UJesu uxwayisa abafundi bakhe

12Kusenjalo sezibuthene izigidi zexuku, baze banyathelana, waqala ukukhuluma labafundi bakhe kuqalaa: Lina xwayani imvubelo yabaFarisib, eyikuzenzisac.

2 Njalo kakukho okumbomboziweyo, okungayikwembulwa, lokufihliweyo, okungayikwaziwad. 3 Ngakho loba yini eliyikhuluma emnyameni izazwakala ekukhanyeni; lelikukhulume endlebeni ezindlini zensithae kuzamenyezelwa phezu kwezindluf.

Omele ukwesatshwa

4 Njalo ngithi kini bangane bami: Lingabesabi ababulala umzimba, njalo emva kwalokho bengelakho ukwenza olunye uluthog. 5 Kodwa ngizalitshengisa elifanele ukumesaba: Mesabeni lowo othi esebulele abe lamandla okuphosela esihogweni; yebo, ngithi kini: Mesabeni yenah. 6 Kazithengiswa yini intaka ezinhlanu ngendibilitshi ezimbili? Kakukhohlakali lanye yazo phambi kukaNkulunkului. 7 Kanti lenwele zekhanda lenu zibaliwe zonke. Ngakho lingesabi; liyazedlula intaka ezinengi.

8 Njalo ngithi kini: Wonke loba ngubani ongivuma phambi kwabantu, iNdodana yomuntu layo izamvuma phambi kwengilosi zikaNkulunkuluj; 9 kodwa ongiphika phambi kwabantu uzaphikwa phambi kwengilosi zikaNkulunkuluk.

10 Laye wonke okhuluma ilizwi elimelana leNdodana yomuntu, uzathethelelwa; kodwa lowo ohlambaza uMoya oNgcwele kayikuthethelelwal.

11 Njalo nxa belisa emasinagogenim lakubabusino leziphathamandlapq, lingakhathazeki ukuthi lizaphendula njani kumbe liphenduleni, kumbe lizakhulumanir; 12 ngoba uMoya oNgcwele uzalifundisa ngalelohola izinto elifanele ukuzikhuluma.

Umfanekiso womlimi onothileyo

13 Futhi omunye wexuku wathi kuye: Mfundisi, akutshele umfowethu abelane lami ilifa. 14 Kodwa wathi kuye: Ndodas, ngubani ongimise ukuthi ngibe ngumahluleli loba umehlukanisi phezu kwenut? 15 Wasesithi kubo: Nanzelelani liqaphele ubuhwaba, ngoba impilo yomuntu kayikho ebunengini bezinto alazou.

16 Wasebatshela umfanekiso, esithi: Insimu yomuntu othile onothileyo yathela kakhulu; 17 wasenakana ngaphakathi kwakhev, esithi: Ngizakwenza njani, ngoba kangilandawo lapho engingabuthela khona izithelo zamiw? 18 Wasesithi: Ngizakwenza lokhu; ngizadiliza iziphala zami, ngakhe ezinkulux, ngibuthele khona izilimo zami zonke lempahla yamiy, 19 besengisithi kumphefumulo wami: Mphefumulo, ulempahla ezinengi ezibekelwe iminyaka eminengi; phumula, udle, unathez, uthokozea. 20 Kodwa uNkulunkulu wathi kuye: Siphukuphukub, ngalobubusuku umphefumulo wakho uzabizwa1 kuwec; pho izinto ozilungisileyo zizakuba ngezikabanid? 21 Kunjalo-ke kozibekela inothoe, kodwa enganothanga kuNkulunkuluf.

Ukukhathazeka, lokuthemba kuNkulunkulu

22 Wasesithi kubafundi bakhe: Ngakho ngithi kini: Lingakhathaleli impilo yenu, ukuthi lizakudlani; loba umzimba, ukuthi lizakwembathani. 23 Impilo yedlula ukudla, lomzimba isembathog. 24 Qaphelisisani amawabayi, ukuthi kawahlanyeli, njalo kawavunih, kawalasiphalai loba isiluluj, kanti uNkulunkulu uyawondla; lina lizedlula kangakananik inyoni? 25 Njalo nguwuphi kini ongathi ngokuphiseka engezelele ingalo ibenyel ebudeni bakhem? 26 Ngakho nxa lingelamandla okwenza into encinyane, liphisekelani ngokunye? 27 Qaphelisani imiduze ukuthi ikhula njani; kayitshikatshiki, kayiphothi, kodwa ngithi kini: LoSolomoni ebucwazicwazini bakhe bonke wayengembathiswanga njengomunye wayo. 28 Njalo uba uNkulunkulu esembathisa ngokunjalo utshani obukhona lamuhla egangeni, kuthi kusasa buphoswa eziko, uzalembathisa ngokukhulu kangakanani, lina abokholo oluncinyanen? 29 Lani-ke lingadingi elizakudla lelizakunatha; njalo lingakhathazeki. 30 Ngoba konke lokhu izizwe zomhlaba ziyakudinga; kodwa uYihlo uyazi ukuthi liyaziswela lezizinto. 31 Kodwa dingani umbuso kaNkulunkulu, njalo zonke lezizinto zizakwengezelelwa kini. 32 Lingesabio, mhlambi omncinyanep; ngoba kuyikuthanda kukaYihloq ukulinika umbusor.

