| NdebeleTeam » Jeremiah » 43 |
Abantu baya eGibhithe
43Kwasekusithi lapho uJeremiya eseqedile ukukhuluma kubo bonke abantu wonke amazwi eNkosi uNkulunkulu wabo, iNkosi uNkulunkulu wabo eyayimthume ngawo kibo, ngitsho wonke lamazwi; 2 wasekhuluma uAzariya indodana kaHoshaya,a loJohanani indodana kaKareya,b labo bonke abantu abazikhukhumezayo,c besithi kuJeremiya: Uqamba amanga. INkosi uNkulunkulu wethu kayikuthumanga ukuze uthi: Lingayi eGibhithe ukuze lihlale njengabezizwe khona;d 3 kodwa uBharukhi indodana kaNeriyae uyakukhuthaza emelene lathi,f ukuze asinikele esandleni samaKhaladiya,g ukuze asibulale, asithumbele eBhabhiloni. 4 Ngakho uJohanani indodana kaKareya,h lazo zonke induna zamabutho,i labo bonke abantu, kabalilalelanga ilizwi leNkosi, ukuze bahlale elizweni lakoJuda. 5 Kodwa uJohanani indodana kaKareyaj lazo zonke induna zamabuthok bathatha yonke insali yakoJuda eyayibuyele ivela kuzo zonke izizwe lapho ababexotshelwe khona, ukuhlala elizweni lakoJuda;l 6 amadoda,m labafazi,n labantwana, lamadodakazi enkosi,o laye wonke umuntu uNebuzaradani induna yabalindi ayebatshiye kuGedaliya indodana kaAhikhamup indodana kaShafani, loJeremiya umprofethi, loBharukhi indodana kaNeriya.q 7 Basebengena elizweni leGibhithe, ngoba kabalilalelanga ilizwi leNkosi; basebefika eThahaphanesi.r
8 Laselifika ilizwi leNkosi kuJeremiya eThahaphanesis lisithi: 9 Thatha esandleni sakho amatshe amakhulu, uwafihle ebumbeni ewondweni,t esekungeneni kwendlu kaFaro eThahaphanesi,u emehlweni amadoda angamaJuda, 10 uthi kiwo: Itsho njalo iNkosi yamabandla, uNkulunkulu kaIsrayeli: Khangelani, ngizathuma ngilande uNebhukadirezari inkosi yeBhabhiloni inceku yami,v ngifake isihlalo sakhe sobukhosi phezu kwalamatshe engiwafihlileyo,w endlale ithente lakhe lesikhosini phezu kwawo. 11 Eze atshaye ilizwe leGibhithe;x labo abokufa ekufeni, lalabo abokuthunjwa ekuthunjweni, lalabo abenkemba enkembeni.y 12 Ngiphembe umliloz ezindlini zabonkulunkulu beGibhithe,a abatshise, abathumbe,b azithandele ngelizwe leGibhithe njengomelusi ezithandela ngesigqoko sakhe,c aphume khona ngokuthula. 13 Njalo uzakwephula insika zeBetshemeshi eziyizithombed eziselizweni leGibhithe,e atshise ngomlilo izindlu zabonkulunkulu beGibhithe.f
a 42.1.
b 40.8.
c Hlab. 86.14; 119.51. Isa. 13.11. Mal. 3.15; 4.1.
d 42.19.
e 32.12; 43.6.
f 38.22.
g 37.13.
h 40.8.
i 4.5; 40.13.
j 40.8.
k 40.13; 43.5.
l 40.11,12.
m 44.20.
n 44.20.
o 41.10.
p 39.10; 40.7.
q 32.12; 43.6.
r 2.16.
s 2.16.
t 2 Sam. 12.31.
u 2.16.
v 25.9.
w 1.15.
x 44.13; 46.13.
y 15.2.
z 17.27.
a 43.13; 46.25. Hez. 30.13. Isa. 19.1. Eks. 12.12.
b 48.7.
c Hlab. 104.2. Isa. 49.18; 61.10.
d 50.2. Eks. 23.24.
e Josh. 15.10; 19.22,38.
f 43.13; 46.25. Hez. 30.13. Isa. 19.1. Eks. 12.12.