| NdebeleTeam Jeremiah « 16 » |
INkosi izatshaya abakoJuda
16Ilizwi leNkosi laselifika kimi lisithi: 2 Ungazithatheli umfazi, njalo ungabi lamadodana kumbe amadodakazi kulindawo. 3 Ngoba itsho njalo iNkosi mayelana lamadodana lamayelana lamadodakazi azalelwe kulindawo, lamayelana labonina abawazalayo lamayelana laboyise abawazalele kulelilizwe: 4 Bazakufa izimfa zemikhuhlane;a kabayikulilelwa,b futhi kabayikungcwatshwa;c bazakuba ngumquba phezu kobuso bomhlaba;d njalo bazaqedwae yinkembaf layindlala;g lezidumbu zabo zizakuba yikudla kwezinyoni zamazuluh lokwenyamazana zomhlaba. 5 Ngoba itsho njalo iNkosi: Ungangeni endlini yesililo,i ungayikulila, ungabakhaleli; ngoba ngikususile ukuthula kwami kulababantu, itsho iNkosi, uthandolomusa lezihawu. 6 Njalo abakhulu labancinyane bazakufa kulelilizwe; kabayikungcwatshwa,j kabayikubalilela,k kabayikuzisika,l kabayikuziphucam ngenxa yabo. 7 Futhi kabayikubahlephulela isinkwa esililweni, ukubaduduza ngenxa yofileyo; futhi kakho ozabanathisa inkezo yezinduduzo ngenxa kayise langenxa kanina. 8 Njalo ungangeni endlini yedili, ukuhlala labo, ukudla lokunatha. 9 Ngoba itsho njalo iNkosi yamabandla, uNkulunkulu kaIsrayeli: Khangelani, ngizakwenza ukuthi kuphele kule indawo, emehlweni enu,n lensukwini zenu, ilizwi lentokozo, lelizwi lenjabulo, ilizwi lomyeni, lelizwi likamakoti.
10 Njalo kuzakuthi lapho utshela lababantu wonke lamazwi, babesebesithi kuwe: INkosi ikhulumelani konke lokhu okubi okukhulu imelene lathi,o njalo buyini ububi bethu, njalo yisiphi isono sethu esisonileyo simelene leNkosi uNkulunkulu wethu? 11 Khona uzakuthi kubo:p Ngenxa yokuthi oyihlo bangidelile, itsho iNkosi, balandela abanye onkulunkulu,q babasebenzela, babakhonza, bangidela mina, kabagcinanga umlayo wami; 12 lina-ke lenze okubi kulaboyihlo;r ngoba khangelani, lilandela, ngulowo lalowo ubulukhuni benhliziyo yakhe embi,s ukuthi bangangilaleli. 13 Ngakho ngizaliphosela ngaphandle kwalelilizwe,tu liye elizweni elingalaziyo,v lina laboyihlo; lapho-ke lizasebenzela abanye onkulunkulu emini lebusuku, ngoba kangiyikulinika umusa.
14 Ngakho, khangela,w insuku ziyeza,x itsho iNkosi, lapho kungasayikuthiwa: Kuphila kweNkosi,y eyakhuphula abantwana bakoIsrayeli elizweni leGibhithe; 15 kodwa: Kuphila kweNkosi,z eyakhuphula abantwana bakoIsrayeli elizweni lenyakathoa lakuwo wonke amazwe eyayibaxotshele kiwo; ngoba ngizababuyisa futhi elizweni lakibo engalinika oyise.b
16 Khangela, ngizathumela kubagoli benhlanzic abanengi, itsho iNkosi, babesebebagola; lemva kwalokho ngizathumela kubazingeli abanengi, babazingele bebasusa kuyo yonke intaba, lakulo lonke uqaqa, lasezingoxweni zamadwala.d 17 Ngoba amehlo ami aphezu kwazo zonke izindlela zabo;e kazifihlakalanga ebusweni bami, lobubi babo kabucatshanga phambi kwamehlo ami.f 18 Kuqala-ke ngizaphindisela isiphambeko sabo lesono sabog ngokuphindiweyo,h ngoba bengcolise ilizwe lami,i bagcwalisa ilifa lami ngezidumbu zamanyala abo lezinengiso zabo.
19 Nkosi, wena mandla ami, lenqaba yami,j lesiphephelo sami ngosuku lwembandezelo,k abezizwe bazafika kuwe bevela emikhawulweni yomhlaba, bathi: Isibili obaba badlile ilifa lamanga, okuyize,l lokungekho inzuzo kukho.mn 20 Umuntu angazenzela onkulunkulu yini, kanti kabayisibo onkulunkulu?o 21 Ngakho, khangela, ngizabenza bazi okwalesisikhathi,p ngizabenza bazi isandla sami lobuqhawe bami; bazakwazi-ke ukuthi ibizo lami linguJehova.q
a 15.2.
b 16.6; 22.18,19; 25.33. Hez. 7.11.
c 16.6. 22.18,19; 25.33. Hez. 7.11.
d 8.2.
e 14.12.
f 15.2.
g 15.2.
h 19.7; 34.20. Dute. 28.26.
i Hez. 24.16,17,22,23.
j 16.6; 22.18,19; 25.33. Hez. 7.11.
k 16.6; 22.18,19; 25.33. Hez. 7.11.
l Dute. 14.1. Levi 19.28.
m Jobe 1.20. Isa. 3.24.
n 7.34.
o 5.19. Dute. 29.24.
p 22.9. Dute. 29.25.
q 13.10.
r 7.26.
s 13.10.
t 10.18. Dute. 4.26-28; 28.36,63-65.
u 22.26. Isa. 22.17,18.
v 15.14; 17.4.
w 16.15; 23.7,8. Isa. 43.18.
x 9.25.
y 4.2.
z 4.2.
a 3.18. Isa. 43.5,6.
b 24.6; 30.3; 32.37.
c Hez. 12.13. Amos 4.2. Hab. 1.15.
d 13.4.
e 32.19. 2 Lan. 16.9.
f Hlab. 51.9; 90.8.
g Isa. 65.6.
h 17.18. Isa. 40.2.
i 2.7; 3.1. Hez. 43.7,9.
j 2 Sam. 22.33. Hlab. 31.4; 43.2. Isa. 25.4; 27.5.
k 17.17. 2 Sam. 22.3.
l 2.5; 18.15.
m Isa. 44.10.
n 2.11.
o 2.11.
p 10.18.
q 33.2. Eks. 6.3; 15.3. Amos 4.13.