33 Thengisani impahla zenus liphe iziphot. Lizenzeleu imixhaka engagugiyov, impahla eligugu engapheliyo emazulwini, lapho okungasondeli isela khonaw, lenundu engoni khonax; 34 ngoba lapho okukhona impahla yenu eligugu, izakuba khona lapho lenhliziyo yenuy.

Umfanekiso wenceku ethembekileyo

35 Inkalo zenu kazihlale zibotshiwez, lezibane zenu zibhebhaa; 36 lani libe njengabantu abalindele inkosi yabo, lapho izabuya ivela emtshadwenib, ukuze, nxa ifika iqoqoda, bahle bayivulele. 37 Zibusisiwe lezozincekuc, okuzakuthi inkosi nxa ifika izifice zilindiled; ngiqinisile ngithi kini: Izabhincae, izihlalise ekudleni, isondele izisebenzelef. 38 Njalo nxa ifika ngomlindo wesibilig, kumbe ifika ngomlindo wesithathuh, futhi izifice zinjaloi, zibusisiwe lezozinceku. 39 Kodwa yazini lokhu, ukuthi uba umninindlu ebelazi ihola isela elizafika ngaloj, ubezalindak, futhi ubengayikuvuma ukuthi indlu yakhe ifohlelwe. 40 Ngakho lani-ke hlalani lilungilel; ngoba ngehola elingalicabangeliyo iNdodana yomuntu izafikam.

41 UPetro wasesithi kuye: Nkosi, uwutshela thina lumfanekison, kumbe labo bonke yinio? 42 INkosi yasisithi: Pho ngubani umphathi wezinceku othembekileyo lohlakaniphileyo, inkosi ezambeka phezu kwabendlu yayo, ukuze abanike isabelo sabo sokudla ngesikhathi esifaneleyop? 43 Ibusisiwe leyonceku, okuzakuthi inkosi yayo nxa ifika iyifice isenza njalo. 44 Ngiqinisile ngithi kini: Izayibeka phezu kwakho konke elakho. 45 Kodwa nxa leyonceku isithi enhliziyweni yayo: Inkosi yami iphuzile ukubuya; njalo ibisiqala ukutshaya izinceku lezincekukazi, lokudla lokunatha lokudakwa, 46 inkosi yaleyonceku izafika ngosuku engayilindele ngalo, langehola engalaziyo; izayiquma phakathi, izanika isabelo sayo lalabo abangathembekangaq.

47 Laleyonceku ebisazi intando yenkosi yayor, kodwa ingalungiselanga njalo ingenzanga ngokwentando yayos, izatshaywa imivimvinya eminengit. 48 Kodwa leyou ebingayazi, yenza okufanele ukutshaywav, izatshaywa imivimvinya emilutshwanaw. Laye wonke ophiwe okunengi, kuzadingwa okunengi kuyex; lalowo ophathiswe okunengi, kuzabizwa kuye okungaphezuluy.

Izibonakaliso zezikhathi

49 Ngize ukuphosela umlilo emhlabeniz, futhi kuyini engikufisayo nxa usubasiwea? 50 Kodwa ngilobhabhathizo engizabhabhathizwa ngalob, futhic ngicindezelwed kangakanani luze lupheleliswee. 51 Licabanga ukuthi ngize ukunika ukuthula emhlabeni yinif? Hatshi bo, ngithi kini, kodwa kulalokhu ukwehlukanag. 52 Ngoba kusukela khathesi abahlanu endlini yinye bazakwehlukana, abathathu bamelane lababili, lababili bamelane labathathu, 53 bazakwehlukana, uyise amelane lendodana, lendodana imelane loyise; unina amelane lendodakazi, lendodakazi imelane lonina; uninazala amelane lomalokazana wakhe, lomalokazana amelane loninazalah.

54 Wasesithi lemaxukwini: Nxa libona iyezii lisukuma entshonalangaj, lihle lithi: Izulu liyabuya; futhi kube njalo. 55 Njalo nxa libona umoya weningizimu uphephetha, lithi: Lizatshisa; besekusenzakalak. 56 Bazenzisi! Liyakwazi ukuhlola umumo wesibhakabhaka lowomhlaba; kodwa lesisikhathi kungani lingasihlolil?

57 Pho, kungani ukuthi lingahluleli lani lina uqobo lwenu okulungileyom? 58 Ngoba nxa usiyan lomangalelene laye kumantshio, endleleni yenza ubungcono ukuthi ukhululwe kuye; hlezi akudonsele kumahluleli, lomahluleli akunikele epholiseni, lepholisa likuphosele entolongweni. 59 Ngithi kuwe, kawusoze waphuma khona, uze ubhadale lenhlamvu encane yemali yokucina.