Ukubalwa lokutshiswa komqulu wencwadi

36Kwasekusithi ngomnyaka wesine kaJehoyakhimi, indodana kaJosiya, inkosi yakoJuda,a lelilizwi lafika kuJeremiya livela eNkosini, lisithi: 2 Zithathele umqulu wogwalo,b ubhale kiwo wonke amazwi engiwakhulume kuwe ngoIsrayelic langoJudad langazo zonke izizwe,e kusukela ngosuku lokukhuluma kwami kuwe, kusukela ensukwini zikaJosiya,f kuze kube lamuhla. 3 Mhlawumbe abendlu kaJuda bazakuzwa bonke ububi engicabanga ukubenza kubo;g ukuze baphenduke, ngulowo lalowo endleleni yakhe embi,h ukuze ngithethelele ububi babo lesono sabo.i

4 UJeremiya wasebiza uBharukhi indodana kaNeriya;j uBharukhi wasebhala okuvela emlonyeni kaJeremiya, wonke amazwi eNkosik eyayiwakhulume kuye, emqulwini wogwalo.l 5 UJeremiya waselaya uBharukhi esithi: Ngivinjelwe,m kangilakungena endlini yeNkosi. 6 Ngakho hamba wena, ufunde emqulwini owubhalileyo, kuvela emlonyeni wami, amazwi eNkosi endlebeni zabantu endlini yeNkosi ngosuku lokuzila ukudla;n uwafunde futhi endlebeni zakhe wonke uJuda abavela emizini yabo. 7 Mhlawumbe ukuncenga kwabo kuzakuwa phambi kweNkosi,o baphenduke, ngulowo lalowo endleleni yakhe embi;p ngoba lukhulu ulaka lentukuthelo iNkosi ekukhulume kulababantu. 8 UBharukhi indodana kaNeriya wasesenza njengakho konke uJeremiya umprofethi ayemlaye khona, efunda egwalweni amazwi eNkosi endlini yeNkosi.

9 Kwasekuthi emnyakeni wesihlanu kaJehoyakhimi, indodana kaJosiya, inkosi yakoJuda, ngenyanga yesificamunwemunye, bamemezelaq ukuzila ukudla phambi kweNkosi, bonke abantu eJerusalema,r labantu bonke abavela emizini yakoJuda eJerusalema. 10 UBharukhi wasefunda egwalweni amazwi kaJeremiya endlini yeNkosi, ekamelweni likaGemariya,s indodana kaShafani,t umbhali,u egumeni elingaphezulu,v emnyango wesango elitsha lendlu yeNkosi,w endlebeni zabantu bonke.

11 UMikhaya, indodana kaGemariya, indodana kaShafani,x wasesizwa wonke amazwi eNkosi avela kulolugwalo, 12 wehlela endlini yenkosi, ekamelweni lombhali;y khangela-ke, zonke iziphathamandla zazihlezi lapho, uElishamaz umbhali,a loDelaya indodana kaShemaya, loElinathani indodana kaAkhibhori,b loGemariya indodana kaShafani,c loZedekhiya indodana kaHananiya,d leziphathamandla zonke. 13 UMikhaya wasebatshela wonke amazwi ayewezwile, lapho uBharukhi efunda egwalweni endlebeni zabantu. 14 Zonke iziphathamandla zasezithuma uJehudi, indodana kaNethaniya, indodana kaShelemiya,e indodana kaKushi, kuBharukhi, zisithi: Umqulu ofunde kuwo endlebeni zabantu, uthathe ngesandla sakho uze. Ngakho uBharukhi indodana kaNeriya wathatha umqulu ngesandla sakhe, waya kuzo. 15 Zasezisithi kuye: Ake uhlale phansi, uwufunde endlebeni zethu. UBharukhi wasefunda endlebeni zazo. 16 Kwasekusithi sezizwile wonke amazwi, zethukile, ngulowo lalowo ekhangele kumakhelwane wakhe,f zathi kuBharukhi: Sizayitshela isibili inkosi wonke amazwi la. 17 Zasezimbuza uBharukhi zisithi: Ake usitshele, wawabhala njani wonke lamazwi emlonyeni wakhe? 18 UBharukhi wasesithi kuzo: Wangifundela wonke lamazwi evela emlonyeni wakhe, ngawabhala egwalweni ngeyinki.g 19 Iziphathamandla zasezisithi kuBharukhi: Hamba ucatshe, wena loJeremiya, kakungabi lamuntu owaziyo lapho elikhona.

20 Zasezingena enkosini egumeni, kodwa umqulu zawubeka ekamelweni likaElishama umbhali;h zakhuluma wonke amazwi endlebeni zenkosi. 21 Inkosi yasithuma uJehudi ukuthi awulande umqulu; wasewuthatha ekamelweni likaElishama umbhali;i uJehudi wawufunda endlebeni zenkosi lendlebeni zazo zonke iziphathamandla ezazimi enkosini.j 22 Inkosi yayihlezi-ke endlini yobusikak ngenyanga yesificamunwemunye;l umlilo wawuvutha embawuleni phambi kwayo. 23 Kwasekusithi lapho uJehudi esefundile amakhasi amathathu loba amane, yawasika ngengqamu yombhali, yawaphosela emlilweni osembawuleni, waze watsha waphela umqulu wonke emlilweni osembawuleni. 24 Kodwa kabesabanga,m kabadabulanga izembatho zabo,no inkosi lenceku zayo zonke, abawezwayo wonke lamazwi. 25 Loba kunjalo labo oElinathani loDelaya loGemariyap beyincenga inkosi ukuthi ingawutshisi umqulu,q kodwa kayibalalelanga. 26 Kodwa inkosi yalaya uJerameli indodana yenkosi, loSeraya indodana kaAziriyeli, loShelemiya indodana kaAbideli,r ukuze babambe uBharukhi umbhali loJeremiya umprofethi;s kodwa iNkosi yabafihla.

27 Ilizwi leNkosi laselifika kuJeremiya emva kokuthi inkosi isiwutshisile umqulu lamazwi uBharukhi ayewabhalile evela emlonyeni kaJeremiya, lisithi: 28 Zithathele futhi omunye umqulu, ubhale kuwo wonke amazwi okuqala ayesemqulwini wokuqala, uJehoyakhimi inkosi yakoJuda eyawatshisayo. 29 Njalo uzakuthi kuJehoyakhimi inkosi yakoJuda: Itsho njalo iNkosi: Wena utshisile lumqulu, usithi: Ubhaleleni kiwo usithi: Inkosi yeBhabhiloni izafika isibili, ilichithe lelilizwe,t yenze ukuthi kuphele kulo abantu lenyamazana? 30 Ngakho itsho njalo iNkosi mayelana loJehoyakhimi inkosi yakoJuda: Kayikuba lamuntuu ohlala esihlalweni sobukhosi sikaDavida;v lesidumbu sakhe sizaphoselwa ekutshiseniw kwemini lekuqandeni kobusuku. 31 Ngizamjezisa-ke yena, lenzalo yakhe, lenceku zakhe, ububi babo; ngehlisele phezu kwabo laphezu kwabahlali beJerusalema laphezu kwabantu bakoJuda konke okubi engikukhulume kubo, kodwa kabalalelanga.

32 UJeremiya wasethatha omunye umqulu, wawunika uBharukhi, indodana kaNeriya, umbhali, owabhala kiwo okuvela emlonyeni kaJeremiya wonke amazwi ogwalo uJehoyakhimi inkosi yakoJuda eyalutshisayo ngomlilo; kwengezelelwa-ke kiwo amanye amazwi amanengi afanana lawo.