Ilizwi ngeBhabhiloni

50Ilizwi iNkosi eyalikhuluma imelene leBhabhiloni, imelene lelizwe lamaKhaladiya, ngesandla sikaJeremiya umprofethi,a lisithi: 2 Memezani phakathi kwezizwe, lizwakalise; misani uphawu,b lizwakalise, lingakufihli, lithi: IBhabhiloni ithunjiwe,c uBheli uyangekile,d uMerodaki ubhidliziwe;e izithombe zayo ziyangisiwe,f imifanekiso yayo ibhidliziwe. 3 Ngoba isizwe senyuka simelene layo esivela enyakatho,g esizakwenza ilizwe layo libe lunxiwa,h ukuze kungabi lomhlali kulo;i kusukela emuntwini kusiya enyamazaneni kuyabaleka kuhambile.j

4 Ngalezonsuku langalesosikhathi, itsho iNkosi, abantwana bakoIsrayeli bazakuza, bona labantwana bakoJuda kanyekanye;k behamba bekhala inyembezi,l bazahamba, bedinga iNkosi uNkulunkulu wabo.m 5 Bazabuza indlela eZiyoni,n ubuso babo bukhangele ngakuyo; wozani, lizihlanganise leNkosio ngesivumelwano esiphakade esingayikukhohlakala.p

6 Abantu bamiq bebeyizimvu ezilahlekileyo;r abelusi babo babaduhisile, bebaphendulelas ezintabeni;t bahamba besuka entabeni besiya eqaqeni,u bakhohlwa indawo yabo yokulala.v 7 Bonke ababatholayo babadla,w lezitha zabo zathi:x Kasiyikuba lacala,y ngenxa yokuthi bonile eNkosini, ikhaya lokulunga,z ngitsho iNkosi, ithemba laboyise.a 8 Balekanib liphume phakathi kweBhabhiloni,c liphume elizweni lamaKhaladiya,d libe njengezimpongo phambi komhlambi.e

9 Ngoba khangela, ngizavusa ngenze ukuthi kwenyukele eBhabhilonif ixuku lezizwe ezinkulug zivela elizweni lenyakatho,hi zizihlele zimelene layo;j kusukela lapho zithunjwe; imitshoko yakhek njengeqhawel elilamandlam kayiyikubuyela izen. 10 Njalo iKhaladiya izakuba yimpango; bonke abayiphangayo bazasutha, itsho iNkosi. 11 Ngoba lalijabula,o ngoba lathokoza, lina bachithi belifa lami,p ngoba liqolotsha njengethokaziq etshanini,r likhonye njengamabhiza amaduna;s 12 unyoko ulenhloni kakhulu, owalizalayo uyangekile. Khangela, ingemuva yezizwe iyinkangalat eyomileyou lelugwadule.v 13 Ngenxa yolaka lweNkosi kayiyikuhlalwa,w kodwa izakuba yincithakalo yonke;x wonke owedlula eBhabhiloni uzamangala kakhulu,y ancife ngenxa yazo zonke inhlupheko zayo.z 14 Zihleleleni ukumelana leBhabhilonia inhlangothi zonke,b lina lonke eligobisa idandili,c litshoke kuyo, lingagodli mtshoko, ngoba yonile eNkosini.d 15 Memezani limelene layoe inhlangothi zonke;f isinike isandla sayo,g izisekelo zayo ziwile,h imiduli yayo idiliziwe;i ngoba lokho kuyimpindiselo yeNkosi;j phindiselani kuyo, lenze kuyo njengokwenza kwayo.k 16 Qumani umhlanyeli asuke eBhabhiloni, laye ophatha isikela ngesikhathi sokuvuna;l ngenxa yenkemba ecindezelayom bazaphenduka, ngulowo lalowo kwabakibo,n babaleke, ngulowo lalowo elizweni lakibo.o

17 UIsrayeli uyimvu ehlakazekileyo;p izilwane zimxotshile;q kuqala inkosi yeAsiriyar yamudla,s emva kwalokho lo uNebhukadirezari inkosi yeBhabhilonit wephule amathambo akhe.u 18 Ngakho itsho njalo iNkosi yamabandla, uNkulunkulu kaIsrayeli: Khangela, ngizayijezisa inkosi yeBhabhiloni lelizwe layo,v njengalokhow ngayijezisa inkosi yeAsiriya.x 19 Njalo ngizabuyisela uIsrayeli endaweni yakhe yokuhlala,y njalo uzadlisaz eKharmeliab leBashani,cd lomphefumulo wakhe usuthe entabeni yakoEfrayimie leGileyadi.fg 20 Ngalezonsuku langalesosikhathi, itsho iNkosi, kuzadingwa ububi koIsrayeli,hi kodwa bungabi khona,j lezono zikaJuda, kodwa zingatholwa; ngoba ngizabathethelelak labo engibenza babe yinsali.l

21 Umelene lelizwe leMerathayimi,m yenyuka umelene layo, njalo umelene labahlali bePhekhodi;no uchithe, utshabalalise emva kwabo,p itsho iNkosi, wenze njengakho konke engikulaye khona.q

