Inkazimulo kaNkulunkulu iyasuka ethempelini

10Ngasengibona, khangela-ke, emkhathinia owawungaphezu kwekhanda lamakherubhi* kwakulokunjengelitshe lesafire*b, kunjengokubonakala komfanekiso wesihlalo sobukhosi;c kwabonakala phezu kwawo. 2 Wasekhuluma emuntwinid ogqoke ilembu elicolekileyo, wathi: Ngena ngaphakathi kwamavilie, ngaphansi kwekherubhi, ugcwalise intende zezandla zakho ngamalahle omlilof avela phakathi kwamakherubhi, uwahlakaze phezu komuzig. Wasengena phambi kwamehlo amih. 3 Njalo amakherubhi ayemi ngakwesokunene kwendlu, lapho lowomuntu engena; iyezi laseligcwalisa iguma elingaphakathi. 4 Inkazimulo yeNkosi yasiphakamai isuka phezu kwekherubhi, phezu kombundu wendlu; indlu yasigcwaliswa liyezij, leguma lagcwala ukukhanya kwenkazimulo yeNkosikl. 5 Lomdumo wempiko zamakherubhim wezwakala kwaze kwaba segumeni elingaphandle, njengelizwi likaNkulunkulu uSomandlan nxa ekhuluma. 6 Kwasekusithi isimlayile umuntu ogqoke ilembu elicolekileyoo isithi: Thatha umlilop phakathi kwamaviliq, phakathi kwamakherubhi; wangena, wema duze kwevili. 7 Ikherubhi laseliselulela isandla salo sisuka phakathi kwamakherubhi kuwo umlilo owawuphakathi kwamakherubhi, lawuthatha, lawubeka ezandlenir zalowo owayembethe ilembu elicolekileyos; owawuthatha waphuma.

8 Kwasekubonakala kiwo amakherubhit isimo sesandla somuntu ngaphansi kwempiko zawo.

9 Ngasengibonau, khangela-ke amavili amane eceleni kwamakherubhi, ivili elilodwa eceleni kwelinye ikherubhi, levili elilodwa eceleni kwelinye ikherubhi; lokubonakala kwamavili kwakunjengombala welitshe lebherule*. 10 Mayelana lokubonakala kwawo, womane ayelesimo sinye, njengokungathi livili eliphakathi kwevili. 11 Ekuhambeni kwawo, ahamba ngenhlangothi zawo zozine, awaphendukanga ekuhambeni kwawo, kodwa indawo lapho ikhanda elalikhangele khona, ayilandela, awaphendukanga ekuhambeni kwawo. 12 Lomzimba wawo wonke, lemihlane yawo, lezandla zawo, lempiko zawo, lamavili, kwakugcwele amehlo inhlangothi zonke, amavili azo zozine ezazilawo. 13 Mayelana lamavili, kwamenyezwa kiwo endlebeni zami ukuthi: Vili! 14 Njalo yilelo lalelo lalilobuso obune; ubuso bokuqala babuyibuso bekherubhi, lobuso besibili babuyibuso bomuntu, lobesithathu buyibuso besilwane, lobesine buyibuso belinqe. 15 Amakherubhi aseziphakamisa. Lesi yisidalwa esiphilayo engasibona ngasemfuleni iKebari. 16 Kwathi lapho amakherubhi ehamba, amavili ahamba eceleni kwawo; lalapho amakherubhi ephakamisa impiko zawo ukuze enyuke asuke emhlabeni, lawomavili kawaphendukanga esuka eceleni lawo futhi. 17 Lapho esima, lawo ema; lalapho ephakama, lawo aphakama; ngoba umoya wezidalwa eziphilayo wawukiwo.

18 Inkazimulo yeNkosi yasiphuma yasuka phezu kombundu wendlu, yema phezu kwamakherubhi. 19 Amakherubhi asephakamisa impiko zawo, enyuka esuka emhlabeni phambi kwamehlo ami, lapho ephuma, lamavili lawo ayemaqondana lawo; njalo yilelo lalelo lema emnyango wesango elingasempumalanga kwendlu yeNkosi; lenkazimulo kaNkulunkulu kaIsrayeli yayiphezu kwawo ngaphezulu.

20 Lesi yisidalwa esiphilayo engasibona ngaphansi kukaNkulunkulu kaIsrayeli ngasemfuleni iKebari; ngasengisazi ukuthi ngamakherubhi. 21 Yilelo lalelo lalilobuso obune, lalelo lalelo lilempiko ezine; lesimo sezandla zomuntu singaphansi kwempiko zazo. 22 Lesimo sobuso bawo sasiyibuso engabubona ngasemfuleni iKebari, ukubonakala kwawo, lawo ngokwawo. Ahamba, yilelo lalelo ngaphambi kobuso balo.