Ukuthukuthela kweNkosi ngoJuda

15INkosi yasisithi kimi: Loba bekumi phambi kwamia oMozisibc loSamuweli,de inhliziyo yami ibingebe kulababantu; baxotshe phambi kwami, bayekele baphume. 2 Kuzakuthi-ke uba besithi kuwe: Sizaphuma siye ngaphi? Uzabatshela-ke uthi: Itsho njalo iNkosi: Abokufa baya ekufeni,f labenkemba baya enkembeni, labendlala baya endlaleni, labokuthunjwa baya ekuthunjweni. 3 Ngoba ngizabamisela izinhlobo ezine,g itsho iNkosi: Inkemba yokubulala, lezinja zokudonsa, lenyoni zamazuluh lezinyamazana zomhlaba zokudla lezokubhubhisa. 4 Ngizabanikela babe yinto eyesabekayo kuyo yonke imibuso yomhlaba, ngenxa kaManase indodana kaHezekhiya, inkosi yakoJuda,i ngalokho akwenza eJerusalema. 5 Ngoba ngubani ozakuhawukela, wena Jerusalema? Njalo ngubani ozakulilela?j Njalo ngubani ozaphambukela eceleni ukubuza ngokuthula kwakho? 6 Wena ungidelile,k itsho iNkosi, wabuyela emuva;l ngakho ngizakwelula isandla sami ngimelene lawe, ngikuchithe; ngikhathele yikuhawukela.m 7 Njalo ngizabelan ngoluthi lokwela emasangweni elizwe;o ngizabemuka abantwana,p ngibhubhise abantu bami; kabaphendukanga endleleni zabo.q 8 Abafelokazi babo bandile kimi kuletshebetshebe lolwandle.r Ngilethe phezu kwabo, phezu kukanina, ijaha, umchithi emini enkulu;s ngiwisele phezu kwabo uvalo lezesabisot bengananzelele. 9 Owazala abayisikhombisa usekhathele;u usephefumule okokucina;v ilanga lakhe litshone kusesemini;w waba lenhloni, wayangeka; lensali yabo ngizayinikela enkembeni phambi kwezitha zabo, itsho iNkosi.

Ukusola kukaJeremiya

10 Maye mina,x mama, ukuthi ungizele, umuntu wokuphikisana lomuntu wokuxabana emhlabeni wonke! Kangebolekisanga ngenzuzo,y futhi kabangebolekisanga ngenzuzo, kanti bayangithuka, ngulowo lalowo wabo. 11 INkosi yathi: Isibili kuzakuba kuhle ngensali yakho;z isibili ngizakuncengela esitheni ngesikhathi sokubi langesikhathi sosizi.a 12 Insimbi ingayephula yini insimbi evela enyakathob lethusi?c 13 Inotho yakho lokuligugu kwakho ngizakunikela kube yimpango,d kungelantengo,e langenxa yezono zakho zonke, ngitsho emingceleni yakho yonke.f 14 Ngizakwenza ukuthi udlule kanye lezitha zakho uye elizweni ongalaziyo;g ngoba umlilo ubasiwe olakeni lwami;h uzabhebha phezu kwenu.

15 Wena uyazi, Nkosi;i ngikhumbula,j ungihambele, ungiphindiselele kwabangizingelayo;kl ungangisusi ekubekezeleni kwakho; yazi ukuthim ngenxa yakho ngithwele ihlazo.n 16 Amazwi akho atholakala njalo ngawadla;o lelizwi lakho kimi laba yinjabulo njalo laba yintokozo yenhliziyo yami;p ngoba ibizo lakho labizwa phezu kwami, wena Nkosi, Nkulunkulu wamabandla. 17 Kangihlalangaq emhlanganweni wabahleka usulu,r kumbe ngijabule; ngenxa yesandla sakho ngahlala ngedwa;s ngoba ungigcwalise ngentukuthelo. 18 Kungani ubuhlungu bami bube khona njalonjalo, lenxeba lami lingelapheki,t lisala ukuphola?u Isibili uzakuba njengomqambimangav kimi yini, njengamanzi angathembekanga?w

19 Ngakho itsho njalo iNkosi: Uba ubuya,x ngizakubuyisa, ume phambi kwami;yz njalo uba ukhupha okuligugu kokungasizi lutho, uzakuba njengomlomo wami. Bona kababuyele kuwe, kodwa wena ungabuyeli kubo. 20 Ngoba ngizakwenza ube ngumduli wethusi ovikelweyo kulababantu;a njalo bazakulwa bemelene lawe, kodwa kabayikukwehlula,b ngoba mina ngilawe ukukusindisa lokukophula,c itsho iNkosi. 21 Ngizakophula esandleni sababi,d ngikuhlenge esandleni sabalesihluku.e