Umfanekiso wabalimi besivini

12Waseqala ukukhuluma labo ngemifanekiso wathi: Umuntu wahlanyela isivini, wasibiyela ngothango, wagebha isikhamelo, wakha umphotshongo, wasiqhatshisa kubalimi, waya kwelinye ilizwe. 2 Kwathi sekuyisikhathi esifaneleyo wathuma inceku kubalimi, ukuze yemukele kubalimi okwesithelo sesivini. 3 Kodwa bayibamba bayitshaya, bayimukisa ize. 4 Wasebuya ethuma kubo enye inceku; laleyo bayitshaya ngamatshe bayilimaza ekhanda, bayixotsha isithelwe inhloni. 5 Wasebuya ethuma enye; yona basebeyibulala; lezinye ezinengi, ezinye bazitshaya, lezinye bazibulalaa. 6 Ngakho eseselendodana eyodwa ethandekayo kuyeb, ekucineni wayithuma kubo layo, esithi: Bazayihlonipha indodana yami. 7 Kodwa labobalimi bakhulumisana besithi: Le yindlalifa; wozani, siyibulale, lelifa lizakuba ngelethu. 8 Basebeyibamba bayibulala, bayiphosela ngaphandle kwesivini. 9 Ngakho uzakwenzani umninisivini? Uzakuza ababhubhise abalimi, anikele isivini kwabanyec. 10 Kalibalanga yini lumbhalo othi: Ilitshe abakhi abalalayo, yilo eseliyinhloko yengonsi; 11 lokhu kwenziwe yiNkosi, njalo kuyisimanga emehlweni ethud? 12 Basebedinga ukumbamba, kodwa besaba ixuku; ngoba babesazi ukuthi wayekhulume lumfanekiso emelane laboe. Basebemtshiya bahambaf.

Umthelo kaKesari

13 Basebethuma kuye abanye babaFarisi labakaHerodig, ukuze bamthiye ekukhulumenih. 14 Basebesiza bathi kuye: Mfundisi, siyazi ukuthi wena uqotho, njalo kawukhathali ngomuntu; ngoba kawunanzi isimo somuntu, kodwa ufundisa indlela kaNkulunkulu ngeqinisoi: Kuvunyelwe yini ukuthela kuKesari kumbe hatshi? 15 Sithele, kumbe singatheli? Kodwa ekwazi ukuzenzisa kwabo wathi kubo: Lingilingelanij? Lethani kimi udenariyo*, ukuze ngibone. 16 Basebeletha. Wasesithi kubo: Ngokabani lumfanekiso lalumbhalok? Basebesithi kuye: NgokaKesari. 17 UJesu wasephendula wathi kubo: Mnikeni uKesari okukaKesari, loNkulunkulu okukaNkulunkulu. Basebemangala ngaye.

Ukuvuka kwabafileyo

18 Basebesiza kuye abaSadusi, abathi kakukho ukuvuka kwabafileyo; basebembuza, besithi: 19 Mfundisi, uMozisi wasibhalela, ukuthi: Uba umfowabo womuntu esifa, atshiye umkakhe, engatshiyi bantwana, umfowabo kamthathe umkakhe, amvusele umfowabo inzalol; 20 kwakulezelamani eziyisikhombisa; owokuqala wasethatha umfazi, wafa engatshiyanga inzalo; 21 lowesibili wamthatha, wafa, laye engatshiyanga inzalo; lowesithathu kwaba njalo; 22 lalaba boyisikhombisa bamthatha, kabatshiyanga inzalo. Ekucineni kwabo bonke kwafa lomfazi. 23 Ngakho ekuvukeni kwabafileyo, mhla bevukayo, uzakuba ngumkabani kubo; lokhu abayisikhombisa babelaye engumkabo? 24 UJesu wasephendula wathi kubo: Kaliduhanga yini ngalokhu, ngoba lingayazi imibhalo, loba amandla kaNkulunkulu? 25 Ngoba mhla bevukayo ekufeni, kabathathani, njalo kabendiswa, kodwa banjengengilosi ezisemazulwini. 26 Kodwa mayelana labafileyo, ukuthi bayavuswa, kalifundanga yini egwalweni lukaMozisi, ukuthi uNkulunkulu esihlahleni wakhuluma njani kuyem, esithi: NginguNkulunkulu kaAbrahama, loNkulunkulu kaIsaka, loNkulunkulu kaJakoben? 27 Kayisuye uNkulunkulu wabafileyo, kodwa uNkulunkulu wabaphilayo; ngakho lina liduhile kakhulu.

