| NdebeleTeam Jeremiah « 13 » |
Umfanekiso webhanti lelembu
13Itsho njalo INkosi kimi: Hamba uzithengele ibhanti lelembua elicolekileyo,b ulifake ekhalweni lwakho, ungalifaki emanzini. 2 Ngasengithenga ibhanti njengokwelizwi leNkosi, ngalifaka ekhalweni lwami.c 3 Ilizwi leNkosi laselifika kimi ngokwesibili lisithi: 4 Thatha ibhanti olithengileyo elisokhalweni lwakho, usukume uye eYufrathi, ulifihle khona engoxweni yedwala.d 5 Ngasengihamba, ngalifihla ngaseYufrathi njengoba iNkosi ingilayile. 6 Kwasekusithi ekupheleni kwensuku ezinengi, iNkosi yasisithi kimi: Sukuma, uye eYufrathi, uyethatha khona ibhanti engakulaya ukuthi ulifihle khona. 7 Ngasengisiya eYufrathi, ngagebha, ngalithatha ibhanti endaweni lapho engangilifihle khona; khangela-ke, ibhanti lalonakele,e lalingasasizi lutho.f 8 Laselifika kimi ilizwi leNkosi lisithi: 9 Itsho njalo iNkosi: Ngalindlelag ngizakonakalisah ukuziqhenya kukaJudai lokuziqhenya okukhulu kweJerusalema. 10 Lababantu ababi, abala ukuzwa amazwi ami, abahamba ngobulukhuni benhliziyo yabo,j belandela abanye onkulunkulu ukubakhonza, lokubakhothamela, bazakuba njengalelibhanti elingasizi lutho.k 11 Ngoba njengoba ibhanti linamathela okhalweni lomuntu, ngokunjalo nginamathelise kimi indlu yonke yakoIsrayeli lendlu yonke yakoJuda, itsho iNkosi; ukuze kimi babe ngabantu,l lebizo,mno lendumiso,pqr lenkazimulo;s kodwa kabalalelanga.
Umfanekiso wezimbiza ezigcwaliswa ngewayini
12 Ngakho uzakhuluma kibo lelilizwi: Itsho njalo iNkosi uNkulunkulu kaIsrayeli: Yonke imbodlelat izagcwaliswa ngewayini.u Njalo bazakuthi kuwe:v Isibili kasikwazi yini ukuthi yonke imbodlela izagcwaliswa ngewayini? 13 Ubususithi kibo: Itsho njalo iNkosi: Khangela, ngizagcwalisa bonke abakhileyo balelilizwe, lamakhosi ahlala esihlalweni sobukhosi sikaDavida,w labapristi,x labaprofethi,y labo bonke abahlali beJerusalema, ngokudakwa.z 14 Njalo ngizabaphahlaza omunye komunye,a laboyise lamadodana ndawonye, itsho iNkosi; kangiyikuhawukela, kangiyikuyekela, kangiyikuba lomusa, ukuthi ngingabachithi.
AbakoJuda bazathunjwa ngenxa yokungaphenduki kwabo
15 Zwanini, libeke indlebe, lingaziqhenyi, ngoba iNkosi ikhulumile. 16 Inikeni iNkosi uNkulunkulu wenu udumo,b ingakalethi ubumnyama,c lenyawo zenu zingakakhubeki ezintabeni zokuhwalala, lisalindela ukukhanya,d ikwenze kube lithunzi lokufa,e ikwenze kube ngumnyama onzima.f 17 Kodwa uba lingalaleli, umphefumulo wami uzakhala inyembezi endaweni zensitha ngenxa yokuziqhenya kwenu,g lelihlo lami lizakhala inyembezi kabuhlungu,h lehlise inyembezi, ngoba umhlambi weNkosi uthunjiwe.
