Ukuhlalisana kwabathatheneyo

10Wasesukuma lapho weza emingceleni yeJudiya edabula ngaphetsheya kweJordani; amaxuku asebuya abuthana kuyea; wasephinda ukubafundisa, njengokwejwayela kwakheb.

2 Kwasekusiza kuye abaFarisi bambuza ukuthi: Kuvunyelwe yini ukuthi indoda yale umkayo? bemlingac. 3 Wasephendula wathi kubo: UMozisi walilayani? 4 Basebesithi: UMozisi wavuma ukubhala incwadi yesehlukaniso, lokumala. 5 UJesu wasephendula wathi kubo: Ngenxa yobulukhuni benhliziyo yenu walibhalela lumlayo; 6 kodwa kusukela ekuqaleni kokudaliweyo, uNkulunkulu wabenza owesilisa lowesifazana. 7 Ngenxa yalokhu indoda izatshiya uyise lonina, inamathele kumkayo, 8 njalo labo ababili bazakuba nyamanyed. Ngakho kabasebabili, kodwa banyamanye. 9 Ngakho lokho uNkulunkulu akuhlanganisileyo, kakungabi lamuntu okwehlukanisayo.

10 Endlini abafundi bakhe basebebuya bembuza ngalokhu. 11 Wasesithi kubo: Loba ngubani owala umkakhe athathe omunye, uyafeba kuye; 12 lomfazi uba esala indoda yakhe endele kwenye, uyafebae.

Ukubusiswa kwabantwana abancane

13 Basebeletha abantwana abancane kuye ukuze ababambe; kodwa abafundi bakhe babakhuza ababalethayo. 14 Kodwa uJesu ekubona wathukuthela, wathi kubo: Vumelani abantwana abancane beze kimif, lingabenqabeli. Ngoba umbuso kaNkulunkulu ungowabanjeg. 15 Ngiqinisile ngithi kini: Loba ngubani ongemukeli umbuso kaNkulunkulu njengomntwana omncane, kasoze angene kuwo. 16 Njalo ebagona, ebeka izandla zakhe phezu kwabo, wababusisah.

Ijaha elinothileyo

17 Esephumele endleleni, omunye wamgijimelai, eguqa phambi kwakhe wambuza wathi: Mfundisi olungileyo, ngingenzani ukuze ngidle ilifa lempilo elaphakadej? 18 UJesu wasesithi kuye: Ungibizelani ngokuthi olungileyo? Kakho olungileyo, ngaphandle koyedwa, uNkulunkulu. 19 Uyayazi imilayo ethi: Ungafebi, ungabulali, ungebi, ungafakazi amangak, ungadlelezelil, hlonipha uyihlo lonyokom. 20 Wasephendula wathi kuye: Mfundisi, lezizinto zonke ngizigcinile kusukela ebutsheni bami. 21 Njalo uJesu emkhangela wamthandan, wathi kuye: Kunye okusweleyo; hamba, uthengise konke olakho, uphe abayanga, njalo uzakuba lokuligugu ezulwini; njalo uze, uthathe isiphambano, ungilandeleo. 22 Kodwa edanile ngalelilizwi wasuka wahamba edabukile; ngoba wayelempahla ezinengi.

23 UJesu wasethalaza wathi kubafundi bakhe: Kuzakuba lukhuni kangakanani kwabalenotho ukungena embusweni kaNkulunkulu. 24 Abafundi basebemangala ngamazwi akhep. Kodwa uJesu ephendula futhi wathi kubo: Bantwana, kulukhuni kangakanani kwabathembela enothweni ukungena embusweni kaNkulunkulu; 25 kulula ukuthi ikamela lithutshe entunjeni yenalithi, kulokuthi umuntu onothileyo angene embusweni kaNkulunkuluq. 26 Basebemangala kakhulukazi, bekhulumisana bathi: Pho kungasindiswa banir? 27 UJesu wasebakhangela wathi: Kubantu kakulakwenzeka, kodwa kakunjalo kuNkulunkulu; ngoba zonke izinto ziyenzeka kuNkulunkulus.

