NdebeleTeam » Jeremiah » 29

Incwadi kaJeremiya kwabathunjelwe eBhabhiloni

29La-ke ngamazwi encwadi ayithumelayo uJeremiya umprofethi ivela eJerusalema isiya kunsali yabadala babathunjiweyoa lakubapristib lakubaprofethi lebantwini bonke ayebathumbile uNebhukadinezari besuka eJerusalema wabasa eBhabhiloni 2 (emva kokuphuma kukaJekoniya inkosi,cd lendlovukazi,ef labathenwa,g iziphathamandla zakoJuda lezeJerusalema,h lababazi,i labakhandi,j besuka eJerusalema), 3 ngesandla sikaElasa indodana kaShafani,k loGemariya indodana kaHilikhiya,l uZedekhiya inkosi yakoJuda eyabathuma eBhabhiloni kuNebhukadinezari inkosi yeBhabhiloni,m isithi: 4 Itsho njalo iNkosi yamabandla, uNkulunkulu kaIsrayeli, kibo bonke abathunjiweyo engabenza bathunjwa besuswa eJerusalema basiwa eBhabhiloni: 5 Yakhani izindlu,n lihlale kizo, lihlanyele izivande, lidle izithelo zazo; 6 lithathe abafazi, lizale amadodana lamadodakazi, lithathele amadodana enu abafazi, lendise amadodakazi enu emadodeni, ukuze azale amadodana lamadodakazi, lande khona, linganciphi. 7 Lidinge ukuthula komuzi lapho engilithumbele khona, liwukhulekele eNkosini;o ngoba ekuthuleni kwawo lizakuba lokuthula.

8 Ngoba itsho njalo iNkosi yamabandla, uNkulunkulu kaIsrayeli: Akuthi abaprofethi benu labavumisi benup abaphakathi kwenu bangalikhohlisi;q lingawalaleli amaphupho enu eliwenza aphutshwe;r 9 ngoba baprofetha amanga kini ngebizo lami;s kangibathumanga,t itsho iNkosi.

10 Ngoba itsho njalo iNkosi: Qiniso, lapho iminyaka engamatshumi ayisikhombisa isigcwalisekile eBhabhiloni,u ngizalihambela,v ngiqinise ilizwi lami elihle kini,w ukuthi ngilibuyise kulindawo.xy 11 Ngoba mina ngiyazi imicabango engiyicabanga ngani, itsho iNkosi, imicabango yokuthula, kayisiyo eyokubi, ukuthi ngilinike isiphetho lokulindelweyo.z 12 Khona lizangibizaa liyekhuleka kimi, ngilizwe. 13 Njalo lizangidinga,bcd lingithole, lapho lingidingisisa ngenhliziyo yenu yonke.e 14 Njalo ngizatholwa yini,f itsho iNkosi, ngibuyise ukuthunjwa kwenu,g ngiliqoqe kuzo zonke izizweh lakuzo zonke indawo lapho engilixotshele khona,i itsho iNkosi, ngilibuyise endaweni engalithumba livela khona.

15 Ngoba litshilo: INkosi isivusele abaprofethi eBhabhiloni. 16 Ngoba utsho njalo uJehova ngenkosi ehlezi esihlalweni sobukhosi sikaDavidaj langabo bonke abantu abahlala kulumuzi, abafowenu abangaphumelanga ekuthunjweni kanye lani: 17 Itsho njalo iNkosi yamabandla: Khangelani, ngizathumela phakathi kwabo inkemba, indlala, lomatshayabhuqe wesifo,k ngibenze babe njengemikhiwa eyenyanyekayo, engadlekiyo ngenxa yobubi.l 18 Ngixotshane labo ngenkemba, ngendlala, langomatshayabhuqe wesifo, ngibanikele ukuba yisesabiso kuyo yonke imibuso yomhlaba,m babe yisiqalekiso,no lento eyesabekayo,pqr lokuncifelwayo,s lehlazo,t phakathi kwazo zonke izizweu lapho engibaxotshele khona;v 19 ngenxa yokuthi bengawalalelanga amazwi ami, itsho iNkosi, engawathumela kibo ngenceku zami abaprofethi, ngivuka ngovivi ngibathuma,w kodwa kalilalelanga,x itsho iNkosi.

