Umfanekiso womhlanyeli

4Wasebuya waqala ukufundisa ngaselwandle; kwasekubuthana kuye ixuku elikhulua, waze wangena emkhunjini wahlala olwandle; njalo ixuku lonke lalisemhlabathini ngaselwandleb.

2 Wasebafundisa izinto ezinengi ngemifanekiso, lekufundiseni kwakhe wathi kuboc: 3 Lalelani; khangelani, kwaphuma umhlanyeli ukuyahlanyela. 4 Kwasekusithi ekuhlanyeleni, enye yawela eceleni kwendlela, kwasekufika inyoni zezulu zayidla zayiqeda. 5 Njalo enye yawela emhlabathini olamatshe, lapho eyayingelamhlabathi omnengi khona; futhi yahle yamila, ngoba yayingelakutshona komhlabathi; 6 kwathi ekuphumeni kwelanga yahangulwa yabuna ngoba yayingelampande. 7 Enye yasiwela emeveni, ameva asekhula, ayiminyanisa, futhi ayithelanga isithelo. 8 Njalo enye yawela emhlabathini omuhle; yathela isithelo esakhulayo sanda, yazala enye amatshumi amathathu, lenye amatshumi ayisithupha, lenye ikhulu. 9 Wasesithi kubo: Olendlebe zokuzwa, akezwe.

Umsebenzi wemifanekiso

10 Kwathi eseyedwa, labo ababemphahlile kanye labalitshumi lambili bambuza ngomfanekiso. 11 Wasesithi kubo: Kuphiwe kini ukwazi imfihlo yombuso kaNkulunkulu; kodwa labo abangaphandled benzelwa izinto zonke ngemifanekiso; 12 ukuze bebona babone, bangabonisisi; njalo besizwa bezwe, bangaqedisisi; hlezi loba nini baphenduke, bathethelelwe izono zaboe.

Ukuchasiswa komfanekiso womhlanyeli

13 Wasesithi kubo: Kaliwazi lumfanekiso yini? Pho lizayazi njani imifanekiso yonke? 14 Umhlanyeli uhlanyela ilizwi. 15 Njalo abaseceleni kwendlela, yilabo lapho okuhlanyelwa khona ilizwi, futhi nxa belizwa, uSathane ahle afike alisuse ilizwi elihlanyelwe enhliziyweni zabo. 16 Lalabo ngokunjalo abahlanyelwe emhlabathini olamatshe, abathi, lapho besizwa ilizwi, bahle balemukele ngentokozo, 17 njalo kabalampande phakathi kwabo, kodwa bahlala okwesikhathi; kuthi sekufika inkathazo kumbe ukuzingelwa ngenxa yelizwi, bahle bakhubeke. 18 Lalaba yilabo abahlanyelwe emeveni, abalizwayo ilizwi, 19 kodwa impisekelo yalumhlaba, lenkohliso yenotho, lenkanuko yezinye izinto kungene kuminyanise ilizwi, futhi ibe ingasatheli. 20 Lalaba yilabo abahlanyelwe emhlabathini omuhle, abathi belizwile ilizwi, balemukele, bathele, enye amatshumi amathathu, lenye amatshumi ayisithupha, lenye ikhuluf.

Umfanekiso wesibane lowenhlanyelo

21 Wasesithi kubo: Kanti isibane silethwa ukuze sibekwe ngaphansi kwesitsha kumbe ngaphansi kombheda? Angithi ukuze sibekwe esiqobaneni sesibaneg? 22 Ngoba kakukho okufihliweyo okungayikubonakaliswa; akukho okwenzeka kube yimfihlo, kodwa ukuze kube sobalah. 23 Nxa umuntu elendlebe zokuzwa akezwei. 24 Wasesithi kubo: Qaphelisani elikuzwayoj. Ngesilinganiso elilinganisa ngaso lizalinganiselwa ngaso, njalo lina elizwayo lizaphiwa ngokwengezelelweyok. 25 Ngoba loba ngubani olakho, uzaphiwa; kodwa loba ngubani ongelakho, uzakwemukwa lalokho alakhol.

26 Wasesithi: Unjalo umbuso kaNkulunkulu, njengokuba nxa umuntu ephosa inhlanyelo emhlabathini, 27 njalo alale abesevuka ebusuku lemini, lenhlanyelo imile njalo ikhule, yena kakwazi ukuthi njani. 28 Ngoba umhlabathi uyathela ngokwawo, kuqala usungulo, kulandele isikhwebu, kulandele amabele apheleleyo esikhwetshinim. 29 Kodwa nxa sesivuthiwe isithelo, uhle athumeze isikelan, ngoba ukuvuna sekufikileo.

30 Wathi futhip: Sizawufananisa lani umbuso kaNkulunkulu? Kumbe sizawufananisa ngomfanekiso bani? 31 Unjengohlamvu lwemasitedi, oluthi nxa seluhlanyelwe emhlabathini, luncinyane kulazo zonke inhlamvu ezisemhlabeniq; 32 njalo nxa seluhlanyelwe, lukhule, lube lukhulu lwedlule izilimo zonke, lwenze ingatsha ezinkulu, kuze kuthi inyoni zezulu zingakhela ngaphansi komthunzi wazor.

33 Waselikhuluma kubo ilizwi ngemifanekiso eminengi enjalos, njengamandla abo okuzwat; 34 kodwa ngaphandle komfanekiso kakhulumanga kubou; kodwa sebebodwa wabachasisela abafundi bakhe izinto zonkev.

Ukuthuliswa kwesiphepho

35 Ngalolosuku sekuhlwile, wasesithi kubo: Asichapheleni ngaphetsheyaw. 36 Sebeyekele ixuku lahambax, bamthatha bahamba laye njengoba enjalo emkhunjiniy. Futhi leminye imikolo yayilaye. 37 Kwasekuvuka isiphepho esikhulu somoya; lamagagasi aphoseka emkhunjini, waze wagcwala khathesi. 38 Njalo yena wayengemuva emkhunjini elele emqamelweni; basebemvusa, bathi kuye: Mfundisi, kawukhathali yini ukuthi siyabhubha? 39 Wasevuka wakhuza umoya, wathi kulo ulwandle: Thula, uthi zwi! Umoya wasuqamuka, kwasekusiba khona ukuthula okukhulu. 40 Wasesithi kubo: Kungani lisesaba kangaka? Kalilakholo nganiz? 41 Basebesesaba ngokwesaba okukhulu, bathi omunye komunye: Kanti ungubani lo, ukuthi lomoya lolwandle kumlalelea?