UJesu usilisa efundisa endlini yomFarisi

14Kwasekusithi ekungeneni kwakhe ngesabatha endlini yomunye wabakhulu kubaFarisi ukuthi adle isinkwaa, bona basebemqaphelab. 2 Njalo khangela, kwakukhona umuntu othile phambi kwakhe owayelombizankulu. 3 UJesu wasephendulac wakhuluma lezazumthetho labaFarisid, wathi: Kuvunyelwe yini ukusilisa ngesabathae? 4 Kodwa bathula. Wasembamba wamsilisa wamyekela ukuthi ahambe. 5 Wasebaphendula esithif: Nguwuphi kini ongathi elobabhemi kumbe inkabi yakhe ewele emgodini, futhi angahle ayikhuphe ngosuku lwesabathag? 6 Abasazange babuyisele impendulo kuye ngalezizintoh.

7 Wasekhuluma umfanekiso kubo abanxusiweyoi, ebona ukuthi bakhetha njanij izihlalo zabahloniphekayok, wathi kubo: 8 Nxa unxusiwe ngumuntu emtshadwenil, ungahlali esihlalweni sabahloniphekayom; hlezi kukhona omkhulu kulawe onxusiweyo nguye, 9 futhi okunxusileyo wena laye eze athi kuwe: Mxekele lo; khona uzaqala ukuhlala endaweni esekucineni usulenhlonin. 10 Kodwa nxa unxusiwe, hamba uhlale endaweni esekucinenio; ukuze, nxa efika okunxusileyo, athi kuwe: Mngane, yenyukela ngaphezulu; khona kuzakuba ludumo kuwe phambi kwabo abahlezi ekudleni lawep. 11 Ngoba wonke oziphakamisayo uzathotshiswa, lozithobayo uzaphakanyiswaq.

12 Wasesithi lakulowo owayemnxusile: Nxa usenza ukudla kwemini loba ukudla kwantambama, unganxusi abangane bakho, loba abafowenu, loba izihlobo zakho, loba omakhelwane abanothileyo; hlezi labo babuye bakunxuse, futhi ukwenananiswa kwenziwe kuwer. 13 Kodwa nxa usenza idilis, nxusa abayanga, izilima, iziqhuli, iziphofu; 14 njalo uzabusiswa, ngoba abalalutho lokukwenanisat; ngoba uzakwenaniselwau ekuvukeni kwabalungileyov.

Umfanekiso wedili lomtshado

15 Kwathi omunye kwababehlezi laye ekudleni esezwile lezizinto wathi kuye: Ubusisiwe lowo ozakudla isinkwa embusweni kaNkulunkuluw.

16 Kodwa wathi kuye: Umuntu othile wenza ukudla kwantambama okukhulu, wanxusa abanengix. 17 Ngesikhathi sokudla kwantambama wasethuma inceku yakhe ukuthi ithi kwabanxusiweyo: Wozani, ngoba sekulungisiwe konke. 18 Kodwa bonke baqala omunye lomunye ukuzixoliselay. Owokuqala wathi kuye: Ngithenge insimu, ngimele ukuhamba ngiyeyibona; ngiyakuncenga, akungixoliselez. 19 Lomunye wathi: Sengithenge izipane ezinhlanu zenkabi, ngiya ukuzilinga; ngiyakuncenga, akungixolisele. 20 Lomunye wathi: Sengithethe umfazi, ngakho ngingeze ngezaa. 21 Isibuyile leyonceku yayibikela lezizinto inkosi yayo. Wasethukuthela umninindlu wathi encekwini yakhe: Phuma ngokuphangisa uye emigwaqweni lendleleni zomuzi, ulethe abayanga lezilima leziqhuli leziphofu ubangenise laphab. 22 Inceku yasisithi: Nkosi, sekwenziwe njengokulaya kwakho, njalo indawo isesekhona. 23 Yasisithi inkosi encekwini: Phuma uye ezindleleni lezintangweni ubacindezele bangene, ukuze igcwaliswe indlu yamic. 24 Ngoba ngithi kini: Kakho kulamadoda ayenxusiwe ozakuzwa ukudla kwami kwantambamad.

Abafundi bakaJesu abaqotho

25 Kwakuhamba laye amaxuku amanengi; wasetshibilika wathi kuwo: 26 Uba umuntu esiza kimie, futhi engazondi uyise, lonina, lomkakhe, labantwana, labafowabo, labodadewabof, yebo ngitsho leyakhe impilo, angebe ngumfundi wamig. 27 Njalo loba ngubanih ongathwali isiphambano sakhe angilandele, angebe ngumfundi wamii.

28 Ngoba nguwuphi kini, othi efuna ukwakha umphotshongo, ongaqali ahlale phansi, abale indleko, ukuthi ulakho yini okokuqedisa? 29 Ukuze hlezi, kuthi esebekile isisekelo kodwa angabi lamandla okuqeda, bonke abakubonayo baqale ukumhleka, 30 besithi: Lumuntu waqala ukwakha, kodwa kabanga lamandla okuqedaj. 31 Loba yiyiphi inkosi ezakuya empini imelene lenye inkosi engaqali ihlale phansi inakane ngokuthi ilamandla yini ngenkulungwane ezilitshumi okuhlangabezana laleyok eza ilenkulungwane ezingamatshumi amabili ukumelana layol? 32 Kodwa uba kungenjalo, ingathi isekhatshana leyo, ithume amanxusa icele okokuthula. 33 Ngakho kunjalo wonke kini ongadeli konke alakho, angeke aba ngumfundi wamim.

34 Itshwayi lihlen; kodwa uba itshwayi seliduma, lizavuselelwa nganiop? 35 Kalifanele lamhlabathi ledundulu lomqubaq; kodwa liyalahlwa ngaphandler. Olendlebe zokuzwa, akezwes.