Izithombe zingonkulunkulu bamanga; yiNkosi kuphela enguNkulunkulu

10Zwanini ilizwi iNkosi elikhuluma kini, lina ndlu kaIsrayeli. 2 Itsho njalo INkosi: Lingafundi indlela yabahedeni, lingatshaywa luvalo ngezibonakaliso zamazulu,a ngenxa yokuthi abahedeni bayazesaba. 3 Ngoba imikhuba yabantu iyize;b ngoba kuganyulwa isihlahla ehlathini,c umsebenzi wezandla zengcitshi, ngehloka.d 4 Basicecisa ngesiliva langegolide,e basiqinisa ngezipikili langezando,fg ukuze singazamazami. 5 Zinjengesihlahlah selala somsebenzi obaziweyo,i kodwa kazikhulumi;j kusweleka zithwalwe,k ngoba zingehambe; lingazesabi, ngoba zingelakwenza okubi, futhi kakukho ukwenza okuhle kuzo.l

6 Njengoba kungekho onjengawe,m Nkosi; umkhulu, lebizo lakho likhulu ngobuqhawe.n 7 Ngubani ongekwesabe,o wena Nkosi yezizwe?p ngoba kukufanele. Ngoba phakathi kwabo bonke abahlakaniphileyo bezizwe,q lakuyo yonke imibuso yabo, kakho onjengawe.r 8 Kodwa kanyekanye banjengezinyamazanas bayiziphukuphuku;t isigodo siyimfundiso sokuyize.u 9 Isiliva esikhandiweyov silethwa sivela eTarshishi,w legolide livela eUfazi,x umsebenzi wengcitshi,y lowezandla zomkhandi wegolide;z ziluhlaza okwesibhakabhaka lokuyibubende izigqoko zabo;a konke kungumsebenzi wabahlakaniphileyo.b 10 Kodwa iNkosi inguNkulunkulu weqiniso, inguNkulunkulu ophilayo lenkosi yaphakade.c Ekuthukutheleni kwayo umhlaba uyazamazama, lezizwe kazilakulumela ulaka lwayo. 11 Lizakutsho njalo kubo: Onkulunkulu abangenzanga amazulu lomhlabad bazabhubha basuke emhlabeni langaphansi kwala amazulu.e 12 Owenza umhlaba ngamandla akhe,fg wamisa ilizwe ngenhlakanipho yakhe,h langokuqedisisa kwakhe wendlala amazulu.i 13 Lapho ekhupha ilizwi,jk kulenhlokomo yamanzi emazulwini; wenza inkungu yenyuke emkhawulweni womhlaba,lm wenza imibanen lezulu, akhuphe umoyao eziphaleni zakhe.p 14 Wonke umuntu unjengenyamazana elwazini;q wonke umkhandi wegolide uyangiswa yisithombe esibaziweyo;r ngoba isithombe sakhe esibunjwe ngokuncibilikisa siyinkohliso,s njalo kakulamphefumulo kuzo.t 15 Ziyize,u umsebenzi wezinkohliso; ngesikhathi sempindiselo yazo zizabhubha.v 16 Isabelo sikaJakobe kasinjengazo,w ngoba ungumbumbi wakho konke, loIsrayeli uyintonga yelifa lakhe;x iNkosi yamabandla libizo layo.y 17 Qoqa impahla yakho uyikhuphe elizweni,z wena mhlalikazi wenqaba.a 18 Ngoba itsho njalo iNkosi: Khangela, ngizabajikijela ngaphandle abahlali belizweb ngalesisikhathi,c ngibacindezeled ukuze bakuthole.e

Ukuchitheka kwelakoJuda

19 Maye kimi ngenxa yokwephuka kwami!f Inxeba lami linzima;g kodwa mina ngathi: Isibili lokhu yinhluphekoh yami engizayithwala.i 20 Ithente lami lidiliziwe,j lentambo zami zonke ziqamukile; abantwana bami basukile kimi, njalo kabakho;k kakho ongelula ithente lami futhi, amise amakhetheni ami.l 21 Ngoba abelusim sebenjengenyamazana,n kabadinganga iNkosi; ngakho-ke kabaphumelelanga,o lomhlambi wabo wonke uhlakazekile. 22 Khangela, umsindo wombiko ufikile,p lokuzamazama okukhulu okuvela elizweni lenyakatho,q okuzakwenza imizi yakoJuda ibe lunxiwa,r indawo yokuhlala yemigobho.s

23 Nkosi, ngiyazi ukuthi indlela yomuntu kayikho kuye;t kakukho emuntwini ohambayo ukuthi aqondise ukunyathela kwakhe.u 24 Nkosi, ngilaya, kodwa ngesahlulelo,v hatshi olakeni lwakho, hlezi unginciphise. 25 Thululela ulaka lwakho phezu kwabahedeniw abangakwaziyo,x laphezu kwensendo ezingabizi ibizo lakho; ngoba bamdlile uJakobe,y bamginya, bamqeda,z bachitha indawo yakhe yokuhlala.a