18 Tshono enkosinii lendlovukazinijk uthi: Zithobeni, hlalani phansi; ngoba imiqhele yenu izawela phansi, umqhele wodumo lwenu.l 19 Imizi yeningizimu izavalwa,m njalo kakho ozayivula; uJuda uzathunjwa, yena wonke, uzathunjwa ngokupheleleyo. 20 Phakamisani amehlo enu, libone labo abavela enyakatho.n Ungaphi umhlambi owaphiwa wona, umhlambi wakho omuhle? 21 Uzakuthini uba esenza isijeziso phezu kwakho, ngoba wena ubafundise ukuthi babe yizindunao lenhloko phezu kwakho;p inhlungu kaziyikukubamba yini njengowesifazana obelethayo?q
22 Njalo uba usithi enhliziyweni yakho: Kungani lezizinto zenzakele kimi?r Ngenxa yobunengi bobubi bakho amalogwe akho embuliwe,s lezithende zakho zaphathwa ngodlakela. 23 UmEthiyophiya angasiphendula yini isikhumba sakhe, kumbe ingwe amabala ayo? Khona lani lizakuba lakho ukwenza okuhle elejwayele ukwenza okubi.t 24 Ngakho ngizabahlakaza njengamakhoba edluliswa ngomoya wenkangala.u 25 Le yinkatho yakho, isabelo sezilinganiso zakho ezivela kimi,v itsho iNkosi, ngoba ungikhohliwe,w wathemba emangeni.x 26 Ngakho lami ngizakwembula amalogwe akho phezu kobuso bakho,yz ukuze kubonakale ihlazo lakho.a 27 Ngibonile ubufebe bakho, lokukhonya kwakho,b inkohlakalo zokuphinga kwakho, phezu kwamaqaqa egangeni, amanyala akho.c Maye kuwe, Jerusalema! Kawuyikuhlambuluka yini?d Kusezadlula nini?
a Eks. 28.39. Levi 16.4.
b Seb. 21.11.
c 19.1; 27.2. Isa. 20.2. Hez. 4.1-5; 5.1-4; 12.3-11; 24.3-5.
d 16.16. Isa. 7.19.
e 13.9; 18.4.
f 13.10. Hez. 15.4.
g Hlab. 137.1.
h 13.9; 18.4.
i Levi 26.19.
j 3.17; 16.11,12.
k 13.10. Hez. 15.4.
l Eks. 19.5.
m 33.9.
n Isa. 55.13.
o Zef. 3.20.
p 33.9.
q Zef. 3.20.
r Isa. 62.7.
s 33.9.
t 48.12.
u 25.15.
v Hez. 11.2,3.
w 2.26; 17.19,20; 18.18; 19.3; 22.2.
x 2.26; 17.19,20; 18.18; 19.3; 22.2.
y 2.26; 17.19,20; 18.18; 19.3; 22.2.
z Hez. 23.33.
a 19.11. Hlab. 2.9.
b Josh. 7.19.
c 23.12. Amos 5.8; 8.9. Hlab. 139.12. Isa. 5.30; 8.22. Dute. 28.29. Joha. 11.10; 12.35.
d Isa. 59.9.
e 2.6. Jobe 3.5.
f Isa. 60.2.
g Jobe 33.17.
h 9.1.
i 2.26. 2 Kho. 24.12.
j 2.26. 2 Kho. 24.12.
k 1 Kho. 11.19.
l Zaga 4.9; 16.31. Isa. 28.5; 62.3. Lilo 5.16.
m Josh. 6.1.
n 1.13; 6.22.
o Zek. 9.7; 12.5,6.
p Lilo 1.5.
q 6.24.
r 5.19.
s 13.26. Nah. 3.5. Lilo 1.8. Isa. 3.17; 6.1.
t Mat. 19.26.
u Hlab. 1.4; 83.13.
v Jobe 20.29. Hlab. 11.6.
w 2.32.
x 10.14.
y 13.26. Nah. 3.5. Lilo 1.8. Isa. 3.17; 6.1.
z Hos. 2.10.
a Nah. 3.5.
b 5.8; 8.16.
c 2.20.
d Hez. 24.13.