8Ngalesosikhathi, itsho iNkosi, bazakhupha amathambo amakhosi akoJuda,a lamathambo eziphathamandla zayo, lamathambo abapristi, lamathambo abaprofethi, lamathambo abahlali beJerusalema, emangcwabeni abo; 2 bawenekeb elangenic lenyangeni, lakulo lonke ibutho lamazulu,d abakuthandayo, labakusebenzelayo, labakulandelayo, labakudingayo, labakukhonzayo;ef kawayikubuthwa,g kawayikungcwatshwa;h azakuba ngawomquba phezu kobuso bomhlaba.i 3 Njalo ukufa kuzakhethwa kulempilo yiyo yonke insali yabaseleyo balolusapho olubi,j kuzo zonke indawo zabaseleyo lapho engibaxotshele khona,k itsho iNkosi yamabandla.

Izono lokugweba

4 Uzakuthi kibo futhi: Itsho njalo INkosi: Bazakuwal bangavuki yini? Uzaphambuka angaphenduki yini? 5 Pho, baphambukelani lababantu eJerusalema ngokuphambukam okulaphakade?n Babambelela enkohlisweni,o bayala ukuphenduka.p 6 Ngilalele ngezwa,q kabakhulumanga kuhle; kakulamuntu ozisolayo ngobubi bakhe esithi: Ngenzeni? Wonke uphendukela emjahweni wakher njengebhiza ligijimelas empini.t 7 Yebo ingabuzane emazulwini liyazazi izikhathi zalo ezimisiweyo;uv lejuba lehemuw lenkonjane kuyagcina isikhathi sokubuya kwakho;x kodwa abantu bami kabazazi izimiso zeNkosi.yz 8 Litsho njani ukuthi: Sihlakaniphile, lomlayo weNkosi ulathi?a Khangelani, isibili usiba lwamanga lwababhali lusebenzela ize.b 9 Abahlakaniphileyo bayangekile,c besabe kakhulu bathethwe;d khangela, balalile ilizwi leNkosi; pho balenhlakanipho bani? 10 Ngakho omkabo ngizabanika abanye,e amasimu abo kwabazakudla ilifa labo; ngoba kusukela komncinyane kuze kufike komkhulu bonke bayizihwaba zenzuzo embi, kusukela kumprofethi kuze kube kumpristi wonke wenza ngenkohliso. 11 Ngoba balipholise kancane inxeba lendodakazi yabantu bami, besithi: Ukuthula, ukuthula; khona kungelakuthula. 12 Baba lenhloni yini lapho sebenze amanyala? Hatshi, kababanga lanhloni lakanye,f futhi kabakwazi ukuyangeka; ngakho bazakuwa phakathi kwabawayo; ngesikhathi sokuhanjelwa kwabo bazawiselwa phansi, itsho iNkosi. 13 Isibili ngizabaqeda, itsho iNkosi; kakuyikuba khonag izithelo zevini evinini;hi njalo kakuyikuba khona imikhiwa emkhiweni,j lehlamvu lizabuna;k lengibanike khona kuzakwedlula kibo.

14 Sihlaleleni? Buthanani,l singene emizini evikelweyo,m sithule khona;n ngoba iNkosi uNkulunkulu wethu isithulisile, yasinathisa amanzi enyongo,o ngoba sonile eNkosini. 15 Salindela ukuthula,p kodwa kakubanga lokuhle; isikhathi sokwelatshwa, kodwa khangela, luhlupho.q 16 Ukuthimula kwamabhiza akhe kwezwakalar kusukela koDani;s ilizwe lonke lathuthumela emsindweni wokukhonyat kwalamandla akhe;u ngoba afikile, adla ilizwev lokugcwala kwalo, umuzi labahlala kiwo. 17 Ngoba khangelani, ngithumela phakathi kwenu izinyoka,w amabululu,x angelakulunjwa, njalo azaliluma,y itsho iNkosi.

UJeremiya ukhalela ilizwe lakoJuda

18 Ukududuzwa kwami kusosizini, inhliziyo yami iphelelwa ngamandla kimi.z 19 Khangelani, ilizwi lokukhala kwendodakazi yabantu bami livela elizweni elikhatshana.a INkosi kayikho eZiyoni yini? Inkosi yayo kayikho phakathi kwayo yini?b Bangicunuleleni ngezithombe zabo ezibaziweyo,c ngokuyize kwabezizwe? 20 Isivuno sidlulile, ihlobo liphelile, kanti thina kasisindiswanga. 21 Ngokwephukad kwendodakazi yabantu bami ngephukile;ef ngimnyama;g ukumangala okukhulu kungibambile. 22 Kakulabhalisamu* yini eGileyadi?h Kakho yini umelaphi khona? Ngoba kungani kungaveli ukwelatshwai kwendodakazi yabantu bami?j