| NdebeleTeam Jeremiah « 26 » |
Abantu bathi uJeremiya ufanele ukubulawa
26Ekuqaleni kokubusa kukaJehoyakhimi indodana kaJosiya inkosi yakoJuda kwafika lelilizwi livela eNkosinia lisithi: 2 Itsho njalo iNkosi: Mana egumeni lendlu yeNkosi,b ukhulume kuyo yonke imizi yakoJuda, efikayo ukuzakhonza endlini yeNkosi, wonke amazwi engikulaya ukuthi uwakhulume kubo;c unganciphisi lalizwi.d 3 Mhlawumbe bazalalela,e baphenduke ngulowo lalowo endleleni yakhe embi, ukuze ngizisolef ngokubi ebengicabanga ukukwenza kubog ngenxa yobubi bezenzo zabo.h 4 Uzakuthi-ke kibo: Itsho njalo INkosi: Uba lingayikungilalela,i ukuthi lihambe ngomlayo wami engiwubeka phambi kwenu, 5 ukuthi lilalele amazwi enceku zami abaprofethij engibathume kini,k yebo ngivuka ngovivi ngibathuma, kodwa kalilalelanga,l 6 ngizakwenza-ke lindlu ibe njengeShilo,m ngenze lumuzi ube yisiqalekiso kuzo zonke izizwe zomhlaba.no 7 Ngakho abapristi labaprofethi labo bonke abantu bamuzwa uJeremiya ekhuluma lamazwi endlini yeNkosi.p
8 Kwathi uJeremiya eseqedile ukukhuluma konke iNkosi eyayimlaye ukuthi akukhulume ebantwini bonke, abapristi labaprofethi labo bonke abantu bambamba besithi: Uzakufa lokufa!q 9 Kungani uprofetha ngebizo leNkosi usithi: Lindlu izakuba njengeShilo,r lomuzi lo uzakuba lunxiwa, ungabi lamhlali?s Bonke abantu basebembuthanela uJeremiya endlini yeNkosi.
10 Kwathi iziphathamandla zakoJuda sezizwile lezizinto, zenyuka zivela endlini yenkosi zafika endlini yeNkosi, zahlala emnyango wesango elitsha lendlu yeNkosi.t 11 Abapristi labaprofethi basebekhuluma kuzo iziphathamandla lakubo bonke abantu besithi: Umuntu lo ufanele isigwebo sokufa, ngoba uprofethe emelene lalumuzi,u njengoba lizwile ngendlebe zenu.
12 Wasekhuluma uJeremiya kuzo zonke iziphathamandla lakubo bonke abantu esithi: INkosi yangithuma ukuprofetha ngimelene lalindlu ngimelene lalumuzi wonke amazwi eliwezwileyo. 13 Ngakho-ke lungisani indlela zenu lezenzo zenu,v lilalele ilizwi leNkosi uNkulunkulu wenu; khona iNkosi izazisola ngobubi ebukhulume imelene lani.w 14 Kodwa mina, khangela, ngisesandleni senu;x yenzani kimi njengokulungileyo lanjengokuqondileyo emehlweni enu.y 15 Kodwa yazini isibili ukuthi uba lingibulala, isibili lizakwehlisela igazi elingelacala phezu kwenu laphezu kwalumuzi laphezu kwabakhileyo bawo; ngoba ngeqiniso iNkosi ingithume kini ukuthi ngikhulume wonke la amazwi endlebeni zenu.
16 Iziphathamandla labo bonke abantu basebesithi kubapristi lakubaprofethi: Lumuntu kafanele isigwebo sokufa, ngoba ukhulumile kithi ebizweni leNkosi uNkulunkulu wethu. 17 Kwasekusukuma abanyez babadala belizwe,a bakhuluma kulo lonke ibandla labantu, besithi: 18 UMika umMorashethi waprofetha ensukwini zikaHezekhiya inkosi yakoJuda,b wakhuluma kibo bonke abantu bakoJuda esithi: Itsho njalo INkosi yamabandla: IZiyoni izalinywa njengensimu,c leJerusalema ibe zinqumbi, lentaba yendlu ibe zindawo eziphakemeyo zegusu. 19 UHezekhiya inkosi yakoJuda layo wonke uJuda bambulala isibili yini? Kayesabanga yini iNkosi,d wancenga ubuso beNkosi, njalo iNkosi yazisola ngokubi eyayikukhulume imelene labo?efg Ngalokho senza ububi obukhulu simelene lemiphefumulo yethu.h
20 Kwakukhona njalo umuntu owaprofetha ebizweni leNkosi, uUriya indodana kaShemaya oweKiriyathi-Jeyarimi,i owaprofetha ngalumuzi langalelilizwe njengokwamazwi wonke kaJeremiya. 21 Kwathi inkosi uJehoyakhimij lawo wonke amaqhawe akhe lazo zonke iziphathamandla zakhe besizwa amazwi akhe, inkosi yadinga ukumbulala; kwathi uUriya ekuzwa, wesaba, wabaleka, waya eGibhithe. 22 Inkosi uJehoyakhimi yasithuma amadoda eGibhithe, uElinathanik indodana kaAkhibhori,l lamanye amadoda kanye laye eGibhithe, 23 basebemkhipha uUriya eGibhithe, bamletha enkosini uJehoyakhimi, owambulala ngenkemba,m waphosela isidumbu sakhe emangcwabeni abantwana babantu.
24 Kodwa isandla sikaAhikhamun indodana kaShafanio sasiloJeremiya, ukuze bangamnikeli esandleni sabantu ukuthi bambulale.
a 27.1.
b 19.14.
c Hez. 3.10.
d Dute. 4.2; 12.32. Seb. 20.27.
e 36.3.
f 18.8; 26.13,19.
g 36.3.
h 4.4.
i Levi 26.14. Dute. 28.15.
j 25.3,4.
k 25.3,4.
l 25.3,4.
m 7.12,14; 26.9.
n 24.9.
o 29.18.
p 23.33; 26.8.
q 23.33; 26.8.
r 7.12,14; 26.9.
s 4.7.
t 36.10.
u 38.4.
v 7.3.
w 18.8; 26.13,19.
x 38.5. Josh. 9.25.
y 38.5. Josh. 9.25.
z Seb. 5.34.
a 19.1.
b Mika 1.1.
c Mika 3.12.
d 2 Lan. 32.26.
e 18.8; 26.13,19.
f 2 Lan. 32.26.
g Eks. 32.14. 2 Sam. 24.16.
h Seb. 5.39.
i Josh. 9.17.
j 26.1; 27.1.
k 36.12,25. 2 Kho. 24.8.
l 2 Kho. 22.12,14.
m 22.17. Neh. 9.26. Mat. 21.35.
n 2 Kho. 22.12.
o 36.10. 2 Lan. 34.8.