Umfanekiso womfelokazi ophikelelayo

18Wasebatshela lomfanekiso esenzela ukuthi bafanele ukukhuleka isikhathi sonkea, njalo bengadinwab, 2 wathi: Kwakukhona emzini othile umahluleli othile, owayengesabi uNkulunkulu, njalo engahloniphi muntuc; 3 kwakukhona futhi kulowomuzi umfelokazi othile, njalo wayefika kuye, esithi: Ngiphindiselele esitheni sami. 4 Kodwa kavumanga okwesikhathi; kodwa emva kwalezizinto wathi ngaphakathi kwakhe: Lanxa ngingamesabi uNkulunkulu, ngingahloniphi muntud, 5 kodwa ngoba lumfelokazi engikhathaza, ngizamphindiselelae, hlezi angaze ekucineni angidinisef. 6 INkosi yasisithi: Zwanini umahluleli ongalunganga akutshoyog. 7 Kanti uNkulunkuluh kayikwenza impindiseloi yabakhethiweyo bakhe abakhalayo kuye emini lebusukuj, lanxa ebekezela ngabok? 8 Ngiyalitshela ukuthi uzahle enzel impindiselo yabom. Kodwa-ke nxa iNdodana yomuntu ifika, izathola ukholo yini emhlabeni?

UmFarisi lomthelisi ethempelini

9 Wasekhuluma lumfanekiso lakwabathilen ababezithembao ukuthi balungile, futhi bedelela abanye, wathi: 10 Abantu ababili benyukela ethempelini ukuyakhuleka; omunye engumFarisip, lomunye engumthelisiq. 11 UmFarisi wema wazikhulekela kanje wathi: Nkulunkulu, ngiyakubonga ukuthi kanginjengabanye abantur, abaphangi, abangalunganga, izifebe, loba lanjengalumthelisis. 12 Ngizila ukudla kabili ngevikit, nginikela okwetshumiu kwakho konke engikuzuzayov. 13 Kodwa umthelisi emi khatshanaw wayengathandi lokuphakamisela amehlo ezulwinix, kodwa watshaya isifuba sakhe, esithi: Nkulunkulu, ngihawukele mina soniy. 14 Ngithi kini: Lo wehlela endlini yakhez elungisisiwe kulalowayanaa; ngoba wonke oziphakamisayo uzathotshiswa, kodwa ozithobayo uzaphakanyiswab.

Ukubusiswa kwabantwana abancane

15 Basebeletha kuye lensane, ukuze azibambe; kodwa abafundi bekubona babakhuza. 16 Kodwa uJesu wazibizela kuye wathi: Vumelani abantwana abancane beze kimi, lingabenqabeli, ngoba umbuso kaNkulunkulu ungowabanjec. 17 Ngiqinisile ngithi kini: Loba ngubani ongemukeli umbuso kaNkulunkulu njengomntwana omncane, kasoze angene kuwod.

Ijaha elinothileyo

18 Umbusie othilef wasembuza, esithi: Mfundisi olungileyo, ngenzeni ukuze ngidle ilifa lempilo elaphakade? 19 Kodwa uJesu wathi kuye: Ungibizelani ngokuthi olungileyo? Kakho olungileyo, ngaphandle koyedwa, uNkulunkulug. 20 Uyayazi imilayo ethi: Ungafebi, ungabulali, ungebi, ungafakazi amanga, hlonipha uyihlo lonyokoh. 21 Yena wasesithi: Konke lokhu ngikugcinile kusukela ebutsheni bami. 22 Kodwa uJesu esizwa lezizinto wathi kuye: Usaswele ulutho olulodwa; thengisa konke olakho, wabele abayanga, njalo uzakuba lempahla eligugu ezulwini; njalo uze lapha ungilandele. 23 Kodwa yena esizwa lezizinto wadana kakhulu; ngoba wayenothile kakhulu.

24 Kwathi uJesu ebona ukuthi usedane kakhulu wathi: Abalenotho bazangena ngokulukhuni kangakanani embusweni kaNkulunkulu. 25 Ngoba kulula ukuthi ikamela lingene ngentunja yenalithi, kulokuthi umuntu onothileyo angene embusweni kaNkulunkulu. 26 Abakuzwayo basebesithi: Pho kungasindiswa bani? 27 Kodwa yena wathi: Izinto ezingenzekiyo ebantwini ziyenzeka kuNkulunkului.

Umvuzo wokuzidela

28 UPetro wasesithi: Khangela, thina sitshiye konke, sakulandela. 29 Wasesithi kubo: Ngiqinisile ngithi kini: Kakho umuntu otshiye indlu, kumbe abazali, kumbe abafowabo, kumbe umkakhe, kumbe abantwana, ngenxa yombuso kaNkulunkulu, 30 ongayikwemukela okuphindwe kanengij kulesisikhathi, lesikhathini esizayo impilo elaphakadek.

UJesu ukhuluma ngokuhlupheka kwakhe

31 Wasezithathela abalitshumi lambili, wathi kubo: Khangelani, senyukela eJerusalemal, futhi konke okulotshiweyo ngabaprofethi ngeNdodana yomuntu kuzagcwalisekam. 32 Ngoba izanikelwa kwabezizwe, iyangiswen, ithukweo, ikhafulelwe ngamathep, 33 bayitshaye ngesiswepu bayibulale; njalo ngosuku lwesithathu izabuya ivuke. 34 Kodwa bona kabaqedisisanga lutho ngalezizintoq, lalinkulumo yayifihlakele kubo, njalo kabaziqedisisanga izinto ezazitshiwor.

Ukusiliswa kwesiphofu

35 Kwasekusithi esesondelas eJerikot, isiphofu esithile sasihlezi eceleni kwendlelau siphanza; 36 sathi sisizwa ixuku lisedlula, sabuza ukuthi kuyini lokhov. 37 Basebesitshela bathi: UJesu weNazaretha uyedlula. 38 Sasesimemeza, sisithi: Jesu, Ndodana kaDavida, ngihawukela! 39 Ababehamba phambili basebesikhuza ukuthi sithule; kodwa samemeza kakhulukazi, sisithi: Ndodana kaDavida, ngihawukelew! 40 UJesu wema-ke walaya ukuthi silethwe kuye; sathi sesisondele wasibuza, 41 esithi: Ufuna ukuthi ngikwenzeleni? Sasesisithi: Nkosi, ukuthi ngibuye ngibone. 42 UJesu wasesithi kuso: Buya ubone! Ukholo lwakho lukusindisilex. 43 Njalo sahle sabuya sabona, samlandela, sidumisa uNkulunkuluy; labantu bonke bekubona badumisa uNkulunkuluz.