UJeremiya utshumayeza amaJuda eGibhithe

44Ilizwi elafika kuJeremiya ngawo wonke amaJuda ayehlala elizweni leGibhithe ahlala eMigidoliab leThahaphanesicd leNofief lelizweni lePatrosi,g lisithi: 2 Itsho njalo iNkosi yamabandla, uNkulunkulu kaIsrayeli: Lina likubonile konke okubi engakwehlisela phezu kweJerusalema laphezu kwayo yonke imizi yakoJuda. Khangelani-ke, lamuhla ilunxiwa,h njalo kakho ohlala phakathi kwayo, 3 ngenxa yobubi babo ababenzileyo, ukungithukuthelisa,i ngokuyatshisa impepha,j ngokukhonza abanye onkulunkuluk abangabaziyo, bona, lina, laboyihlo. 4 Kanti ngathuma kini inceku zami zonke abaprofethi,l ngivuke ngovivi ngathuma,m ngisithi: Ake lingayenzi linto enengekayo engiyizondayo. 5 Kodwa kabalalelangan kababekanga indlebe yabo, ukuthi baphenduke ebubini babo,o ukuze bangatshiseli abanye onkulunkulu impepha.p 6 Ngakho kwathululwa intukuthelo yami lolaka lwami,q kwavutha emizini yakoJuda lezitaladeni zeJerusalema; zaze zaba lunxiwar lencithakalo,st njengalamuhla. 7 Ngakho-ke, itsho njalo iNkosi, uNkulunkulu wamabandla, uNkulunkulu kaIsrayeli: Libenzelani ububi obukhulu kangaka limelene lemiphefumulo yenu,u ukuthi liziqumele indoda lomfazi,v umntwana losane,wx basuke phakathi kwakoJuda, ukuze lingazitshiyeli insali,y 8 ngokungithukuthelisaz ngemisebenzi yezandla zenu,a ngokutshisela abanye onkulunkulu impepha elizweni leGibhithe,b lapho eseliyehlala khona njengabezizwe, ukuze liziqume, lokuze libe yisiqalekisoc lehlazod phakathi kwazo zonke izizwe zomhlaba? 9 Selakhohlwa yini izinto ezimbi zaboyihlo, lezinto ezimbi zamakhosi akoJuda, lezinto ezimbi zabomkabo,e lezinto zenu ezimbi, lezinto ezimbi zabomkenu,f abazenza elizweni lakoJuda lezitaladeni zeJerusalema? 10 Kabadabukanga kuze kube lamuhla, kabesabanga,g kabahambanga ngomlayo wami langezimiso zami engazibeka phambi kwenu laphambi kwaboyihlo.

11 Ngakho itsho njalo iNkosi yamabandla, uNkulunkulu kaIsrayeli: Khangelani, ngimisa ubuso bami bumelene lani ngokubih ukuze ngiqume uJuda wonke. 12 Ngithathe insali yakoJuda, abamise ubuso babo ukungena elizweni leGibhithe ukuhlala khona njengabezizwe;i njalo bonke bazaphelaj bawe elizweni leGibhithe; baqedwe ngenkembak langendlala; kusukela komncinyane kuze kube komkhulul bafe ngenkemba langendlala;m babe yisifungo,n babe ngokwesabisayo, babe yisiqalekiso,o babe lihlazo.p 13 Ngoba ngizajezisa labo abahlezi elizweni leGibhithe,q njengoba ngajezisa iJerusalema, ngenkemba,r ngendlala,s langomatshayabhuqe wesifo;t 14 ukuze insali yakoJuda efikileyo ukuhlala khona njengowezizwe elizweni leGibhithe ingabi lophunyukayo losilayo,u ukubuyela elizweni lakoJuda, umphefumulo wayo ofisa ukubuyela kulo ukuhlala khona; ngoba kabayikubuyela, ngaphandle kwabaphunyukileyo.v

