4Uba uphenduka, Israyeli, itsho iNkosi, phendukela kimi;a njalo uba ususa phambi kwami izinengiso zakho, kawuyikuphambuka.b 2 Futhi uzafunga:c Kuphila kukaJehova,d ngeqiniso,e ngokwahlulela, langokulunga;f lezizwe zizazibusisa kuyo,g lakuyo zizincome.h

3 Ngoba itsho njalo iNkosi kumadoda akoJuda leJerusalema: Qhathanii ingqatho yenu,j lingahlanyeli phakathi kwameva.k 4 Zisokeleni eNkosini,l lisuse amajwabu aphambili enhliziyo yenu, madoda akoJuda labahlali beJerusalema; hlezi ulaka lwami luphume njengomlilo,m lutshise, kungabi khona ongalucitsha, ngenxa yobubi bezenzo zenu.no

Ilizwe lakoJuda lizahlaselwa

5 Bikani koJuda, lizwakalise eJerusalema, lithi: Vuthelani uphondo elizweni;p klabalalani ngokugcweleyo lithi: Buthanani,q singene emizini ebiyelweyo.r 6 Misani uphawu ngaseZiyoni,s balekani, lingemi; ngoba ngizaletha ububi buvela enyakatho,t lokwephuka okukhulu. 7 Isilwane sesenyukile siphuma ehlathini laso,u lomchithi wezizwe usukile, uphumile endaweni yakhe ukuze ulenze ilizwe lakho incithakalo;v imizi yakho izakuba ngamanxiwa, ingabi lomhlali.w 8 Ngenxa yalokhu bhincani amasaka,x lilani liqhinqe isililo; ngoba ulaka lweNkosi oluvuthayo kaluphendukanga lusuka kithi.yz 9 Njalo kuzakuthi ngalolosuku, itsho iNkosi, inhliziyo yenkosi izaphela, lenhliziyo yeziphathamandla; labapristi bazamangala kakhulu, labaprofethi bazathithibala.a 10 Ngasengisithi: Hawu, Nkosi Jehova! Isibili ubakhohlisile lokubakhohlisa lababantu leJerusalemab usithi: Lizakuba lokuthula; kanti inkemba ifinyelela emphefumulweni. 11 Ngalesosikhathi kuzakuthiwa kulabobantu lakuyo iJerusalema: Umoya otshisayoc wamadundulud enkangala,e indlela yendodakazi yabantu bami, ungeyisiwo wokwela njalo ungeyisiwo wokuhlambulula. 12 Umoya ogcweleyo ovela kuwo uzakuza kimi. Khathesi lami ngizakhuluma izahlulelo zimelene labo. 13 Khangela, uzakwenyuka njengamayezi, lenqola zakhe njengesivunguzane;f amabhiza akhe alesiqubu kulezinkozi.g Maye kithi, ngoba sichithiwe!h 14 Jerusalema, hlambulula inhliziyo yakho kuphume inkohlakalo,i ukuze usindiswe. Koze kube nini imicabango yakho emibi ihlala phakathi kwakho? 15 Ngoba ilizwi liyamemezaj lisuka koDani,k lizwakalisa uhlupho oluvela entabeni yakoEfrayimi.l 16 Khumbuzani izizwe, khangelani, lizwakalise limelene leJerusalema; kufika abalindi bevela elizweni elikhatshana,m baphakamisa ilizwi labo bemelene lemizi yakoJuda. 17 Njengabalindi bensimu bamelene layo inhlangothi zonke,n ngoba ingivukele, itsho iNkosi. 18 Indlela yakho lezenzo zakho kukwenzele lezizinto;o lokhu kuyinkohlakalo yakho, ngoba kubuhlungu,p ngoba kufinyelela enhliziyweni yakho.

19 Imibilini yami, imibilini yami!q Ngilobuhlungu emidulini yenhliziyo yami. Inhliziyo yami yenza umsindo phakathi kwami;r ngingeke ngithule; ngoba wena mphefumulo wami, uzwile ukukhala kophondo,s umkhosi wempi.t 20 Kuyamenyezelwa incithakalo phezu kwencithakalo,u ngoba ilizwe lonke lichithekile. Amathente ami ahle achithwa,v amakhetheni ami ngokucwayiza kwelihlo.w 21 Koze kube nini ngibona isiboniso, ngizwe ukukhala kophondo?x 22 Ngoba abantu bami bayizithutha, mina kabangazi;y bangabantwana abayiziphukuphuku, kabalakuqedisisa; bahlakaniphele ukwenza okubi,z kodwa ukwenza okuhle kabakwazi. 23 Ngabona umhlaba,a khangela-ke, wawungelasimo, ungelalutho;b lemazulwini, kodwa kakukho ukukhanya kwawo.c 24 Ngabona izintaba,d khangela-ke, zazinyikinyeka, lamaqaqa wonke ayenyakazela. 25 Ngabona, khangela-ke, kwakungelamuntu,e lenyoni zonke zamazuluf zibalekile.g 26 Ngabona, khangela-ke, ilizwe elivundileyo laliyinkangala,h lemizi yalo yonke yayidiliziwe phambi kweNkosi, phambi kokuvutha kolaka lwayo.i 27 Ngoba itsho njalo iNkosi: Ilizwe lonke lizakuba lunxiwa, kodwa kangiyikuqeda ngokupheleleyo.j 28 Ngenxa yalokhu umhlaba uzalila,k lamazulu aphezulu abe mnyama;lm ngenxa yokuthi ngikhulumile, ngikuhlosile, njalo kangiyikuzisola,n njalo kangiyikubuyela emuva ngisuka kukho. 29 Umuzi wonke uzabaleka ngenxa yomsindo wabagadi bamabhiza labatshoki ngamadandili;o bazangena ezixukwini, bakhwele emadwaleni;p wonke umuzi uzatshiywa, njalo kungabi lamuntu ohlala kuwo.q 30 Wena-ke ozachitheka,r uzakwenzani? Loba ugqoka okubomvu, loba uzicecisa ngezigqizo zegolide,s loba ucomba amehlo akho ngomphendulo,t uzenza ube muhle ngeze, izithandwa zakhou zizakudelela,v zidinga impilo yakho. 31 Ngoba ngizwile ilizwi kungathi ngelowesifazana ohelelwayo,w ubuhlungu obunjengobeletha umntwana olizibulo, ilizwi lendodakazi yeZiyoni, ikhefuzela, iselula izandla zayox isithi: Maye-ke mina! Ngoba umphefumulo wami uphele amandla ngenxa yababulali.y