Umlayo wokuqala

28 Wasefika omunye wababhali, esezwile bebuzana, esebonile ukuthi ubaphendule kuhle, wambuza wathi: Yiwuphi umlayo wokuqala kuyo yonkeo? 29 UJesu wasemphendula wathi: Owokuqala kuyo yonke imilayo ngowokuthi: Zwana, Israyeli: INkosi uNkulunkulu wethu, iNkosi yinye; 30 njalo wothanda iNkosi uNkulunkulu wakho ngenhliziyo yakho yonke, langomphefumulo wakho wonke, langengqondo yakho yonke, langamandla akho wonke. Yilo umlayo owokuqalap. 31 Lowesibili uyafanana, yilo: Wothanda umakhelwane wakho njengalokhu uzithanda wenaq. Kawukho omunye umlayo omkhulu kulale. 32 Umbhali wasesithi kuye: Kuhle, Mfundisi, utsho okuqotho ukuthi kuloNkulunkulu oyedwar, langaphandle kwakhe kakho omunye; 33 lokumthanda ngenhliziyo yonkes, langokuqedisisa konke, langomphefumulo wonke, langamandla wonke, lokuthanda umakhelwane njengawet, kuyedlula yonkeu iminikelo yokutshiswa lemihlatshelov. 34 UJesu esembona ukuthi uphendule ngenhlakanipho, wathi kuye: Kawukhatshana lombuso kaNkulunkuluw. Njalo kakwabe kusaba khona umuntu olesibindi sokumbuzax.

UKristu losendo lwakhe

35 UJesuy, efundisa ethempeliniz, wasephendula wathi: Batsho njani ababhali ukuthi uKristu uyindodana kaDavida? 36 Ngoba uDavida uqobo lwakhe ngoMoya oyiNgcwele wathi: INkosi yathi eNkosini yami: Hlala ngakwesokunene sami, ngize ngibeke izitha zakho zibe yisenabelo senyawo zakhoa. 37 Ngakho uDavida uqobo lwakhe umbiza ngokuthi yiNkosi; pho uyindodana yakhe njani?

Lexuku elikhulu lamuzwa ngokuthokozab.

UJesu usola ababhali

38 Wasesithi kubo ekufundiseni kwakhec: Qaphelani ababhalid, abathanda ukuhamba bembethe izembatho ezindee, lokubingelelwa emidangenifg, 39 lezihlalo eziqakathekileyo emasinagogenih, lezihlalo zabahloniphekayo ekudleni kwantambamaij; 40 abadla izindlu zabafelokazi, bekhuleka isikhathi eside ngokuzenzisa; laba bazakwemukela ukulahlwa okukhuluk.

Umnikelo womfelokazi

41 UJesu wasehlala phansil maqondana lesitsha somnikelo wabona ukuthi ixuku liphosela njani imalim1 esitsheni somnikelon; labanothileyo abanengi baphosela okunengi. 42 Kwasekufika umfelokazi othile ongumyanga waphosela inhlamvana ezimbili ezincane zemali, eziyindibilitshio. 43 Wasebizela kuye abafundi bakhe, wathi kubo: Ngiqinisile ngithi kini: Lumfelokazi ongumyanga uphosele okwedlula bonkep laba abaphoseleyo esitsheni somnikeloq; 44 ngoba bonke baphosele kokunengi kwabo; kodwa yena ebuyangeni bakher uphosele konke alakho, konke okwempilo yakhes.