22Itsho njalo iNkosi: Yehlela endlini yenkosi yakoJuda, ukhulume khona lelilizwi, 2 uthi: Zwana ilizwi leNkosi, wena nkosi yakoJuda,a ohlezi esihlalweni sobukhosi sikaDavida,b wena, lezinceku zakho, labantu bakhoc abangena ngalamasango.d 3 Itsho njalo iNkosi: Yenzani isahlulelo lokulunga,e lophule ophangiweyo esandleni somcindezeli;f lingacindezeli, lingenzi udlakelag kowezizwe, izintandane, lomfelokazi,hi njalo lingachithi igazi elingelacala kulindawo.jk 4 Ngoba uba lisenza linto isibili, khona kuzangena ngamasango alindlu amakhosil ahlalela uDavida esihlalweni sakhe sobukhosi,m egade izinqola lamabhiza, yonan lenceku zayo labantu bayo. 5 Kodwa uba lingawalaleli lamazwi, ngiyafunga ngami,o kutsho iNkosi, ukuthi lindlu izakuba lunxiwa.p 6 Ngoba itsho njalo iNkosi mayelana lendlu yenkosi yakoJuda: UyiGileyadi kimi, inhloko yeLebhanoni;q isibili ngizakwenza inkangala, imizi engahlalwayo.r 7 Ngizakulungisela abachithi,s ngulowo elezikhali zakhe; njalo bazagamula ikhethelo lemisedari yakho,t bayiphosele emlilweni.u 8 Lezizwe ezinengi zizadlula kulumuzi, zithi, ngulowo kumakhelwane wakhe: INkosi yenzeleni kanje kulumuzi omkhulu?v 9 Khona bazakuthi: Ngenxa yokuthi basidelile isivumelwano seNkosi uNkulunkulu wabo,w bakhonza abanye onkulunkulu,x babasebenzela.

10 Lingamkhaleliy ofileyo,z lingamlileli; khalelani kakhulu ohambileyo,a ngoba kasayikubuya kumbe abone ilizwe lokuzalwa kwakhe. 11 Ngoba itsho njalo iNkosi mayelana loShaluma indodana kaJosiya,b inkosi yakoJuda, owabusa esikhundleni sikaJosiya uyise, owaphuma kulindawo:cd Kasayikubuya lapha; 12 kodwa uzafela endaweni abamthumbele kuyo,e kasayikulibona lelilizwe.

13 Mayef kowakha indlu yakhe ngokungalungi,g lamakamelo akhe aphezulu ngokungaqondanga,h osebenzisa umakhelwane wakhei ngeze,j angamniki umvuzo wakhe; 14 othi: Ngizazakhela indlu enkulu lamakamelo aphezulu abanzi;k azisikele amawindi, yembeswe ngemisedari,l iconjwe ngokubomvu.m 15 Uzabusa yini, ngoba utshisekela ulaka ugqoke imisedari?n Uyihlo kadlanga yini wanatha, wenza isahlulelo lokulunga,o kwasekusiba kuhle kuye?p 16 Wehlulela udaba lomyanga loswelayoq; khona kwaba kuhler. Lokhu kakusikungazi yinis? itsho iNkosi. 17 Kodwa amehlo akho lenhliziyo yakho kakukho kokunyet ngaphandle kwemhawini wakho,u lekuchitheni igazi elingelacala,v lencindezelweni,wx lekwenzeni udlakela. 18 Ngakho itsho njalo iNkosi mayelana loJehoyakhimi indodana kaJosiya, inkosi yakoJuda:y Kabayikumkhalelaz besithi: Hawu mfowethu! kumbe: Hawu dadewethu!a Kabayikumkhalela besithi: Hawu nkosi! loba: Hawu, bukhosi bakhe!b 19 Uzangcwatshwa ngokungcwatshwa kukababhemi, ehudulwa alahlwe ngaphandle kwamasango eJerusalema.c

20 Yenyukela eLebhanoni, umemeze, uphakamise ilizwi lakho eBashani, umemeze useAbarimi,d ngoba zonke izithandwa zakho zibhujisiwe.e 21 Ngakhuluma lawe ekonwabeni kwakho, kodwa wathi: Kangiyikulalela. Lokhu bekuyindlela yakho kusukela ebutsheni bakho,f ukuthi ungalilaleli ilizwi lami.g 22 Umoya uzakudla bonke abelusi bakho,h lezithandwa zakho zizakuya ekuthunjweni;i isibili khona uzakuba lenhloni, uyangeke, ngenxa yobubi bakho bonke. 23 Wena ohlala eLebhanoni,j owakhe isidleke phakathi kwemisedari,k uzahawukelwa kangakanani ekuzeni kwenhlungu kuwe, ubuhlungu obunjengobowesifazana ohelelwayo.l

24 Kuphila kwami,m itsho iNkosi, loba uKoniya indodana kaJehoyakhimi, inkosi yakoJuda,n ebeyindandatho elophawu esandleni sami sokunene,o kanti bengizakuhluthula kuso, 25 ngikunikele esandleni sabadinga impilo yakho,p lesandleni salabo owesaba ubuso babo,q ngitsho esandleni sikaNebhukadirezari inkosi yeBhabhiloni, lesandleni samaKhaladiya, 26 ngikuphosele phandlers kanye lonyoko owakubelethayo,t liye kwelinye ilizwe, elingazalelwanga kulo; njalo lizafela khona. 27 Kodwa elizweni abaphakamisa umphefumulo wabo ukubuyela kulo, kabayikubuyela kulo.u

28 Lumuntu uKoniya uyisithombe esidelelekayo lesiphahlazekileyo yini?v Uyisitsha okungelantokozo kuso yini?w Baphoselwani phandle,x yena lenzalo yakhe, yebo, bephoselwa elizweni abangalaziyo?yz 29 Lizwe, lizwe, lizwe, zwana ilizwi leNkosi.a 30 Itsho njalo iNkosi: Bhalani lumuntu ukuthi kalabantwana,b umuntu ongayikuphumelela ensukwini zakhe; ngoba kakulamuntu enzalweni yakhe ozaphumelela, ohlezi esihlalweni sobukhosi sikaDavida,c esabusa koJuda.