22 Umsindo wempi uselizweni,r lokuchitheka okukhulu. 23 Yeka ukuganyulwa lokwephuka kwesando somhlaba wonke!s Yeka ukwenziwa kweBhabhilonit unxiwa phakathi kwezizwe!u 24 Ngakuthiya ngomjibila,v futhi lawe wathunjwa, Bhabhiloni, lawe wawungazi;w watholwa, futhi wabanjwa, ngoba waphikisana leNkosi.x 25 INkosi ivulile isiphala sayo, yakhupha izikhali zolaka lwayo,y ngoba lokhu kungumsebenzi weNkosi uJehova wamabandla elizweni lamaKhaladiya. 26 Wozani limelane layo livela ephethelweni, livule izibuya zayo, liyibuthelelez njengezinqumbi,a liyitshabalalise,b ingabi lansali.c 27 Bulalani amajongosi ayo wonke,d kawehlele ekuhlatshweni.e Maye kuwo! Ngoba usuku lwawo lufikile,f isikhathi sempindiselo yawo.g 28 Ilizwi lababalekayo labaphunyukayo bevela elizweni leBhabhiloni,h ukuze bamemeze eZiyonii impindiselo yeNkosi uNkulunkulu wethu,jk impindiselol yethempeli layo.m 29 Bizani abatshoki bamelane leBhabhiloni,n bonke abagobisa idandili,o limise inkamba limelane layo inhlangothi zonke;p kayingabi lokuphunyuka;q liyiphindisele njengomsebenzi wayo,r lenze kuyo njengakho konke ekwenzileyo; ngoba yenze ngokuziqhenya imelene leNkosi,s imelene loNgcwele kaIsrayeli.

30 Ngakho amajaha ayo azakuwa ezitaladeni zayo,t lawo wonke amadoda ayo empiu azabhujiswa ngalolosuku,v itsho iNkosi. 31 Khangela, ngimelana lawe, wena oziqhenyayo, itsho iNkosi uJehova wamabandla; ngoba usuku lwakho selufikile,w isikhathi engizakuhambela ngaso.xy 32 Khona oziqhenyayo ezakhubeka awe, njalo kungekho ozamvusa; njalo ngizaphemba umlilo emizini yakheza ozakudla konke okumhanqileyo.b

33 Itsho njalo iNkosi yamabandla: Babecindezelwe abantwana bakoIsrayeli labantwana bakoJuda ndawonye;c njalo bonke ababathumbileyo babagagadlele; bala ukubayekela bahambe.d

34 Umhlengi waboe ulamandla,f iNkosi yamabandla libizo layo;g isibili izamela udaba lwabo,h ukuze inike umhlaba ukuphumula, kodwa inyakazise abahlali beBhabhiloni.

35 Inkemba iphezu kwamaKhaladiya, itsho iNkosi, laphezu kwabahlali beBhabhiloni, laphezu kweziphathamandla zayo,ij laphezu kwabahlakaniphileyo bayo.kl 36 Inkemba iphezu kwabaqambimangam ukuze benze ngobuthutha;n inkemba iphezu kwamaqhawe ayoo ukuze adilizwe. 37 Inkemba iphezu kwamabhiza ayo,p laphezu kwenqola zayo,q laphezu kwayo yonke ingxube yexuku ephakathi kwayo,r ukuze babe ngabesifazana;s inkemba iphezu kokuligugu kwayo,t ukuze kuphangwe. 38 Imbalela iphezu kwamanzi ayo,u ukuze ome, ngoba iyilizwe lezithombe ezibaziweyo;v bayahlanya ngenxa yezithombe ezesabekayo.w

39 Ngakho izilo zenkangalax lamakhanka kuzahlala khona,y lamadodakazi ezintshe azahlala kuyo,z kakusayikuhlala muntu kuyo kuze kube nininini,a kakuyikwakhelwa kuyo esizukulwaneni kusiya esizukulwaneni.b 40 Njengoba uNkulunkulu wagenqula iSodoma leGomorac labomakhelwane bayo,d itsho iNkosi, ngokunjalo kakuyikuhlala muntu khona,e njalo kakulandodana yomuntu ezahlala njengowezizwe kuyo.

41 Khangela, abantu bazavelaf enyakatho,g lesizwe esikhulu,h lamakhosi amanengi azavuswa evela emikhawulweni yomhlaba. 42 Bazabamba idandili lomkhonto; balesihluku, kabayikuba lomusa; ilizwi labo lizahlokoma njengolwandle, bagade amabhiza, ngulowo lalowo ehleliwe njengomuntu wempi emelene lawe, ndodakazi yeBhabhiloni. 43 Inkosi yeBhabhiloni izwile umbiko wabo, lezandla zayo zaba buthakathaka; ucindezelo lwayibamba,i umhelo njengowobelethayo.

44 Khangela, njengesilwane esivela ekukhukhumaleni kweJordanij uzakwenyuka emelene lendawo yokuhlala okungapheliyo, kodwa ngizahle ngimgijimise asuke kuyo; njalo ngubani okhethiweyo engingammisa phezu kwayo? Ngoba ngubani onjengami? Ngubani-ke ozangibizela ukulandisa? Njalo nguwuphi lowomelusi ongema phambi kwami?k 45 Ngakho, zwanini icebo leNKOSIl elicebe imelene leBhabhiloni, lemicabango yayom eyicabange imelene lelizwe lamaKhaladiya: Isibili abancinyane bomhlambi bazabadonsa; isibili izachitha indawo yokuhlala phezu kwabo. 46 Ngomsindo wokuthunjwa kweBhabhilonin umhlaba uyazamazama,o lokukhala kuzwakala phakathi kwezizwe.p