15 Khona wonke amadoda ayesazi ukuthi omkabo batshisela abanye onkulunkulu impepha,w labo bonke abesifazana ababemi khona, ixuku elikhulu, labo bonke abantu ababehlala elizweni leGibhithe, ePatrosi,x bamphendula uJeremiya, besithi: 16 Lelilizwi olikhulume kithi ebizweni leNkosi, kasiyikukulalela.y 17 Kodwa sizakwenza lokwenza loba yiyiphi into ephume emlonyeni wethu,z ukutshisela indlovukazi yamazulu impepha,a siyithululele iminikelo yokunathwayo,bc njengoba besisenza, thina, labobaba, amakhosi ethu, leziphathamandla zethu, emizini yakoJudad lezitaladeni zeJerusalema; khona sasutha isinkwa, sasiphilile,e kasibonanga okubi. 18 Kodwa kusukela lapho sayekela ukutshisela indlovukazi yamazulu impephaf lokuyithululela iminikelo yokunathwayo,g siswele konke, siqedwe ngenkemba layindlala.h 19 Futhi lapho sitshisela indlovukazi yamazulu impepha,i siyithululela iminikelo yokunathwayo,j siyayenzela amakhekhe ngokwesifanekiso sayo,k siyithululela iminikelo yokuthululwa, ngaphandle kwamadoda enu yini?

20 UJeremiya wasekhuluma kubo bonke abantu, emadodaneni, lakwabesifazana,l lakubo bonke abantu ababemphendule ngalelolizwi, esithi: 21 Impepha elayitshisa emizini yakoJuda lezitaladeni zeJerusalema,m lina, laboyihlo, amakhosi enu, leziphathamandla zenu, labantu belizwe, iNkosi kayiyikukukhumbula yini, kuvele enhliziyweni yayo?n 22 Kwaze kwathi iNkosio yayingaselakukuthwala,p ngenxa yobubi bezenzo zenu, ngenxa yezinengiso elazenzayo; ngakho ilizwe lenu laba yincithakaloqr lokwesabisayostu lesiqalekiso,vw ukuze kungahlali muntu,x njengalamuhla. 23 Ngenxa yokuthi litshisile impepha, lokuthi lonile eNkosini,y kalilalelanga ilizwi leNkosi, kalihambanga ngomlayo wayo langezimiso zayo langezifakazelo zayo; ngenxa yalokho okubi lokhu kwenzakele kini,z njengalamuhla.

24 UJeremiya wasesithi kubo bonke abantu lakwabesifazana bonke: Zwanini ilizwi leNkosi, wonke uJuda oselizweni leGibhithe.a 25 Itsho njalo iNkosi yamabandla, uNkulunkulu kaIsrayeli, ithi: Lina labomkenu, likhulumile ngomlomo wenu,b lakugcwalisa ngezandla zenu, lisithi: Sizakwenza lokwenza izithembiso zethu esizithembisayoc zokutshisela indlovukazi yamazulu impepha,d lokuyithululela iminikelo yokunathwayo.e Lizaqinisa lokuqinisa izithembiso zenu, lenze sibili izithembiso zenu! 26 Ngakho zwanini ilizwi leNkosi, lonke Juda elihlala elizweni leGibhithe:f Khangelani, mina ngifungile ngebizo lami elikhulu,g itsho iNkosi: Ibizo lami kalisayikubizwa ngumlomo waloba ngubani wakoJuda, elizweni lonke leGibhithe,h esithi: Kuphila kweNkosi uJehova.i 27 Khangela, ngizabalindela ngokubi,j kungeyisikho ngokuhle;k lawo wonke amadoda akoJuda aselizweni leGibhithel azaqedwa ngenkemba layindlala,m aze aphele. 28 Lalabo abaphepha enkembeni bazabuyela elizweni lakoJuda bevela elizweni leGibhithe,n balutshwana ngenani;op layo yonke insali yakoJuda eze elizweni leGibhithe ukuhlala khona njengowezizwe, izakwazi ukuthi ilizwi elizakuma ngelikabani, elami kumbe elayo.q

29 Lalokhu kuzakuba yisibonakaliso kini, kutsho iNkosi, ukuthi ngizalijezisa kulindawo, ukuze lazi ukuthi amazwi ami azakuma lokuma emelana lani ngokubi.r 30 Itsho njalo iNkosi: Khangelani, ngizanikela uFaro Hofira inkosi yeGibhithe esandleni sezitha zakhe,s lesandleni salabo abadinga impilo yakhe,t njengoba nganikela uZedekhiya inkosi yakoJuda esandleni sikaNebhukadirezari inkosi yeBhabhiloni, isitha sakhe, esadinga impilo yakhe.u