| NdebeleTeam Jeremiah « 38 » |
Ukukhutshwa kukaJeremiya emgodini
38UShefathiya indodana kaMathani, loGedaliya indodana kaPashuri, loJukali indodana kaShelemiya,a loPashuri indodana kaMalikiya,b sebezwile amazwi uJeremiya ayewakhuluma kubo bonke abantu esithi:c 2 Itsho njalo iNkosi: Osala kulumuzi uzakufa ngenkemba, ngendlala, langomatshayabhuqe wesifo;d kodwa ophuma aye kumaKhaladiya uzaphila,e ngoba uzakuba lempilo yakhe ibe yimpango, aphile. 3 Itsho njalo iNkosi: Lumuzi uzanikelwa isibili esandleni sebutho lenkosi yeBhabhiloni,f elizawuthumba.g 4 Iziphathamandla zasezisithi enkosini: Ake abulawe lumuntu,h ngoba ngalindlela uyekethisa izandla zamadoda empi asele kulumuzi,i lezandla zabo bonke abantu, ngokukhuluma kibo amazwi anje; ngoba lumuntu kadingi ukuthula kwalababantu, kodwa okubi. 5 Inkosi uZedekhiya yasisithi: Khangela, usesandleni senu, ngoba inkosi kayilakho okuphambene lani ngalutho.j 6 Basebemthatha uJeremiya, bamphosela emgodini kaMalikiya indodana yenkosi,k owawusegumeni lentolongo,l bamehlisa uJeremiya ngamagoda; kwakungelamanzi emgodini,m kodwa udaka; uJeremiya wasetshona odakeni.n
7 Kwathi uEbedimelekio umEthiyophiyap indoda umthenwa,q owayesendlini yenkosi, esizwa ukuthi uJeremiya bamfake emgodini (lapho inkosi yayihlezi esangweni lakoBhenjamini),r 8 uEbedimelekis waphuma endlini yenkosi, wakhuluma lenkosi esithi: 9 Nkosi yami, nkosi, abantu laba benzile okubi ngakho konke abakwenze kuJeremiya umprofethi, abamphosele emgodini, ngoba uzakufa endaweni yakhet ngenxa yendlala, ngoba kakusekho isinkwa emzini.u 10 Inkosi yasimlaya uEbedimeleki umEthiyophiya,v isithi: Thatha lapha amadoda angamatshumi amathathu ngaphansi kwesandla sakho, umenyule uJeremiya umprofethi emgodini engakafi. 11 Ngakho uEbedimeleki wathatha amadoda ngaphansi kwesandla sakhe,w wangena endlini yenkosi waze waba ngaphansi kwesiphala, wathatha khona izidwedwe ezidabukileyo lezidwedwe ezigugileyo,x wazehlisela kuJeremiya emgodini ngamagoda. 12 UEbedimeleki umEthiyophiyay wasesithi kuJeremiya: Ake ufake izidwedwe ezidabukileyo lezigugileyo ngaphansi kwamakhwapha akho ngaphansi kwamagoda.z UJeremiya wasesenza njalo. 13 Basebemdonsa uJeremiya ngamagoda,a bamenyula emgodini. UJeremiya wasehlala egumeni lentolongo.
