yayo yokunene. Lebizo lenceku lalinguMalikusi. 11 UJesu wasesithi kuPetro: Faka inkemba yakho esikhwameni; inkezo uBaba anginike yona, kangiyikuyinatha yinil?

12 Ngakho isigabamn samabutho lendunao labancedisi bamaJuda bambamba uJesup, bambopha, 13 basebemusaq kuqala kuAnasir; ngoba wayenguyisezala kaKayafasis, owayengumpristi omkhulu ngalowomnyakat. 14 Kwakunguye uKayafasi owayecebise amaJuda, ukuthi kwakulungile ukuthi umuntu oyedwa afele isizweu.

UPetro ulandula uJesu. Ukuthethwa kwecala likaJesu

15 USimoni Petro wasemlandela uJesuv, lomunye umfundi. Lalowomfundi wayesaziwa ngumpristi omkhulu, wangena loJesu egumeni lompristi omkhuluw; 16 kodwa uPetro wayemi ngaphandle emnyangox. Wasephuma lowomfundi omunye owayesaziwa ngumpristi omkhulu, wasekhuluma lomlindisangokazi, wamngenisa uPetroy. 17 Incekukazi encane engumlindisango yasisithi kuPetro: Kawusuye lawe omunye wabafundi balumuntu yini? Yena wathi: Kangisuyez. 18 Njalo izinceku labancedisia babemi bebase umlilo wamalahle, ngoba kwakumakhazab, njalo besotha; uPetro laye wayemi labo esotha.

19 Umpristi omkhulu wasembuza uJesu ngabafundi bakhe, langemfundiso yakhec. 20 UJesu wamphendula wathi: Mina ngikhulume obala emhlabenid; ngezikhathi zonke mina bengifundisa esinagogenie lethempelinif, lapho amaJuda abuthana khona ngesikhathi sonke, njalo kangikhulumanga lutho ensithag. 21 Ubuzelani kimi? Buza labo abakuzwayo lokho engakukhuluma laboh; khangela, bona bayazazi izinto mina engazitshoyoi. 22 Kwathi esetshilo lezizinto, omunye wabancedisij owayemi khona wamwakala1 uJesuk, esithi: Kanti uphendula njalo umpristi omkhulul? 23 UJesu wamphendula wathi: Uba ngikhulume kubi, fakaza ngobubi; kodwa uba kuhle, ungitshayelani? 24 UAnasi wasemthuma ebotshiwe kuKayafasi umpristi omkhulum.

25 Kodwa uSimoni Petro wayemi esothan; basebesithi kuye: Kawusuye lawe omunye wabafundi bakhe yini? Waphika yena, wathi: Kangisuyeo. 26 Omunye wezinceku zompristi omkhulu, oyisinini somuntu uPetro aquma indlebe yakhep, wathi: Mina kangikubonanga yini esivandeni ulaye? 27 UPetro wasebuya ephika; njalo lahle lakhala iqhudeq.

UJesu uphambi kukaPilatu

28 Basebemkhupha uJesur kuKayafasi bamusa endlini yombusis; njalo kwakusekuseni, kodwa kabangenanga bona endlini yombusi, ukuze bangangcolit, kodwa ukuze badle iphasikau.

29 Ngakho uPilatu waphumela kubo, wathi: Limbeka cala bani lumuntuv? 30 Basebephendula bathi kuye: Uba lo ubengesuye owenza okubiw, ngabe kasimnikelanga kuwe. 31 UPilatu wasesithi kubo: Mthatheni lina, limahlulele njengomlayo wakinix. Ngakho amaJuda athi kuye: Kakuvunyelwa kithi ukubulala umuntu; 32 ukuze kugcwaliseke ilizwi uJesu alikhulumayo, ukutshengisa uhlobo lokufa ayezakufa ngaloy.

33 Ngakho uPilatu wabuye wangena endlini yombusi, wambiza uJesu, wathi kuye: Wena uyiNkosi yamaJuda yiniz? 34 UJesu wamphendula wathi: Uyazitsholo lokhu wena yini, kumbe abanye bakutshelile ngami? 35 UPilatu waphendula wathi: Kanti ngingumJuda mina? Isizwe sakini labapristi abakhulu bakunikele kimi; wenzeni? 36 UJesu waphendula wathi: Umbuso wamia kawusiwo walumhlabab; uba umbuso wami ubungowalumhlabac, inceku zamid bezizakulwae, ukuze nginganikelwa kumaJudaf; kodwa khathesi umbuso wami kawusiwo owalapha. 37 UPilatu wasesithi kuye: Ngakho uyinkosi yini? UJesu waphendula wathi: Uyatsho wena, ukuthi mina ngiyinkosig. Mina ngazalelwa lokhu, njalo ngizele lokhu emhlabenih, ukuze ngifakazelei iqinisoj. Wonke oweqiniso uyalizwa ilizwi lamik. 38 UPilatu wathi kuye: Liyini iqiniso?

Kwathi esetshilo lokhu, wabuya waphumela kumaJudal, wathi kuwo: Mina kangitholi lacala kuyem. 39 Kodwa lilomkhuba, wokuthi ngilikhululele omunye ngephasika; ngakho liyathanda ukuthi ngilikhululele iNkosi yamaJuda yinin? 40 Wonke asememeza futhio, athi: Hatshi lo, kodwa uBarabasip; kodwa uBarabasi wayengumphangiq.