NdebeleTeam » Jeremiah » 28

UHananiya utshumayela amanga

28Kwasekusithi ngalowomnyaka,a ekuqaleni kokubusa kukaZedekhiya inkosi yakoJuda, ngomnyaka wesine, ngenyanga yesihlanu, uHananiyab indodana kaAzuri umprofethic owayengoweGibeyonid wakhuluma kimi endlini yeNkosi emehlweni abapristi labantu bonke, esithi: 2 Itsho njalo iNkosi yamabandla, uNkulunkulu kaIsrayeli, isithi: Ngilephulile ijogwe lenkosi yeBhabhiloni.e 3 Kusesephakathi kweminyaka emibili yezinsuku ngizabuyisela kulindawof izitsha zonke zendlu yeNkosi,g uNebhukadinezari inkosi yeBhabhiloni azisusa kulindawo wazisa eBhabhiloni. 4 Futhi uJekoniya indodana kaJehoyakhimi inkosi yakoJuda, labo bonke abathunjwa bakoJuda, abaya eBhabhiloni, ngizababuyisela kulindawo, itsho iNkosi; ngoba ngizalephula ijogwe lenkosi yeBhabhiloni.h

5 Wasekhuluma uJeremiya umprofethi kuHananiya umprofethi emehlweni abapristi lemehlweni abantu bonke ababemi endlini yeNkosi; 6 uJeremiya umprofethi wasesithi: Ameni!i INkosi kayenze njalo, iNkosi kayiqinise amazwi akho owaprofethileyo, ukuthi ibuyise izitsha zendlu yeNkosi, labo bonke abathunjwa, kusuke eBhabhiloni kuze kulindawo. 7 Kodwa ake uzwe lelilizwi engilikhuluma endlebeni zakho lendlebeni zabo bonke abantu: 8 Abaprofethi ababephambi kwami lababephambi kwakho kwasendulo baprofetha bemelene lamazwe amanengi bemelene lemibuso emikhulu, ngempi langobubi langomatshayabhuqe wesifo. 9 Umprofethi oprofethaj ngokuthula,k lapho ilizwi lomprofethi selifikile, lowomprofethi uzakwaziwa ukuthi iNkosi imthumile ngeqiniso.

10 Umprofethi uHananiya waselisusa ijogwe entanyeni kaJeremiya umprofethi, walephula.l 11 UHananiya wasekhuluma emehlweni abantu bonke esithi: Itsho njalo iNkosi: Ngokunjalo ngizalephula ijogwe likaNebhukadinezari inkosi yeBhabhilonim ngilisuse entanyeni yezizwe zonke kusesephakathi kweminyaka emibili yezinsuku.n UJeremiya umprofethi wasehamba ngendlela yakhe.

12 Laselifika ilizwi leNkosi kuJeremiya, emva kokuthi uHananiya umprofethi esephulile ijogwe elisusa entanyeni kaJeremiya umprofethi,o lisithi: 13 Hamba uyetshela uHananiya usithi: Itsho njalo iNkosi: Wephulile amajogwe esigodo; kodwa uzawenza amajogwe ensimbi endaweni yawo. 14 Ngoba itsho njalo iNkosi yamabandla, uNkulunkulu kaIsrayeli: Ngigaxile ijogwe lensimbip entanyeni yazo zonke lezizizweq ukuze zisebenzele uNebhukadinezari inkosi yeBhabhiloni; futhi zizamsebenzela,r njalo ngimnikile lezinyamazana zeganga.s

15 UJeremiya umprofethi wasesithi kuHananiya umprofethi: Ake uzwe, Hananiya; iNkosi kayikuthumanga,t kodwa wena wenza lababantu ukuthi bathembeu amanga.v 16 Ngakho itsho njalo iNkosi: Khangela, ngizakuxotsha ebusweni bomhlaba; lonyaka uzakufa, ngoba ukhulumile ukuhlamuka umelene leNkosi.w 17 Wafa-ke uHananiya umprofethi ngalowomnyaka ngenyanga yesikhombisa.

a 27.12.

b 36.12; 37.13.

c Hez. 11.1.

d Josh. 9.3; 21.17.

e 25.12; 32.5.

f 27.16.

g 27.16.

h 27.2,11,12; 28.4,10-12.

i 1 Kho. 1.36.

j Dute. 18.22.

k 6.14.

l 27.2; 28.2. 1 Kho. 22.11.

m 27.2,11,12; 28.4,10-12.

n 27.7.

o 27.2; 28.2. 1 Kho. 22.11.

p Dute. 28.48.

q 27.7.

r 25.11.

s 27.6.

t 29.31.

u 29.31.

v 20.6. Hez. 13.22.

w 29.32. Dute. 13.5.