Ilizwi likaJeremiya kuBharukhi

45Ilizwi uJeremiya umprofethi alikhuluma kuBharukhi indodana kaNeriya,a ekubhaleni kwakhe lamazwi egwalweni evela emlonyeni kaJeremiya,b ngomnyaka wesine kaJehoyakhimi, indodana kaJosiya, inkosi yakoJuda,c lisithi: 2 Itsho njalo iNkosi, uNkulunkulu kaIsrayeli, kuwe Bharukhi: 3 Uthi wena: Hawu maye mina, ngoba iNkosi yengezelela usizi ebuhlungwini bami,d sengikhathele yikububula kwami,e njalo kangitholif ukuphumula.g 4 Uzakutsho njalo kuye: Itsho njalo iNkosi: Khangela, lokho engikwakhileyo ngiyakudiliza,h lalokho engikuhlanyeleyo ngiyakusiphuna; yebo, ilizwe leli lonke. 5 Wena-ke uzazidingela izinto ezinkulu yini?i Ungazidingi; ngoba khangela, ngiletha okubi phezu kwayo yonke inyama,j itsho iNkosi; kodwa ngizakunika impilo yakho ibe yimpango kuzo zonke indawo lapho oya khona.k