Ukufika kukaJesu Kristu kuyamenyezelwa nguJohane uMbhabhathizi

1Ukuqala kwevangeli likaJesu Kristu, iNdodana kaNkulunkulua; 2 njengokulotshiweyo kubaprofethib ukuthi: Khangela, mina ngiyathuma isithunywa sami phambi kobuso bakho, esizalungisa indlela yakho phambi kwakhoc. 3 Ilizwi lomemezayo enkangala, lithi: Lungisani indlela yeNkosi; qondisani izindledlana zayod. 4 Kweza uJohane ebhabhathiza enkangala, etshumayela ubhabhathizo lokuphenduka kukho ukuthethelelwa kwezonoe, 5 njalo kwaphumela kuye ilizwe lonke leJudiya, labo abeJerusalema, basebebhabhathizwa bonke nguye emfuleni iJordani, bevuma izono zabo. 6 Futhi uJohane wayembethe uboya bekamela, elozwezwe lwesikhumba ekhalweni lwakhe, wayesidla intethe loluju lweganga.

7 Watshumayela, esithi: Olamandla kulami uyeza emva kwami, engingafanele ukukhothama ngithukulule umchilo wamanyathela akhef. 8 Mina isibili ngilibhabhathize ngamanzi; kodwa yena uzalibhabhathiza ngoMoya oNgcwele.

Ukubhabhathizwa kukaJesu

9 Kwasekusithi ngalezonsukug kwafika uJesu evela eNazaretha yeGalilih, wabhabhathizwa nguJohane eJordani. 10 Wenela ukukhuphuka emanzini, wabona amazulu eqhekezeka, loMoya kungathi lijuba esehlela phezu kwakhe; 11 kwasekusiza ilizwi livela emazulwini, lathi: Wena uyiNdodana yami ethandekayo, engithokoza ngayo.

Ukulingwa kukaJesu

12 Njalo uMoyai wahle wamqhubela enkangalaj. 13 Wayekhona-ke lapho enkangala insuku ezingamatshumi amane elingwa nguSathane, wayelezilo, ingilosi zasezimnceda.

UJesu uqala ukutshumayela

14 Kwathi emva kokunikelwa kukaJohanek, uJesu wafika eGalili, etshumayela ivangeli lombuso kaNkulunkulul, 15 njalo esithi: Isikhathi sigcwalisekilem, njalo umbuso kaNkulunkulu ususondele; phendukani, likholwe ivangelin.

Ukubizwa kwabafundi bakuqala

16 Kwathi ehambahamba elwandle lweGalili wabona uSimoni loAndreya umfowabo, bephosela imbule olwandle; ngoba babengabagoli benhlanzio. 17 UJesu wasesithi kubo: Ngilandelani, ngizalenza libe ngabagoli babantu. 18 Njalo bahle batshiya amambule abo, bamlandela. 19 Eseqhubeke ibangana esuka lapho, wabona uJakobe okaZebediya, loJohane umfowabo, labo babesemkhunjini belungisa amambule abo. 20 Njalo wahle wababiza; basebetshiya uyise uZebediya emkhunjini leziqhatshwa, basuka bamlandela.

Ukusiliswa kwezigulane eKapenawume

21 Basebengena eKapenawumep; kwathi ngesabatha wahle wangena esinagogeni, wafundisaq. 22 Basebebabaza ngemfundiso yakher; ngoba wabafundisa njengolamandla, njalo kungenjengababhalis.

23 Futhi kwakukhona esinagogeni labo umuntu owayelomoya ongcolileyo, wasememeza, 24 wathi: Yekela, silani lawe, Jesu weNazaretha? Uze ukusibhubhisa yinit? Ngiyakwazi wena ukuthi ungubaniu: ONgcwele kaNkulunkuluv. 25 UJesu wasemkhuzaw, wathix: Thula, uphume kuyey. 26 Futhi umoya ongcolileyo emhlukuluza ekhala ngelizwi elikhulu, waphuma kuyez. 27 Basebemangala bonke, baze babuzana, bathi: Kuyini lokhu? Yimfundiso bani entsha le, ukuthi ngamandla uyalaya labomoya abangcolileyo, futhi bamlalele. 28 Njalo yahle yaphuma indumela yakhe esigabeni sonke seGalili esizingelezeleyo.

Uninazala kaPetro labanye abagulayo bayasiliswa

29 Njalo bahle baphumaa esinagogeni, bangena endlini kaSimoni loAndreya, kanye loJakobe loJohaneb. 30 Futhi uninazala kaSimoni wayelele eloqhuqho, njalo bahle bamtshela ngayec; 31 wasesondela, wabamba isandla sakhe wamvusa; futhi uqhuqho lwahle lwamyekela, wabasebenzela.

32 Kwathi sekuhlwile, ilanga selitshona, baletha kuye bonke abagulayo lababengenwe ngamadimonid; 33 njalo umuzi wonke wawubuthene emnyangoe. 34 Wasesilisa abanengi ababegula izifo ezitshiyeneyo, wakhupha amadimoni amanengif, kodwa kavumelanga amadimoni ukuthi akhulumeg, ngoba ayemazi.

UJesu uyakhuleka; uyasuka eKapenawume

35 Njalo ekuseni kusesemnyama kakhulu wavuka waphumah, waya endaweni eyinkangalai, wakhuleka khonaj. 36 USimoni lababelaye basebemdingisisa; 37 sebemtholile bathi kuye: Bonke bayakudinga. 38 Wasesithi kubo: Asiye emizini eseduze, ukuze ngitshumayele lakhona; ngoba ngiphumele lokhuk. 39 Wasetshumayela emasinagogeni abo kulo lonke eleGalili, ekhupha amadimonil.

UJesu usilisa umlephero

40 Kwasekufika kuye umlephero, emncengam eguqa ngamadolo phambi kwakhen, esithi kuye: Aluba uthanda, ungangihlambulula. 41 UJesu wasesiba lesihelo, welula isandla, wamthinta, wathi kuye: Ngiyathanda, hlambuluka; 42 esekhulumile bahle basuka ubulephero kuye, wahlanjululwa. 43 Wasemlayisisao, wahle wamyekela wahamba, 44 esithi kuye: Khangela ungatsheli muntu ulutho; kodwa hamba, uziveze kumpristi, unikele ngokuhlanjululwa kwakho lokho uMozisi akulayayo, kube yibufakazi kubop. 45 Kodwa yena esephumile waqala ukumemezela kakhuluq walwandisa udabar, kwaze kwathi wayengaselakho ukungena emzini obala, kodwa wayengaphandle ezindaweni ezizinkangalas; beza kuye bevela enhlangothini zonket.