Umvuzo wokuzidela

28 UPetro waseqala ukuthi kuye: Khangela, thina sitshiye konke, sakulandela. 29 UJesu wasephendula wathi: Ngiqinisile ngithi kini: Kakukho muntu otshiye indlu, kumbe abafowabo, kumbe odadewabo, kumbe uyise, kumbe unina, kumbe umkakhe, kumbe abantwana, kumbe amasimu, ngenxa yami levangeli, 30 ongayikwemukela ngokwekhulu khathesi ngalesisikhathi, izindlu labafowabo labodadewabo labonina labantwana lamasimut, kanye lokuzingelwa, lempilo elaphakade esikhathini esizayou. 31 Kodwa abanengi abokuqala bazakuba ngabokucina, labokucina ngabokuqala.

UJesu uphinda akhulume ngokufa lokuvuka kwakhe

32 Njalo babesendleleni besenyukela eJerusalemav; uJesu wayesehamba phambi kwabow, njalo babemangele, belandela babesesabax. Wasethatha futhi abalitshumi lambili, waqala ukubatshela izinto ezazizakwenzakala kuye 33 ukuthi: Khangelani, senyukela eJerusalema, futhi iNdodana yomuntu izanikelwa kubapristi abakhulu lakubabhali, njalo bazayigwebela ukufa, bayinikele kwabezizwe, 34 bazayiyangisa, bayitshaye ngesiswepu, bayikhafulele amathey, bayibulale; njalo ngosuku lwesithathu izabuya ivuke ekufeni.

UJesu ukhuza amadodana kaZebediya

35 Kwasekusiza kuye uJakobe loJohanez, amadodana kaZebediyaa, besithi: Mfundisi, sithanda ukuthi usenzele loba yini esizayicela. 36 Wasesithi kubo: Lithanda ukuthi ngilenzeleni? 37 Basebesithi kuye: Siphe ukuthi sihlale omunye ngakwesokunene sakho lomunye ngakwesokhohlo sakho ebukhosini bakhob. 38 Kodwa uJesu wathi kubo: Kalikwazi elikucelayo. Linganatha yini inkezo engiyinathayo mina, njalo libhabhathizwe ngobhabhathizo engibhabhathizwa ngalo mina? 39 Basebesithi kuye: Singakwenza. Kodwa uJesu wathi kubo: Isibili inkezo engiyinathayo mina lizayinatha; lizabhabhathizwa ngobhabhathizo engibhabhathizwa ngalo mina; 40 kodwa ukuhlala ngakwesokunene sami langakwesokhohlo sami kayisikho okwami ukukupha, kodwa kungokwalabo abakulungiselweyo.

Ubukhulu obuqotho

41 Kwathi sebezwile abalitshumi baqala ukuthukuthela ngoJakobe loJohane. 42 Kodwa uJesu wababizela kuye wathi kubo: Liyazi ukuthi labo okuthiwa babusa izizwe bazibusa ngobulukhuni; lezikhulu zazo zisebenzisa amandla phezu kwazoc. 43 Kodwa akuyikuba njalo phakathi kwenu; kodwa loba ngubani othanda ukuba ngomkhulu phakathi kwenu, kabe yisisebenzi senu; 44 njalo loba ngubani othanda ukuba ngowokuqala phakathi kwenu, kabe yisisebenzi sabo bonked. 45 Ngoba leNdodana yomuntu kayizanga ukukhonzwa, kodwa ukukhonza, lokunika impilo yayo ibe lihlawulo labanengi.

UBartimewu isiphofu

46 Basebefika eJerikoe; kwathi esephuma eJeriko, labafundi bakhe, lexuku elikhuluf, indodana kaTimewu, uBartimewu oyisiphofug wayehlezi endleleni ephanza. 47 Kwathi esezwile ukuthi nguJesu weNazaretha, waqala ukumemeza lokuthi: Jesu Ndodana kaDavida, akungihawukeleh! 48 Abanengi basebemkhuza ukuthi athule; kodwa wamemeza kakhulukazi, esithi: Ndodana kaDavida, akungihawukelei! 49 UJesu esima wasesithi kabizwe; basebesibiza isiphofu, besithi kuso: Mana isibindi; sukuma, uyakubiza. 50 Sasesilahla isembatho saso sasukuma seza kuJesu. 51 UJesu wasephendula wathi kuso: Ufuna ukuthi ngikwenzeleni? Isiphofu sasesisithi kuye: Raboni*j, ukuthi ngibuye ngibone. 52 UJesu wasesithi kuso: Hamba; ukholo lwakhok lukusindisile. Njalo sahle sabuye sabona, salandela uJesu endlelenil.