UJesu ufundisa ngokuphenduka

13Njalo ngalesosikhathi kwaba khona abathile abamtshela ngamaGalili, igazi lawo uPilatu alixubanisa lemihlatshelo yawoa. 2 UJesu wasephendula wathi kubo: Licabanga ukuthi amaGalili la ayeyizoni yini kulawo wonke amaGalili, ngoba ahlupheka izinto ezinje? 3 Hatshi bo, ngithi kini: Kodwa uba lingaphenduki, lizabhubha ngokunjalo lonkeb. 4 Lalabo abalitshumi lesificaminwembili, owawela phezu kwabo umphotshongo eSilowama wababulala, licabanga ukuthi bona babebabi1 yini kulabantu bonke ababehlala eJerusalema? 5 Hatshi bo, ngithi kini: Kodwa uba lingaphenduki, lizabhubha ngokunjalo lonkec.

Umfanekiso womkhiwa ongatheliyo

6 Wasekhuluma lumfanekiso wathi: Umuntu othile wayelomkhiwa owawuhlanyelwe esivinini sakhe; wafika edinga isithelo kuwo, kodwa kasitholangad. 7 Wasesithi kuso isisebenzi sesivini: Khangela, sekuyiminyaka emithathu ngisiza ngidinga isithelo emkhiweni, kodwa ngingasitholi; ugamule; yini ukuthi wone ngitsho umhlabathie? 8 Sasesiphendula sathi kuye: Nkosi, ake uwuyekele langalumnyaka, ngize ngigebhe ngiwugombolozele, ngithele umquba; 9 njalo uba uthela isithelo, kuhlef; kodwa uba kungenjalo, emva kwalokho uzawugamulag.

Ukusiliswa kowesifazana ngesabatha

10 Futhi wayefundisa kwelinye lamasinagoge ngesabatha; 11 njalo khangela, kwakukhona owesifazana owayelomoya wobuthakathaka iminyaka elitshumi leyisificaminwembilih, esegogekile, wayengezelulamise ngokupheleleyoi. 12 Kwathi uJesu embona wambizela kuye, wathi kuye: Mama, ukhululwe ebuthakathakeni bakho. 13 Wasebeka izandla phezu kwakhej; njalo wahle welulanyiswak, wadumisa uNkulunkulul. 14 Kodwa umphathi wesinagogem, ethukuthele ngoba uJesu esilise ngesabathan, waphendula wathi exukwini: Zikhona insuku eziyisithupha okufanele ukusetshenzwa ngazoo; ngakho wozani ngazo lisiliswe, kodwa kungabi ngosuku lwesabathap. 15 Ngakho iNkosi yamphendula, yathi: Mzenzisiq, ngulowo lalowo wenu kayikhululi yini inkabi yakhe kumbe ubabhemir esibayeni ngesabatha, ayikhokhele ayeyinathisas? 16 Lalo, oyindodakazi kaAbrahamat, uSathane obembophile, khangela, iminyaka elitshumi leyisificaminwembili, kakufanele yini ukuthi akhululwe kulesisibopho ngosuku lwesabathau? 17 Kwathi esitsho lezizinto, bayangeka bonke ababephikisana laye; lexuku lonke lathokoza ngezinto zonke ezilodumo ezenziwe nguyev.

Umfanekiso wenhlanyelo yemasitedi, lowemvubelo

18 Wasesithiw: Umbuso kaNkulunkulu unjengani? Futhi ngizawufananisa lani? 19 Unjengohlamvu lwemasitedi, umuntu aluthatha waluphosa esivandeni sakhe; lwaselumila, lwaba yisihlahla esikhulu, lenyoni zezulu zakhele engatsheni zasox.

20 Wasebuya wathi: Ngizawufananisa lani umbuso kaNkulunkulu? 21 Unjengemvubelo, ayithathayo owesifazana wayifaka ezilinganisweni ezintathu zempuphu, kwaze kwabila konkey.

UJesu ukhuluma ngendlela yempilo

22 Wasehamba edabula imizi lemizana efundisaz, ejonge ukuya eJerusalemaa.

23 Omunye wasesithi kuye: Nkosi, balutshwana yini abasindiswayob? Wasesithi kubo: 24 Zamani kakhulu ukungena ngesango elincinyane; ngoba abanengi, ngithi kini, bazadinga ukungena, kodwa bazakwehlulekacd. 25 Emva kokuthi umninindlue esesukume wavala umnyangof, beseliqala ukuma ngaphandle liqoqode emnyango, lisithi: Nkosi, Nkosi, sivuleleg; yena-ke aphendule athi kini: Kangilazi, lapho elivela khonah; 26 lapho lizaqala ukuthi: Sadla sanatha phambi kwakhoi, njalo wawufundisa emigwaqweni yakithij. 27 Kodwa uzakuthi: Ngithi kini: Kangilazi lapho elivela khonak; sukani kimi lina lonke benzi bokubil. 28 Lapho kuzakuba khona ukukhala lokugedla amazinyom, nxa selibona uAbrahama loIsaka loJakobe labaprofethi bonke embusweni kaNkulunkulu, kodwa lina lilahlelwe ngaphandlen. 29 Futhi bazakuzao bevela empumalanga lentshonalanga, njalo enyakatho leningizimu, bahlale embusweni kaNkulunkulup. 30 Njalo khangelani, bakhona abokucina abazakuba ngabokuqala, njalo bakhona abokuqala abazakuba ngabokucinaq.

Ukuzonda kukaHerodi

31 Ngelanga elifananayo kwafika abaFarisi abathile, bathi kuye: Phuma usuke laphar, ngoba uHerodi ufuna ukukubulalas. 32 Wasesithi kubo: Hambani lilitshele lelokhanka: Khangela, ngiyakhupha amadimoni ngenza izelapho lamuhla lakusasa, langelesithathu ngipheleliswet. 33 Kodwa kumele ukuthi ngihambe lamuhla lakusasau langomhlomunyev; ngoba kakwenzekiw ukuthi umprofethi abulawelwe ngaphandle kweJerusalemax.

UJesu ukhalela iJerusalema

34 Jerusalema, Jerusalema, wena obulala abaprofethi, lobakhanda ngamatshe labo abathunywe kuwe! Bengithanda kangakanani ukubuthela ndawonye abantwana bakhoy, njengesikhukhukazi sibuthela amatsiyane aso ngaphansi kwempiko, kodwa kalivumangaz. 35 Khangelani, indlu yenu itshiywe kini ilunxiwaa; njalo ngiqinisile ngithi kini: Kalisoze langibona kuze kufike ukuthi lithi: Ubusisiwe ozayo ebizweni leNkosib.