Bible

12Ulungile wena Nkosi,a lapho ngiphikisana lawe; kanti ngizakhuluma lawe ngezahlulelo zakho.b Kungani indlela yabakhohlakeleyo iphumelela?c Kungani behlezi kuhled bonke abenza inkohliso ngenkohliso?e 2 Ubahlanyele, yebo, bagxilile impande; bayaqhubeka, yebo, bathele izithelo; useduze emlonyeni wabo,f kanti ukhatshana lezinso zabo. 3 Kodwa wena, Nkosi, uyangazi,g ungibonile, wahlola inhliziyo yami ngakuwe.h Bahudulei njengezimvu zokuhlatshwa,j ubehlukaniselek usuku lokuhlatshwa.l 4 Koze kube nini ilizwe lilila,m lohlaza lweganga lonke lubuna? Ngenxa yobubi babakhileyo kulon izinyamazana lenyoni ziyabhubha;o ngoba bathi: Kayiyikubona isiphetho sethu.

5 Uba ugijime labezinyawo, bakudinisa, pho, ungancintisana njani lamabhiza?p Uba uthembela elizweni elilokuthula, pho, uzakwenza njani ekukhukhumaleni kweJordani?q 6 Ngoba ngitsho abafowenu lendlu kayihlo,r ngitsho labo bakuphatha ngenkohliso,s yebo, bona bayamemeza emva kwakho ngokugcweleyo; ungabakholwa,t loba bekhuluma izinto ezinhle kuwe.

7 Ngiyidelile indlu yami, ngilitshiyile ilifa lami;u nginikele othandiweyo womphefumulo wami esandleni sezitha zakhe. 8 Ilifa lami kimi linjengesilwane ehlathini;v lingiphumisele ilizwi; ngakho-ke ngilizondile. 9 Ilifa lami kimi linjengenyoni elamabalabala edla inyama,w inyoni ezidla inyama ziyihanqile zimelene layo;x wozani, libuthe zonke izilo zeganga, lizilethe ukuthi zidle.y 10 Abelusi abanengi basichithilez isivini sami,a banyathelele phansi isabelo sami,b basenzile isabelo sami esiloyisekayo saba yinkangala elunxiwa. 11 Basenze saba lunxiwa, sililela kimic silunxiwa; ilizwe lonke lilunxiwa, ngoba kakulamuntu okubeka enhliziyweni.d 12 Abachithi bafikile phezu kwawo wonke amadundulu enkangala; ngoba inkemba yeNkosi izakudla kusukela komunye umkhawulo welizwe kusiya komunye umkhawulo welizwe; kakulakuthula kuyo yonke inyama. 13 Bahlanyele ingqoloyi, kodwa bazavuna ameva;e bazihluphe, kabayikuzuza;f njalo lizakuba lenhloni ngezivuno zenu,g ngenxa yokuvutha kolaka lweNkosi.h

14 Itsho njalo iNkosi: Mayelana labo bonke omakhelwane bami ababii abathinta ilifaj engenze isizwe sami uIsrayeli ukuthi sidle ilifa lalo:k Khangela, ngizabasiphuna elizweni labo, ngiyisiphune indlu yakoJuda isuke phakathi kwabo. 15 Kuzakuthi-ke emva kokubasiphuna kwami, ngizabuyal ngibe lesihawu kubo,m ngibabuyise,n o kube ngulowo lalowo elifeni lakhe, langulowo lalowo elizweni lakhe. 16 Kuzakuthi-ke uba bezazifunda ngokukhuthala izindlela zabantu bami, ukuthi bafunge ngebizo lami bathi: Kuphila kukaJehova;p njengalokho bafundisa abantu bami ukufunga ngoBhali, khona bezakwakhiwa phakathi kwabantu bami.q 17 Kodwa uba bengalaleli, ngizasisiphuna lesosizwe, ngisisiphune ngisibhubhise,r itsho iNkosi.

a Hlab. 51.4. Lilo 1.18. Ezra 9.15.

b Hlab. 127.5.

c 5.28. Jobe 12.6; 21.7-17. Hlab. 37.1,7,35,36; 73.3-7; 92.7. Hab. 1.4,13. Mal. 3.15.

d Lilo 1.5.

e 12.6. Isa. 21.2.

f Isa. 29.13.

g 15.15. Hlab. 139.1.

h 6.27. Hlab. 17.3.

i Josh. 8.6.

j 2 Pet. 2.12.

k 6.4.

l Jak. 5.5.

m 4.28; 9.10; 12.11; 23.10.

n Hlab. 107.34.

o 4.25; 7.20; 9.10. Hos. 4.3. Roma 8.22.

p 22.15.

q 49.19; 50.44. Zek. 11.3. Josh. 3.15. 1 Lan. 12.15. Jobe 38.11. Hlab. 18.4; 69.15.

r 9.4; 11.19,21.

s 12.6. Isa. 21.2.

t Zaga 26.25.

u Isa. 19.25.

v Isa. 19.25.

w Isa. 46.11.

x Isa. 46.11.

y 7.33. Isa. 56.9. Hez. 39.17. Isam. 19.17.

z 2.8; 6.3.

a Isa. 5.1,5. Hlab. 80.8.

b Isa. 63.18.

c 4.28; 9.10; 12.11; 23.10.

d Isa. 42.25.

e Dute. 28.38. Hag. 1.6.

f Isa. 55.2. Hab. 2.13.

g Roma 6.21.

h 4.8,26; 25.37,38; 30.24; 49.37; 51.45. Lilo 1.12; 4.11.

i 40.14. Hlab. 137.7. Hez. 25.6-12. Obad. 1.10-15.

j 2.3. Zek. 2.8.

k 3.18.

l 33.26. Dute. 30.3.

m 33.26. Dute. 30.3.

n 33.26. Dute. 30.3.

o 24.6; 30.3.

p 4.2.

q 1 Pet. 2.5.

r Isa. 60.12.