UJesu udelelwa ngabeNazaretha

6Wasesuka lapho, waya emzini wakibo; abafundi bakhe basebemlandela. 2 Sekufike isabatha, waqala ukufundisa esinagogeni; labanengi abamuzwayo bamangala, bathi: Zivela ngaphi lezizinto kuye? Njalo yinhlakanipho bani ayinikiweyo, ukuthi lalimisebenzi yamandla enje yenziwe ngezandla zakhea? 3 Lo kayisuye umbazi yini, indodana kaMariya, lomfowabo kaJakobe loJose loJudasi loSimonib? Labodadewabo kabakho yini lapha kithi? Basebekhubeka ngaye. 4 Kodwa uJesu wathi kubo: Umprofethi kasweli ukudunyiswa, ngaphandle kwelizweni lakibo, lezihlotsheni zakhe lendlini yakwabo. 5 Futhi wayengelakho ukwenza lowodwa umsebenzi wamandla laphoc, ngaphandle kokubeka izandla phezu kwabagulayo abalutshwana, wabasilisad. 6 Wasemangala ngokungakholwa kwaboe. Wabhodabhoda imizana efundisaf.

Ukuthunywa kwabaphostoli

7 Wasebizela kuye abalitshumi lambilig, waqala ukubathuma ngababili ngababilih, wabanika amandla phezu kwabomoya abangcolileyoi. 8 Wabalaya ukuthi bangaphathi lutho lwendlela, ngaphandle kodondolo kuphela; lasikhwama, lasinkwa, lamali1 ezwezwenij; 9 kodwa bafake amanyathelak; futhi bangembathi izembatho ezimbili. 10 Wasesithi kubo: Lapho elingena khona endlini, hlalani kiyo lize liphume khonal. 11 Njalo loba ngobani abangayikulemukela, kumbe balizwe, nxa liphuma lapho, thintithani uthuli olungaphansi kwenyawo zenu kube yibufakazi kubom. Ngiqinisile ngithi kini: Kuzakuba lula eSodoma kumbe laseGomora ngosuku lwesigwebo, kulakulowomuzi. 12 Sebephumile batshumayela ukuthi baphenduken; 13 bakhupha amadimoni amanengi, bagcoba abanengi abagulayo ngamagcoboo babasilisap.

Ukubulawa kukaJohane uMbhabhathizi

14 Inkosi uHerodiq wasesizwa ngakhor, ngoba ibizo lakhe laba sobala, wasesithi: UJohane owabhabhathizayo uvukile kwabafileyo, futhi kungakho lamandla esebenza kuye. 15 Abanye bathi: UnguElija; labanye bathi: Ungumprofethi, kumbe unjengomunye wabaprofethi. 16 Kodwa uHerodi esezwile wathi: Lo nguJohane, mina engamquma ikhanda; yena uvukile kwabafileyos.

17 Ngoba yena uHerodi wayethumele wambamba uJohane, wambopha entolongweni, ngenxa kaHerodiyasi umkaFiliphu umfowabo, ngoba wayemthethet. 18 Ngoba uJohane wayethe kuHerodi: Kawuvunyelwa ukuba lomkamfowenu. 19 UHerodiyasi wasembambela inhliziyo, wafuna ukumbulala; kodwa kenelisanga; 20 ngoba uHerodi wayemesaba uJohane, esazi ukuthi uyindoda elungileyo lengcwele, wamlondoloza; lalapho emuzwa, wenza izinto ezinengiu, wamuzwa ngokuthokozav.

21 Kwathi selufikile usuku oluhle, uHerodi ngelanga lakhe lokuzalwa wenzela izikhulu zakhew lenduna zenkulungwanex labalisay beGaliliz ukudla kwantambama, 22 kwathi indodakazi kaHerodiyasi lo isingenile yagida, yamkholisa uHerodi lalabo ababehlezi ekudleni laye, inkosi yathi entombini: Cela kimi loba kuyini okuthandayo, njalo ngizakupha; 23 wafunga kuyo esithi: Loba kuyini ongakucela kimi, ngizakunikaa, kuze kube yingxenye yombuso wamib. 24 Yasiphuma isithi kunina: Ngizacelani? Yena wasesithi: Ikhanda likaJohane uMbhabhathizi. 25 Njalo yahle yangena enkosini ngokuphangisac, yacela, yathi: Ngifuna ukuthi unginike khathesinje emganwini ikhanda likaJohane uMbhabhathizi. 26 Inkosi yasidabuka kakhulu, kodwa ngenxa yezifungo langalabo ababehlezi layo ekudlenid kayithandanga ukuyilandulelae. 27 Njalo inkosi yahle yathuma ibutho yalaya ukuthi kulethwe ikhanda lakhe. Wasehamba wamquma ikhanda entolongweni, 28 waletha ikhanda lakhe ngomganu, walinika intombi; intombi yasilinika unina. 29 Kwathi abafundi bakhe sebezwile beza, bathatha isidumbu sakhe, basibeka engcwabenif.