20 Lina-ke zwanini ilizwi leNkosi, lina lonke bathunjiweyo, engabathuma besuka eJerusalema besiya eBhabhiloni:y 21 Itsho njalo iNkosi yamabandla uNkulunkulu kaIsrayeli, mayelana loAhabi indodana kaKolaya, lamayelana loZedekhiya indodana kaMahaseya, abaprofetha amanga kini ngebizo lami:z Khangelani, ngizabanikela esandleni sikaNebhukadirezari inkosi yeBhabhiloni, ozababulala phambi kwamehlo enu. 22 Njalo kuzathathwa kuboa isiqalekiso yibo bonke abathunjiweyo koJuda abaseBhabhilonib kuthiwe: Kungathi iNkosi ikumise njengoZedekhiya lanjengoAhabi, inkosi yeBhabhiloni eyamosa ngomlilo;c 23 ngenxa yokuthi benze ubuthutha koIsrayeli, bafeba labafazi babomakhelwane babo,d baqamba amazwi angamanga ngebizo lami,ef engingabalayanga wona; njalo yimi engaziyo, engingumfakazi,g itsho iNkosi.

24 Uzakhuluma kuShemaya umNehelami usithi: 25 Itsho njalo iNkosi yamabandla, uNkulunkulu kaIsrayeli, isithi: Ngenxa yokuthi wena uthumele izincwadi ngebizo lakho kubo bonke abantu abaseJerusalema, lakuZefaniyah indodana kaMahaseya umpristi,i lakubo bonke abapristi, usithi: 26 INkosi isikwenze ube ngumpristi esikhundleni sikaJehoyada umpristi,j ukuthi libe ngababonisi bendlu yeNkosik phezu kwakhe wonke umuntu ohlanyayol ozitshaya umprofethi,m ukuthi limfake esitokisini elezankosi entanyeni.n 27 Khathesi-ke, kungani ungamkhuzanga uJeremiya umAnathothio ozitshaya umprofethi kini?p 28 Ngoba ngenxa yalokhu usethumele kithi eBhabhiloni esithi: Kuzakuba kude; yakhani izindlu,q lihlale kizo, lihlanyele izivande, lidle izithelo zazo. 29 UZefaniya umpristi waseyifunda lincwadi endlebeni zikaJeremiya umprofethi.

30 Laselifika ilizwi leNkosi kuJeremiya lisithi: 31 Thumela kubo bonke abathunjiweyo usithi: Itsho njalo iNkosi ngoShemaya umNehelami: Ngenxa yokuthi uShemaya eprofethe kini, mina-ke ngingamthumanga,rs walenza ukuthi lithembe amanga,t 32 ngakho itsho iNkosi: Khangela, ngizajezisa uShemaya umNehelami kanye lenzalo yakhe; kayikuba lamuntu ozahlala phakathi kwalababantu, angaboni okuhle engizakwenzela abantu bami,u itsho iNkosi, ngoba ukhulume ukuhlamuka emelene leNkosi.v

a 19.1. Hez. 8.1.

b 23.33.

c 2 Kho. 24.12,15.

d 24.1.

e 2 Kho. 24.12,15.

f 22.26.

g 2 Kho. 24.12,15.

h 24.1.

i 24.1.

j 24.1.

k 2 Lan. 34.8.

l 1 Lan. 6.13.

m 51.59.

n 28.28. Hez. 11.3.

o Ezra 6.10. 1 Tim. 2.2.

p 27.9.

q Mat. 24.4.

r 27.9.

s 14.14; 28.21,23,31.

t 14.14; 29.21,23.

u 25.12.

v 27.22.

w 24.6; 33.14.

x 27.22.

y 24.6; 33.14.

z 31.17. 1 Kor. 10.13.

a 33.3. Dan. 9.3.

b 33.3. Dan. 9.3.

c 2 Lan. 15.2. Hos. 3.5. Levi 26.39,40. Dute. 30.1.

d 10.18. Dute. 4.29. Hlab. 32.6; 78.34. Isa. 55.6.

e 24.7.

f 10.18. Dute. 4.29. Hlab. 32.6; 78.34. Isa. 55.6.

g 30.3.

h 23.3; 32.37. Hlab. 107.3.

i 8.3; 29.18.

j 22.2.

k 24.10.

l 24.8.

m 24.9. Dute. 28.25.

n 42.18.

o 23.10. Dute. 29.19. Dan. 9.11. Zek. 5.3.

p 42.18.

q 2 Kho. 22.19.

r 2 Lan. 29.8.

s 2 Lan. 29.8.

t 42.18.

u 26.6.

v 29.18.

w 2 Lan. 36.15.

x 25.3.

y 24.5.

z 29.9.

a Isa. 65.15.

b 24.9.

c Dan. 3.6.

d 23.14.

e 29.9.

f 23.14.

g Mal. 3.5.

h 2 Kho. 25.18.

i 35.4.

j 2 Kho. 11.15. 2 Lan. 23.16.

k 20.1.

l 2 Kho. 9.11.

m 1 Sam. 18.10. 1 Kho. 18.29.

n 20.2.

o 1.1.

p 1 Sam. 18.10. 1 Kho. 18.29.

q 29.5.

r 28.15.

s 29.9.

t 28.15.

u 17.6.

v 28.16.