Ukuthunywa kwabaphostoli

9Wasebizela ndawonye abafundi bakhe abalitshumi lambilia, wabanika amandla legunya phezu kwamadimoni wonke, lawokwelapha izifob. 2 Wasebathuma ukuyatshumayela umbuso kaNkulunkulu, lokusilisa abagulayo, 3 wasesithi kubo: Lingaphathi lutho lwendlela; lodondolo, lesikhwama, lomphako, lemali, njalo lingabi lezigqoko ezimbili ngamunye. 4 Lakuyiphi indlu elingena kuyo, hlalani lapho, lalapho lisukec. 5 Labo bonke abangalemukeliyo, nxa lisuka kulowomuzi, thintithani ngitsho uthuli enyaweni zenu kube yibufakazi obumelana labod. 6 Basuka-ke bahamba bedabula imizana, betshumayela ivangeli besilisa endaweni zonkee.

Ukubulawa kukaJohane uMbhabhathizi

7 UHerodi umtetrarki*f wasekuzwa konke okwenziwa nguyeg; wasedidekah, ngoba kwatshiwo ngabanye ukuthi uJohane uvukile kwabafileyo; 8 langabanye ukuthi uElija ubonakele; langabanye ukuthi kuvukile omunye wabaprofethi abadala. 9 Kodwa uHerodi wathi: UJohane ngamquma ikhanda mina; kodwa ngubani lo, mina engizwa ngaye izinto ezinje? Wasefunisisa ukumbonai.

UJesu usuthisa amadoda azinkulungwane ezinhlanu

10 Abaphostolij sebebuyile bambikela konke ababekwenzile. Wasebathathak, wahamba labo bebodwa waya endaweni eyinkangala eyomuzi othiwa yiBhethisayidal. 11 Kwathi amaxuku esekwazi, amlandela; wasewemukela, wakhuluma lawo ngombuso kaNkulunkulum, wabasilisa labo abaswele ukusiliswan.

12 Ilanga laseliqala ukutshonao; abalitshumi lambili basebesiza bathi kuye: Yekela ixuku lihambe, ukuze baye emizaneni lezigabeni ezizingelezeleyo bangenise khona, bathole ukudlap; ngoba lapha sisendaweni eyinkangala. 13 Kodwa wathi kubo: Banikeni lina bona ukuthi badle. Bathi-ke: Asilakho okwedlula izinkwa ezinhlanu lenhlanzi ezimbili, ngaphandle kokuthi thina siyebathengela ukudla bonke lababantu. 14 Ngoba kwakukhona amadoda angaba zinkulungwane ezinhlanu. Wasesithi kubafundi bakhe: Bahlaliseni phansi ngezigaba ngamatshumi amahlanu. 15 Basebesenza njalo, babahlalisa phansi bonke. 16 Wasezithatha izinkwa ezinhlanu lenhlanzi ezimbili, wakhangela phezulu ezulwini, wazibusisa, wazihlephula, wazinika abafundi ukuthi babeke phambi kwexuku. 17 Basebesidla basutha bonke; kwadojwa imvuthu ezazisele kubo, izitsha ezilitshumi lambili.

Isivumo sokholo sikaPetro. UJesu ukhuluma ngokufa lokuvuka kwakhe

18 Kwasekusithi ekhuleka yedwa, abafundi babelaye; wasebabuza, esithi: Amaxuku athi ngingubaniq? 19 Basebephendula bathi: UJohane uMbhabhathizi; kodwa abanye bathi: UElija; kodwa abanye bathi: Kuvukile umprofethi othile wabadalar. 20 Wasesithi kubo: Lina-ke lithi ngingubani? UPetro wasephendula wathi: UKristu kaNkulunkulu. 21 Esebaxwayisisiles walaya ukuthi bangatsheli muntu lokhut, 22 esithiu: INdodana yomuntu imele ihlupheke kakhulu, ilahlwe ngabadala labapristi abakhulu lababhali, ibulawe, ibisivuswa ngosuku lwesithathuv.

Ukuhlutshwa kukaJesu lokwabamlandelayo

23 Wasesithi kubo bonke: Uba umuntu ethanda ukuza ngemva kwami, kazidele, athathe isiphambano sakhew insuku ngensuku, angilandelex. 24 Ngoba loba ngubani othanda ukusindisa impilo yakhe, izamlahlekela; kodwa loba ngubani olahlekelwa yimpilo yakhe ngenxa yami, yena uzayisindisa. 25 Ngoba kuzamsizani umuntu, uba ezuza umhlaba wonke, kodwa yena uqobo lwakhe azone kumbe alahlekey? 26 Ngoba loba ngubani olenhloni ngami langamazwi ami, iNdodana yomuntu izakuba lenhloni ngaye, nxa isiza enkazimulweni yayo lekaBaba leyengilosi ezingcwele. 27 Kodwa ngilitshela ngeqiniso: Bakhona abanye kwabemiyo lapha, abangasoze bezwe ukufa, baze babone umbuso kaNkulunkulu.