UJesu usuthisa amadoda azinkulungwane ezinhlanu

30 Abaphostoli basebebuthana kuJesug, bambikela konke, lababekwenzile kanye lababekufundisile. 31 Wasesithi kubo: Wozani lina lodwa endaweni eyinkangalah, liphumule kancinyanei. Ngoba babebanengi abafikayo labahambayo, futhi bengelathuba lokudlaj.

32 Bakhuphuka ngomkhumbik baya endaweni eyinkangala bebodwal. 33 Amaxuku asebabona besuka, labanengi bamazi, bagijimela khona kanyekanye ngenyawo bevela emizini yonke, basebebandulela, bahlangana kuye.

34 Kwathi uJesu esephuma wabona ixuku elikhulu, waba lesihelo ngabom, ngoba babenjengezimvu ezingelamelusin; waseqala ukubafundisa izinto ezinengio.

35 Kwathi isikhathi sesihambile, abafundi bakhe beza kuye bathi: Lindawo iyinkangala, lesikhathi sesihambile; 36 bayekele, ukuze baye ezigabeni ezizingelezeleyo lemizaneni bazithengele izinkwa; ngoba bengelalutho abangaludla. 37 Wasephendula wathi kubo: Banikeni lina ukuthi badle. Basebesithi kuyep: Sihambe yini siyethenga izinkwa ngabodenariyo* abangamakhulu amabili, sibaphe badleq? 38 Wasesithi kubo: Lilezinkwa ezingaki? Hambani liyebona. Sebesazi bathi: Zinhlanu, lenhlanzi ezimbili. 39 Wasebalaya ukuthi babahlalise bonke phansi ngezigaba ngezigaba etshanini obuluhlazar. 40 Basebehlala phansi ngamaviyo ngamaviyo, ngamakhulu langamatshumi amahlanus. 41 Wasethatha izinkwa ezinhlanu lenhlanzi ezimbili, ekhangela phezulu ezulwini, wabonga, wazihlephula izinkwa, wazinika abafundi bakhe ukuthi bazibeke phambi kwabo; lenhlanzi ezimbili wazabela bonke. 42 Basebesidla bonke, basutha. 43 Basebedobha izitsha ezilitshumi lambili ezagcwala imvuthu ezazisele, lokuseleyo kwenhlanzi. 44 Lalabo abadlayo izinkwa, babengaba ngamadoda azinkulungwane ezinhlanu.

UJesu uhamba phezu kolwandle

45 Njalo wahle wacindezela abafundi bakhet ukuthi bangene emkhunjini, njalo bamqalele ukuya ngaphetsheyau eBhethisayida2v, yena esayekela ixuku lihamba. 46 Esebavalelisile, wasuka waya entabeniw ukuyakhulekax. 47 Sekuhlwile, umkhumbi wawuphakathi kolwandle, futhi yena wayeyedwa emhlabathini. 48 Wababona behlupheka kakhulu ekugwedleni, ngoba umoya wawuphambene labo, wasesiza kubo sokungaba yisikhathi somlindo wesine wobusuku, ehamba phezu kolwandle; wasefuna ukubadlulay. 49 Sebembonile ehamba phezu kolwandle, basebecabanga ukuthi lithonga, bakhala kakhulu; 50 ngoba bambona bonke, bethuka. Kodwa wahle wakhuluma labo, wathi kubo: Manini isibindi; yimi, lingesabi. 51 Wasesenyukela kubo emkhunjini, umoya wasuthula; basebesanganiseka kakhulu okwedlula amalawulo ngaphakathi, bamangalaz. 52 Ngoba babengaqedisisanga ngezinkwaa; ngoba inhliziyo yabo yayilukhunib.

UJesu usilisa elizweni leGenesaretha

53 Kwathi sebechaphile bafika elizweni leGenesaretha, babophela umkhumbi ekhunjini. 54 Bathi sebephumile emkhunjini, bahle bamazi, 55 njalo bagijimela kuso sonke lesosigaba esizingelezeleyo, baqala ukubhoda bethwala abagulayo ngamathala bebasa lapho abebesizwa ukuthi ukhona. 56 Njalo loba ngaphi angena khona emizaneni loba emizini, loba emaphandleni, babeka abagulayo emidangeni, bamncenga ukuthi bathinte umphetho wesembatho sakhe nje; njalo bonke abamthintayo basindiswa.