NdebeleTeam » Isaiah » 37

Ukukhululwa kwelizwe lakoJuda

37Kwasekusithi inkosi uHezekhiya isikuzwile, yadabula izigqoko zayo, yazembesa ngesaka, yangena endlini yeNkosi. 2 Yasithuma uEliyakhimi umphathi wendlu, loShebina umabhalane, labadala babapristi bembethe amasaka, kuIsaya umprofethi indodana kaAmozia. 3 Basebesithi kuye: Utsho njalo uHezekhiya: Lolusuku lusuku lohluphob lolokusolwa lolokweyiswa, ngoba abantwana sebefikile emlonyeni wesizaloc, kanti akulamandla okubeletha. 4 Mhlawumbe iNkosi, uNkulunkulu wakho, izawezwa amazwi kaRabi-Shake, onkosi yeAsiriya, inkosi yakhe, emthume ukuthuka uNkulunkulu ophilayo, lokusola ngamazwi iNkosi uNkulunkulu wakho ewazwileyo. Ngakho phakamisa umkhuleko ngensali etholakeleyod. 5 Ngakho inceku zenkosi uHezekhiya zafika kuIsaya.

6 UIsaya wasesithi kuzo: Lizakutsho njalo enkosini yenu: Itsho njalo iNkosi: Ungesabi amazwi owezwileyo, inceku zenkosi yeAsiriya ezingithuke ngawo. 7 Khangela, ngizafaka umoya kuyo, njalo izakuzwa ihungahungae, ibuyele elizweni layo; njalo ngizayenza ukuthi iwe ngenkemba elizweni layo.

8 URabi-Shake wasebuyela, wafica inkosi yeAsiriya isilwa imelene leLibhina; ngoba wayezwile ukuthi isisukile eLakishi. 9 Wasesizwa ngoTirihaka inkosi yeEthiyophiyaf kuthiwa: Uphumile ukuzakulwa lawe. Esekuzwile wathuma izithunywa kuHezekhiya esithi: 10 Lizakhuluma kanje kuHezekhiya inkosi yakoJuda lithi: UNkulunkulu wakho othembele kuye kangakukhohlisi esithi: IJerusalema kayiyikunikelwa esandleni senkosi yeAsiriya. 11 Khangela, wena usuzwile ukuthi amakhosi eAsiriya enzeni kuwo wonke amazwe ngokuwatshabalalisa. Wena-ke uzakhululwa yini? 12 Onkulunkulu bezizwe bazikhulula yini obaba abazichithayo, iGozani leHarani leRezefi, labantwana beEdeni ababeseTelasari? 13 Ingaphi inkosi yeHamathig, lenkosi yeArpadih, lenkosi yomuzi weSefavayimi, iHena, leIva?

14 UHezekhiya wasesemukela izincwadi esandleni sezithunywa, wazifunda, wenyukela endlini yeNkosi; uHezekhiya wasezichaya phambi kweNkosi. 15 UHezekhiya wasekhuleka eNkosini, esithi: 16 Nkosi yamabandla, Nkulunkulu kaIsrayeli, ohlala phakathi kwamakherubhi*, nguwe wedwa onguNkulunkulu wayo yonke imibuso yomhlaba; wena wenze amazulu lomhlabai. 17 Thoba indlebe yakho, Nkosi, uzwej, vula amehlo akho, Nkosi, ubone; uzwe wonke amazwi kaSenakheribi awathumele ukuklolodela uNkulunkulu ophilayo. 18 Qiniso, Nkosi, amakhosi eAsiriya achithile zonke izizwe lamazwe azo; 19 aphosela onkulunkulu bazo emlilweni, ngoba babengeyisibo onkulunkulu, kodwa umsebenzi wezandla zabantu, izigodo lamatshe; ngalokho bababhubhisa. 20 Ngakho-ke, Nkosi Nkulunkulu wethu, sisindise esandleni sakhe, ukuze yonke imibuso yomhlabak yazi ukuthi wena wedwa uyiNkosi.

