Inkosi yeBhabhiloni ithuma izithunywa kuHezekhiya

39Ngalesosikhathi uMerodaki-Baladani, indodana kaBaladani inkosi yeBhabhilonia, wathumela izincwadi lesipho kuHezekhiya, ngoba wayezwile ukuthi ubekade egula, useqinile. 2 UHezekhiya wasethokoza ngazo, wabatshengisa indlu yokuligugu kwakhe, isilivab, legolide, lamakhac, lamafutha amahled, lendlu yonke yezikhali zakhe, lakho konke okwatholakala kokuligugu kwakhee; kakubanga lalutho endlini yakhe lembusweni wakhe wonke uHezekhiya angabatshengisanga lona.

3 Wasefika uIsaya umprofethi enkosini uHezekhiya, wathi kuyo: Atheni lamadoda? Futhi avele ngaphi esiza kuwe? UHezekhiya wasesithi: Avele elizweni elikhatshana esiza kimi, eBhabhilonif. 4 Wasesithi: Aboneni endlini yakho? UHezekhiya wasesithi: Abone konke okusendlini yami; kakulalutho phakathi kokuligugu kwami engingawatshengisanga lona. 5 UIsaya wasesithi kuHezekhiya: Zwana ilizwi leNkosi yamabandla. 6 Khangela, insuku ziyeza lapho konke okusendlini yakho, lalokho oyihlo abakubuthelelayo kuze kube lamuhla, kuzathwalelwa eBhabhiloni; kakuyikusala lutho, kutsho iNkosi. 7 Njalo bazathatha emadodaneni akho azaphuma kuwe, ozawazala; njalo abe ngabathenwa esigodlweni senkosi yeBhabhilonig. 8 UHezekhiya wasesithi kuIsaya: Ilizwi leNkosi olikhulumileyo lilungile. Wathi futhi: Ngoba kuzakuba lokuthula leqiniso ensukwini zami.