UZedekhiya uyelulekwa nguJeremiya
14 Inkosi uZedekhiya yasithuma yathatha uJeremiya umprofethi yamusa kuye, ekungeneni kwesithathu okusendlini yeNkosi. Inkosi yasisithi kuJeremiya: Ngizakubuza udaba, ungangifihleli lutho. 15 UJeremiya wasesithi kuZedekhiya: Uba ngikutshela, kawuyikungibulala lokungibulala yini? Loba ngikweluleka, kawuyikungilalela. 16 Inkosi uZedekhiya yasifunga kuJeremiya ekusithekenib isithi: Kuphila kukaJehovac owasenzela lumphefumulo:d Isibili kangiyikukubulala, futhi isibili kangiyikukunikela esandleni salamadoda adinga umphefumulo wakho.e 17 UJeremiya wasesithi kuZedekhiya: Itsho njalo iNkosi, uNkulunkulu wamabandla, uNkulunkulu kaIsrayeli: Uba uphuma isibilif uye kuziphathamandla zenkosi yeBhabhiloni,g umphefumulo wakho uzaphila,h lalumuzi kawuyikutshiswa ngomlilo; uzaphila wena lendlu yakho. 18 Kodwa uba ungaphumii uye kuziphathamandla zenkosi yeBhabhiloni,j lumuzi uzanikelwa esandleni samaKhaladiya,k awutshise ngomlilo;l lawe kawuyikuphunyuka esandleni sawo.m 19 Inkosi uZedekhiya yasisithi kuJeremiya: Ngiyawesaba amaJuda ahlubukele kumaKhaladiya,n hlezi anginikele esandleni sawo, angiklolodele.o 20 UJeremiya wasesithi: Kawayikukunikela; ake ulalele ilizwi leNkosi njengalelo engilikhuluma kuwe,p khona kukulungele,q futhi umphefumulo wakho uzaphila. 21 Kodwa uba usala ukuphuma,r yileli ilizwi iNkosi engibonise lona lokuthi: 22 Khangela-ke, bonke abesifazana abasele endlini yenkosi yakoJuda bazakhitshelwa kuziphathamandla zenkosi yeBhabhiloni, bathi: Abangane bakho bakukhuthazile,s bakwehlula;t inyawo zakho zitshone odakeni;u babuyele emuva.v 23 Njalo azakhuphela abafazi bonke bakho lamadodana akho kumaKhaladiya;w lawe kawuyikuphunyuka esandleni sawo,x kodwa uzabanjwa ngesandla senkosi yeBhabhiloni, lalumuzi uzawutshisa ngomlilo.y
24 UZedekhiya wasesithi kuJeremiya: Kakungabi khona umuntu owaziyo lamazwi, khona ungayikufa. 25 Kodwa nxa iziphathamandla zisizwa ukuthi ngikhulume lawe,z zize kuwe zithi kuwe: Ake usitshele, ubusithini enkosini, ungakufihli kithi, khona kasiyikukubulala; njalo inkosi ikhulumeni kuwe; 26 uzakuthi-ke kuzo: Mina ngiwise ukuncenga kwami phambi kwenkosia ukuthi ingangibuyiseli endlini kaJonathani ukuze ngifele khona.b 27 Zasezifika zonke iziphathamandla kuJeremiya, zambuza; yena waziphendula njengawo wonke lamazwi inkosi ewalayileyo. Zasezithula kuye, ngoba udaba lwalungezwakali. 28 UJeremiya wasehlalac egumeni lentolongo kwaze kwaba lusuku iJerusalema eyathunjwa ngalo;d wayekhona lapho iJerusalema ithunjwa.
a 37.3.
b 21.1. 1 Lan. 9.12.
c 21.8.
d 21.9; 37.17,18.
e 21.9; 37.17,18.
f 21.10; 32.3.
g 34.22.
h 26.11.
i 6.24.
j 37.17,24-27.
k 37.16.
l 32.2; 37.13,28.
m Gen. 37.24. Zek. 9.11.
n Hlab. 69.14.
o 37.8,10-12; 39.16.
p Seb. 8.27.
q 29.2. Isa. 56.3-5.
r 37.13.
s 37.8,10-12; 39.16.
t Eks. 16.29.
u 37.21. Lilo 1.11.
v 38.8,10-12; 39.16.
w 37.8,10-12; 39.16.
x Josh. 9.5.
y 37.8,10-12; 39.16.
z Hez. 13.18.
a 37.6.
b 37.17.
c Ruthe 3.13.
d Isa. 57.16.
e 37.1,4.
f 27.12; 37.2,21. 2 Kho. 24.12.
g 37.18,22; 39.3.
h 34.4,5.
i 27.12; 37.2,21. 2 Kho. 24.12.
j 37.18,22; 39.3.
k 21.10; 37.23.
l 21.10; 37.23.
m 32.4; 37.23.
n 37.13.
o 1 Sam. 31.4.
p 34.4,5.
q 40.9.
r 27.12. 37.2,21. 2 Kho. 24.12.
s 43.3. 1 Kho. 21.25.
t Obad. 1.7.
u Jobe 38.6.
v Isa. 42.17. Hlab. 35.4.
w 39.6; 41.10; 43.6; 44.7.
x 32.4; 37.23.
y 21.10; 37.23.
z 37.5.
a 36.7.
b 37.20.
c 37.21.
d 32.2.