Bible

3Wasebuya engenaa esinagogeni, njalo kwakukhona lapho umuntu olesandla esitshwabheneyob. 2 Basebemqaphela ukuthi uzamsilisa ngesabathac, ukuze bambeke icalad. 3 Wasesithi kumuntu olesandla esitshwabheneyo: Sukuma uye phakathi. 4 Wathi kubo: Kuvunyelwe yini ngamasabatha ukwenza okulungileyo, kumbe ukwenza okubi? Ukusindisa impilo, kumbe ukubulala? Kodwa bathula. 5 Wasebathalaza ngokuthukuthela, edabukile ngobulukhuni benhliziyo yaboe, wathi kumuntu: Yelula isandla sakho. Waselula, isandla sakhe sasesisiliswa saphila njengesinye. 6 Basebephuma abaFarisi bahle bacebisana labakaHerodi bemelane laye, ukuthi bangambulala njanif.

7 Kodwa uJesu wasuka wahamba labafundi bakhe ngaselwandleg; ixuku elikhulu laselimlandela livela eGalilih, leJudiya; 8 leJerusalemai, leIdumiya, langaphetsheya kweJordanij, labemimangweni yeTire leSidonik, ixuku elikhulu, selizwile izinto ezinkulu abezenza, leza kuye. 9 Wasetshela abafundi bakhe ukuthi umkolo umlindele ngenxa yexuku, ukuze lingamcindezelil. 10 Ngoba wayesilisa abanengi, baze bawela phezu kwakhe bonke abalezifom, ukuze bamthinten. 11 Njalo omoya abangcolileyo, lapho bembona, babesiwa phansi phambi kwakheo, bakhale besithi: Wena uyiNdodana kaNkulunkulup. 12 Wasebalayisisa kakhulu ukuthi bangamveziq.

13 Wasesenyukela entabeni, wabizela kuye labo ayebafuna yenar; basebesiza kuye. 14 Wasemisa abalitshumi lambili, ukuze babe laye, lokuze abathume ukuyatshumayela, 15 futhi babe lamandla okwelapha imikhuhlane, lawokukhupha amadimoni. 16 LoSimoni wamutha ibizo lokuthi nguPetro; 17 loJakobe okaZebediya, loJohane umfowabo kaJakobes; wabatha amabizo wathi ngoBowanegesi, okuyikuthi: Amadodana omdumo; 18 loAndreya, loFiliphu, loBartolomewu, loMathewu, loTomasi, loJakobe okaAlfewut, loTadewu, loSimoni umKhanani, 19 loJudasi uIskariyothi, laye owamnikelayou. Basebengena endliniv.

20 Ixuku laselibuthana futhi, kwaze kwathi bona abasazange benelise lokudla isinkwaw. 21 Kwathi abakibo sebezwile lokhu baphuma ukuyambamba; ngoba bathix: Uyahlanyay.

22 Lababhali abavela eJerusalema bathiz: UloBhelezebhule, lokuthi: Ukhupha amadimoni ngenkosi yamadimonia.

23 Wasebabizela kuye, wathi kubo ngemifanekiso: USathane angakhupha njani uSathane? 24 Futhi uba umbuso wehlukene umelene lawo ngokwawo, lowombuso ungeme. 25 Lendlu uba yehlukene imelana layo ngokwayo, leyondlu ingeme. 26 LoSathane uba ezivukela yena, ahlukane, angeme, kodwa uyaphela. 27 Kakho ongangena endlini yesiqhwaga, aphange impahla yaso, uba engasibophi isiqhwaga kuqala, abesephanga indlu yasob.

28 Ngiqinisile ngithi kini: Zonke izono zizathethelelwa kubantwana babantu, lezinhlamba loba ziphi abahlambaza ngazo; 29 kodwa loba ngubani ohlambaza emelene loMoya oyiNgcwele, kalakuthethelelwa laninic, kodwa ulecala lokulahlwa okulaphakade; 30 ngoba bathi: Ulomoya ongcolileyod.

31 Kwasekufikae abafowabo lonina, bema ngaphandle bathumela kuye, bembizaf. 32 Njalo ixuku lalihlezi limphahlile; basebesithi kuye: Khangela, unyoko labafowenu baphandle bayakudinga. 33 Wasebaphendula wathi: Ngubani umama kumbe abafowethu? 34 Wasethalaza labo ababehlezi bemphahlile, wathi: Khangelani umama labafowethu. 35 Ngoba loba ngubani owenza intando kaNkulunkulu, nguye ongumfowethu lodadewethu lomama.

a Mat. 12.9-14. Luka 6.6-11.

b 1.21,23,39; 2.1.

c Luka 14.1.

d Luka 11.54.

e Isam. 6.16.

f Mat. 22.16.

g Mat. 12.15.

h 1.45. Mat. 4.24,25.

i Luka 6.17.

j Isa. 34.5,6. Hez. 35.15; 36.5.

k Mat. 15.21.

l Mat. 8.23; 13.2; 14.22; 15.39. Mark. 4.1; 6.32, 45; 8.10,13.

m 5.29.

n Mat. 14.36; 20.34.

o 1.23. Luka 4.41; 6.18.

p 1.1. Mat. 14.33.

q Mat. 12.16.

r Mat. 10.1. Luka 6.12,13; 9.1.

s Mat. 10.2-4. Luka 6.14-16. Seb. 1.13.

t 5.41. Luka 9.54.

u Mat. 10.3. Luka 6.16.

v 2.1; 7.17; 9.28.

w 6.31.

x Joha. 7.3-5.

y 2 Kor. 5.13. Joha. 10.20.

z Mat. 9.34. 10.25; 12.24. Luka 11.15. Joha. 7.20; 8.48,52; 10.20.

a 2 Kho. 1.2.

b Mat. 12.25-29. Luka 11.17-22.

c Mat. 12.31,32. Luka 12.10.

d 14.64. Mat. 26.66. 1 Kor. 11.27. Heb. 2.15. Jak. 2.10. Mat. 5.21,22.

e Mat. 12.46-50. Luka 8.19-21.

f 3.21.