Ukukhazimuliswa kukaJesu entabeni

28 Kwasekusithiz emva kwalawomazwia, kungaba zinsuku eziyisificaminwembilib, wathatha uPetro loJohane loJakobe, wakhwela entabeni ukuyakhulekac. 29 Kwasekusithi ekukhulekeni kwakhe, isimo sobuso bakhe saphenduka, lesembatho sakhe saba mhlophe, sacwazimulad. 30 Njalo khangela, akhuluma laye amadoda amabili, ayengoMozisi loElijae; 31 abonakala ngenkazimulof akhuluma ngokusuka kwakhe ayezakuphelelisa eJerusalemag. 32 Kodwa uPetro lababelaye babesindwe yibuthongoh; kodwa sebephapheme babona inkazimulo yakhei, lamadoda amabili ayemi laye. 33 Kwasekusithi, ekwehlukaneni kwawo layej, uPetro wathi kuJesu: Nkosik, kuhle ukuthi sibe lapha; futhi asakhe amadumba amathathu, elinye ngelakho, lelinye ngelikaMozisi, lelinye ngelikaElija; engakwazi akutshoyol. 34 Kwathi ekhuluma lezizinto, kwafika iyezi labasibekela; basebesesaba ekungeneni kwabo eyezinim. 35 Kwasekuphuma ilizwi eyezini, lisithi: Lo uyiNdodana yami ethandekayo; zwanini yona. 36 Kwathi ilizwi selifikile, uJesu waficwa eyedwa. Kodwa bona bathula, kabaze batshela muntu ngalezonsuku okunye kwalezozinto abazibonileyon.

Ukusiliswa komfana owayelesithuthwane

37 Kwasekusithi ngelanga elilandelayo, sebehlileo entabeni, ixuku elikhulu lamhlangabezap. 38 Njalo khangela, indoda exukwini yamemeza, isithi: Mfundisi, ngiyakuncenga, bona indodana yamiq, ngoba yiyo yodwa ezelweyo yamir; 39 njalo khangela, umoya uyayibamba, futhi ihle iklabalales, njalo uyihlukuze, ikhihlize amagwebu, uphume nzima kuyo, uyihluzulet. 40 Njalo ngincenge abafundi bakho ukuthi bawukhuphe, kodwa abenelisanga. 41 UJesu wasephendula wathi: O sizukulwana esingelakholo lesonakeleyo, kuzaze kube nini ngilani, ngilibekezelela? Ilethe lapha indodana yakho. 42 Kuthe iseza, idimoni layidabula layihlukuza; kodwa uJesu wawukhuza umoya ongcolileyo, wamsilisa umntwana, wambuyisela kuyise.

UJesu uphinda akhulume ngokuhlupheka kwakhe

43 Bonke basebemangaliswa kakhulu yibukhulu bukaNkulunkulu. Kwathi bemangele bonke ngazo zonke izinto uJesu azenzileyo, wathi kubafundi bakheu: 44 Fakani lina endlebeni zenu lamazwiv: Ngoba iNdodana yomuntu izanikelwa ezandleni zabantu. 45 Kodwa kabaqedisisanga lumutsho, njalo wawufihlakele kubo, ukuze bangawuzwisisi; basebesesaba ukumbuza ngalumutshow.

UJesu ufundisa ngokuthobeka

46 Kwasekungenax ukuphikisana phakathi kwabo, ukuthi ngubani ongaba mkhulu kuboy. 47 Kwathi uJesu ebona ukunakana kwenhliziyo yaboz, wathatha umntwana omncane, wammisa phansi kwakhe, 48 wasesithi kubo: Loba ngubani owemukela lumntwana omncane ebizweni lami wemukela mina; njalo loba ngubani owemukela mina wemukela ongithumileyoa; ngoba omncinyane kini lonke nguye ozakuba mkhulub.

49 UJohane wasephendula wathic: Nkosi, sabona omunye ekhupha amadimoni ngebizo lakho, sasesimenqabela, ngoba engalandeli kanye lathi. 50 Kodwa uJesu wathi kuye: Lingamenqabeli, ngoba ongamelani lathi ungakithid.

UJesu uyasuka aye eJerusalema

51 Kwathi seziphelelisiwe insukue zokwenyuka kwakhef, yena wasekhangelisa ubuso bakhe ukuya eJerusalemag, 52 wasethuma izithunywa phambi kobuso bakheh; zasezihamba zangena emzanenii wamaSamariyaj, ukuze zimlungisele. 53 Kodwa kawamemukelangakl, ngoba ubuso bakhe babukhangele eJerusalemam. 54 Kwathi abafundi bakhe uJakobe loJohanen bebona lokhu bathi: Nkosi, uyathanda yini ukuthi sitsho ukuthi umlilo wehle uvela ezulwini, ubaqothule, njengoba loElija wenzao? 55 Kodwa watshibilika wabakhuza, esithi: Alazi ukuthi lina lingabomoya onjani. 56 Ngoba iNdodana yomuntu kayizanga ukuthi ibhubhise imiphefumulo yabantu, kodwa ukuyisindisap. Basebesedlulela komunye umzana.

Ukulandela uJesu

57 Kwasekusithi behamba endleleniq, umuntu othile wathi kuye: Nkosi, ngizakulandela loba ngaphi lapho oya khona. 58 UJesu wasesithi kuye: Amakhanka alemilindi, lenyoni zezulu zilezidleke; kodwa iNdodana yomuntu kayilalapho engaqamelisa ikhanda khonar. 59 Wasesithi komunye: Ngilandela. Kodwa yena wathi: Nkosi, ngivumela ukuthi ngiyengcwaba ubaba kuqala. 60 Kodwa uJesu wathi kuye: Yekela abafileyo bangcwabe ababo abafileyo; kodwa wena hamba utshumayele umbuso kaNkulunkulus. 61 Lomunye wasesithi: Ngizakulandela, Nkosit; kodwa ngivumela kuqala ukuthi ngiyevalelisa abasendlini yamiu. 62 Kodwa uJesu wathi kuye: Kakho othi esebeke isandla sakhe ekhubeni, akhangele kokusemuvav, ofanele umbuso kaNkulunkuluw.