Ukumnikela kukaJudasi

22Kwasekusondela umkhosi wesinkwa esingelamvubelo, othiwa liphasikaa. 2 Abapristi abakhulu lababhali basebedinga ukuthi bangambulala njani; ngoba babesesaba abantu. 3 USathaneb wasengena kuJudasi othiwa nguIskariyothic, owayengowenani labalitshumi lambili. 4 Wasesuka wayakhuluma labapristi abakhulu lezinduna ngokuthi angamnikela njani kubod. 5 Basebethokoza, basebevumelana ukumnika imali. 6 Wasevuma, njalo wadinga ithuba elihle lokumnikela kubo lingekho ixuku1.

Ukumiswa kwesidlo esingcwele

7 Lwaselufika usuku lwesinkwa esingelamvubelo, okwakumele kuhlatshwe ngalo iphasikae. 8 Wasethuma uPetro loJohane, esithi: Hambani liyesilungisela iphasika, ukuze sidle. 9 Basebesithi kuye: Uthanda ukuthi silungise ngaphi? 10 Wasesithi kubo: Khangelani, kuzakuthi selingenile emzini, umuntu uzahlangana lani ethwele imbiza yamanzi; limlandele endlini azangena kuyo. 11 Beselisithi kumninindlu: Uthi uMfundisi kuwe: Ingaphi indlu yezihambi, lapho engingadlela khona iphasika labafundi bami? 12 Yena-ke uzalitshengisa indlu enkulu ephezulu eyendlelweyo; lilungise khona. 13 Bahamba-ke bafica njengokutsho kwakhe kubo; basebelungisa iphasikaf.

14 Kwathi selifikile ihola, wahlala phansig, labaphostoli abalitshumi lambili belayeh. 15 Wasesithi kubo: Ngokunxwanela nginxwanele ukudla lani leliphasika ngingakahlupheki; 16 ngoba ngithi kini: Kangisoze ngidle futhi kulo, lize ligcwalisekei embusweni kaNkulunkuluj. 17 Wasethatha inkezo, esebongile wathik: Thathani lokhu, beselisabelana; 18 ngoba ngithi kini: Kangisoze nginathe okwesithelo sevini, kuze kufike umbuso kaNkulunkulul. 19 Wasethatha isinkwam, esebongilen wasihlephuna, wabanika, esithi: Lokhu kungumzimba wami, owanikelelwa lina; lokhu kwenzeni ukungikhumbulao. 20 Ngokunjalo lenkezo emva kokudla, esithi: Inkezo le iyisivumelwano esitsha egazini lami, elichithelwa lina.

21 Kodwa khangelani, isandla songinikelayo silami etafulenip. 22 Ngoba isibili iNdodana yomuntu ihambaq njengokumisiweyor; kodwa maye kulowomuntu enikelwa nguye! 23 Bona basebeqala ukubuzana ukuthi kambe ngubani kubo ozakwenza lokhos.

Ubukhulu obuqotho

24 Kwavela lokuphikisana phakathi kwabot okokuthi nguwuphi kubo ongathiwa ngomkhuluu. 25 Wasesithi kubov: Amakhosi abezizwe azibusa ngobulukhuni, leziphathamandla zazo zithiwa ngabasizi. 26 Kodwa lina kakungabi njalo; kodwa omkhulu phakathi kwenuw kabe njengomncinyanex, longumkhokheli njengosebenzayo. 27 Ngoba nguwuphi omkhuluy, lowo ohleziyo ekudleni kumbe lowo osebenzayoz? Kayisilowo yini ohlezi ekudleni? Kodwa mina ngiphakathi kwenu njengaye osebenzayoa.

28 Lina-ke liyibo ababehlezi lami ezilingweni zamib; 29 njalo mina ngilimiselec umbuso, njengoba uBaba engimiseled, 30 ukuthi lidle linathe etafuleni lami embusweni wamie, lihlale ezihlalweni zobukhosi, lisehlulela izizwe ezilitshumi lambili zakoIsrayelif.

Ukuxwayiswa kukaPetro

31 INkosi yasisithi: Simoni, Simoni, khangela, uSathane ulifunisisileg, ukuze alihlungule njengamabeleh; 32 kodwa mina ngikukhulekelei, ukuze ukholo lwakho lungapheli; wena-ke nxa usuphendukilej uqinise abazalwane bakhok. 33 Kodwa wathi kuye: Nkosi, lentolongwenil lekufeni ngilungele ukuya khona lawem. 34 Kodwa yena wathi: Ngiyakutshela, Petro, iqhude kaliyikukhala lamuhla, ungakaphiki kathathu ukuthi uyangazin.

