Inkulumo yokuvalelisa kukaJesu

14Inhliziyo yenu kayingakhathazeki; liyakholwa kuNkulunkulu, kholwani lakimia. 2 Ekhaya likaBaba kukhona izindlu ezinengi; kodwa uba kwakungenjalo, ngabe ngalitshelab. Ngiyahamba ukuyalilungisela indawoc. 3 Njalo nxa ngihamba ngisiyalilungisela indawo, ngizabuya futhi ngilemukele kimid; ukuze kuthi lapho mina engikhona, libe khona lanie. 4 Lalapho mina engiya khona liyakwazi, lendlela liyayazi.

5 UTomasi wathi kuyef: Nkosi, kasikwazi lapho oya khona; pho, singayazi njani indlelag? 6 UJesu wathi kuye: Mina ngiyindlelah, leqinisoi, lempiloj; kakho oza kuBaba, kodwa ngamik. 7 Uba belingazile, belizamazi loBabal; njalo kusukela khathesi liyamazi, selimbonilem.

8 UFiliphu wathi kuye: Nkosi, sitshengise uYihlo, njalo kusanelen. 9 UJesu wathi kuye: Sengilani isikhathi eside kangaka, kawukangazi, Filiphu? Yena obone mina, ubone uBabao; njalo utsho njani ukuthi: Sitshengise uYihlo? 10 Kawukholwa yini ukuthi mina ngikuBaba, loBaba ukimip? Amazwi mina engiwakhuluma kini, kangizikhulumeli ngokwami; kodwa uBaba ohlezi kimiq, yena wenza imisebenzir. 11 Ngikholwani ukuthi mina ngikuBaba, loBaba ukimis; njalo uba kungenjalo, ngikholwani ngenxa yemisebenzi ngokwayot.

12 Ngiqinisile, ngiqinisile, ngithi kini: Okholwa kimi, imisebenzi engiyenzayo uzayenza layeu, lemikhulu kulale uzayenzav; ngoba mina ngiya kuBabaw. 13 Njalo loba yini eliyicelayox ngebizo lami, le ngizayenzay, ukuze uYise adunyiswe eNdodaneni. 14 Uba licela loba yini ebizweni lami, mina ngizayenzaz.

UMoya uyathenjiswa

15 Uba lingithanda, londolozani imilayo yamia. 16 Lami ngizacela kuBaba, laye uzalinika omunye uMduduzib, ukuze ahlale lani laphakade, 17 uMoya weqinisoc, ongememukele umhlaba, ngoba ungamboni, ungamazid. Kodwa lina liyamazie, ngoba uhlala lanif, njalo uzakuba kinig. 18 Kangiyikulitshiya lizintandane; ngizakuza kinih. 19 Kube kanti okwesikhatshanai, lomhlaba kawusayikungibona, kodwa lina lizangibonaj; ngoba mina ngiyaphila, lani lizaphilak. 20 Ngalolosuku lina lizakwazil ukuthi mina ngikuBaba, lani likimim, lami ngikinin. 21 Olemilayo yami ayilondoloze, nguye ongithandayoo; njalo yena ongithandayo, uzathandwa nguBaba; lami ngizamthanda, ngizazibonakalisa kuyep.

22 UJudasi, ongesuye uIskariyothi, wathi kuye: Nkosi, kungani uzazibonakalisa kithi, kodwa kungeyisikho kumhlabaq? 23 UJesu waphendula wathi kuye: Uba umuntu engithandars, uzalondoloza ilizwi lamit, loBaba uzamthandau, njalo sizakuza kuyev, sihlale layew. 24 Yena ongangithandiyo, kawalondolozi amazwi ami; lelizwi elilizwayo kayisilo elami, kodwa ngelikaBaba ongithumileyox.

25 Lezizinto ngizikhulumile kini ngihlezi lani. 26 Kodwa uMduduzi, uMoya oyiNgcweley, uBaba azamthuma ebizweni lamiz, yena uzalifundisa zonke izinto, njalo alikhumbuze konke engakutshoyo kinia.

27 Ukuthula ngikutshiya kinib, ukuthula kwami ngilinika khonac; kungeyisikho njengoba umhlaba unikad, mina ngiyalinika. Inhliziyo yenu kayingakhathazwa, ingesabie. 28 Lizwile ukuthi mina ngithe kinif: Ngiyahamba njalo ngizabuya kinig. Uba belingithanda, belizathokoza, ngoba ngithe: Ngiya kuBabah; ngoba uBaba mkhulu kulamii. 29 Njalo khathesi ngilitshelile kungakenzeki; ukuze, lapho sekusenzeka, likholwej. 30 Kangisayikukhuluma okunengi lanik; ngoba umbusi walumhlaba uyezal, kodwa kalalutho kimim; 31 kodwa ukuze umhlaba wazin ukuthi ngiyamthanda uBabao, lokuthi njengoba uBaba engilayile, ngenze njalo. Sukumani, sisuke laphap.