35 Wasesithi kubo: Mhla ngilithumao lingelamxhaka lesikhwamap lamanyathelaq, laswela yini ulutho? Basebesithi: Kasiswelanga lutho. 36 Wasesithi kubo: Kodwa khathesi lowo olomxhaka kawuthathe, ngokunjalo lesikhwamar; lalowo ongelakho, athengise isembatho sakhe, athenge inkemba. 37 Ngoba ngithi kini, kusamele kugcwaliseke kimi lokhu okulotshiweyo, ukuthi: Wabalwa kanye lezonis; ngoba lalezizinto eziqondane lami zilesiphethot. 38 Basebesithi: Nkosi, khangela, nanzi inkemba ezimbili. Wasesithi kubo: Kwanele.

EGetsemane

39 Wasephumau waya entabeni yeMihlwathiv njengokwejwayelaw; labafundi bakhe bamlandela. 40 Esefikile kuleyondawo, wathi kubox: Khulekani ukuthi lingangeni ekulingweniy. 41 Yena wasemonyuka kubo okungaba libanga lokuphosa ilitshe, waguqa phansi ngamadolo wakhulekaz, 42 esithi: Baba, uba uthanda, susa linkezo kimi; kodwa-ke kungenziwa intando yami, kodwa eyakho. 43 Kwabonakala kuye ingilosi evela ezulwini imqinisaa. 44 Esesesizini olunzima, wakhuleka kakhulub. Njalo izithukuthuku zakhe zaba njengamathonsi egazi zawela emhlabathini. 45 Esesukumile emkhulekweni, weza kubafundi bakhe, wabafica belele ngenxa yokudabuka, 46 wasesithi kubo: Lilaleleni? Vukani likhuleke, ukuze lingangeni ekulingwenic.

Ukubotshwa kukaJesu

47 Kwathi esakhulumad, khangela, ixuku, lalowo okuthiwa nguJudasi, omunye wabalitshumi lambili, ehamba phambi kwabo, wasesondela kuJesu ukumanga. 48 Kodwa uJesu wathi kuye: Judasi, uyayinikela yini iNdodana yomuntu ngokuyanga? 49 Kwathi labo ababengakuye sebebona okuzakwenzeka bathi kuye: Nkosi, sigadle yini ngenkembae? 50 Omunye wabo wasegadla inceku yompristi omkhulu, waquma indlebe yayo yokunene. 51 Kodwa uJesu waphendula wathi: Yekelani kuze kube yilokhu. Wasethinta indlebe yayo, wayisilisaf.

52 UJesu wasesithi kubapristi abakhulu lezinduna zethempeli labadala ababeze kuyeg: Liphume njengokuyamelana lomphangi yini lilezinkemba lezinduku? 53 Nxa bengilani insuku ngensuku ethempelini, kalelulanga izandla ukumelana lami; kodwa leli lihola lenuh, lamandla obumnyamai.

UPetro ulandula uJesu

54 Sebembambile bamqhuba, bamusa endlini yompristi omkhuluj. UPetro waselandela ekhatshanak. 55 Sebebasile umlilol phakathi kwegumam, sebehlezi phansi ndawonye, uPetro wahlala phakathi kwabo. 56 Kodwa incekukazi ethile imbona ehlezi emlilweni, yamjolozelan, yathi: Lumuntu laye ube laye. 57 Kodwa wamphika, wathi: Mama, kangimazi. 58 Emva kwesikhatshana omunyeo wasembona wathip: Lawe ungomunye wabo. Kodwa uPetro wathi: Ndoda, kangisuye. 59 Sekungaba kwedlule ihola elilodwa, omunye waqinisa, esithi: Isibili laye ube laye; ngoba futhi ungumGalili. 60 Kodwa uPetro wathi: Ndoda, kangazi ukuthi uthini. Njalo khonokho esakhuluma lakhala iqhude. 61 INkosi yasiphenduka yamkhangela uPetroq. UPetro waselikhumbula ilizwi leNkosi, ukuthi yakhuluma njani kuye isithi: Iqhude lingakakhali, uzangiphika kathathur. 62 UPetro wasephuma phandle wakhala kabuhlungu.

UJesu uphathwa kubi

63 Lamadoda ayembambile uJesus amklolodela, amtshayat. 64 Amembesa, amtshaya ubuso, asembuza, esithi: Profetha! Ngubani okutshayileyo? 65 Akhuluma lezinye izinto ezinengi kuye ehlambazau.

UJesu uphambi kwabapristi abakhulu

66 Kwathi sekusilev, abadala babantu babuthana, labapristi abakhulu lababhaliw, basebemusa emphakathini wabox, bathi: 67 Uba unguKristu, sitshele. Wasesithi kubo: Uba ngilitshela, kalisoze likholwe; 68 njalo uba lami ngilibuza, kalisoze lingiphendule, loba lingikhululey. 69 Kusukela khathesi iNdodana yomuntu izahlala ngakwesokunene samandla kaNkulunkuluz. 70 Basebesithi bonke: Kanti uyiNdodana kaNkulunkulua? Wasesithi kubo: Kutsho lina ukuthi ngiyiyob. 71 Basebesithi: Pho sisafunelani ubufakazi? Ngoba sesizizwele uqobo lwethu emlonyeni wakhe.