21 UIsaya indodana kaAmozil wasethumela kuHezekhiya, esithi: Itsho njalo iNkosi, uNkulunkulu kaIsrayeli: Lokho okukhuleke kimi ngoSenakheribi inkosi yeAsiriya, 22 leli yilizwi iNkosi elikhulume ngaye: Intombi emsulwa, indodakazi yeZiyonim iyakudelela, iyakuklolodela; indodakazi yeJerusalema inikina ikhanda ngemva kwakho. 23 Ngubani omeyisileyo wamhlambaza? Njalo uphakamisele bani ilizwi, waphakamisela amehlo akho phezulu? Umelene loNgcwele kaIsrayeli. 24 Uklolodele iNkosi ngesandla sezinceku zakho, wathi: Ngobunengi bezinqola zami mina ngenyukele endaweni ephakemeyo yezintaba, ezinhlangothini zeLebhanoni. Njalo ngizagamula imisedarin yayo emide, ikhethelo lezihlahla zamafiri ayoo, ngingene ekuphakameni kwemingcele yayo, igusu leKharmeli layop. 25 Mina ngagebha, nganatha amanzi, langengaphansi yenyawo zami ngomisa yonke imifulaq yendawo evinjelweyor. 26 Kawuzwanga yini ukuthi ngakwenza endulos, ngakubumbat ensukwini zendulo? Khathesi ngikufikisile, ukuthi ube ngowokudiliza imizi evikelweyou ibe zinqumbi zamanxiwa. 27 Ngakho abahlali bayo babelesandla esifitshane, besaba, baba lenhloniv, baba njengotshani beganga, lemibhida eluhlaza, utshani bempahla, lamabele ahanguliweyo engakami. 28 Kodwa ngiyakwazi ukuhlala kwakho, lokuphuma kwakho, lokungena kwakho, lokungithukuthelela kwakho. 29 Ngenxa yokungithukuthelela kwakho, lokuthi umsindow wakho wenyukele endlebeni zami, ngizakufaka umkhala wami emakhaleni akho, letomu lami endebeni zakhox, ngikwenze ubuyele ngendlela oweza ngayo.

30 Lokhu-ke kuzakuba yisibonakaliso kuwe; lonyaka uzakudla okuzikhulelayo; langomnyaka wesibili umkhukhuzela; kuthi ngomnyaka wesithathuy lihlanyele, livune, lihlanyele izivini, lidle izithelo zazo. 31 Lokuphephileyo kwendlu yakoJuda okuseleyo kuzaphinda kugxumeke impande phansi, kuthele izithelo ngaphezuluz. 32 Ngoba kuzaphuma eJerusalema insalia, lokuphephileyo entabeni yeZiyoni. Ukutshiseka kweNkosi yamabandla kuzakwenza lokhu.

33 Ngakho, utsho njalo uJehova ngenkosi yeAsiriya: Kayiyikungena kulumuzib, kayiyikutshoka umtshoko khonac, kayiyikuza phambi kwawo ilesihlangu, kayiyikubuthelela idundulu maqondana lawod. 34 Ngendlela eyeza ngayo, ngayo izabuyela, njalo kayiyikungena kulo umuzi, itsho iNkosi. 35 Ngoba ngizawuvikela lumuzi ukuwusindisae, ngenxa yami, langenxa kaDavida inceku yami.

36 Khona kwaphuma ingilosi yeNkosif, yatshaya enkambeni yamaAsiriyag abazinkulungwane ezilikhulu lamatshumi ayisificaminwembili lanhlanu. Kwathi bevuka ekuseni kakhulu, khangela-ke, bonke babeyizidumbu ezifileyo.

37 Ngakho uSenakheribi inkosi yeAsiriya wasuka, wahamba ebuyela, wahlala eNineveh. 38 Kwasekusithi ekhonza endlini kaNisiroki unkulunkulu wakhe, oAdrameleki loSharezeri amadodana akhe bamtshaya ngenkemba; bona basebephephela elizweni leArarathi. UEsarihadoni indodana yakhe wasebusa esikhundleni sakhe.

a 37.21. 1.1.

b 22.5.

c Hos. 13.13.

d 37.32.

e Jer. 51.46. Obad. 1.1.

f 20.5.

g Jer. 49.23.

h Jer. 49.23.

i Seb. 4.24.

j Seb. 4.49.

k 45.6.

l 37.21. 1.1.

m 10.32. Zek. 2.10. 9.9.

n 14.8.

o 14.8.

p Mika 7.14.

q 19.6.

r 19.6.

s 10.5,15. 22.11.

t 10.5,15. 22.11.

u 25.2.

v 20.5.

w Amos 6.1.

x Hlab. 32.9.

y 20.3.

z 27.6.

a 37.4.

b 33.20.

c Hlab. 76.3.

d Luka 19.43.

e 38.6.

f 2 Kho. 19.35.

g 14.25. 17.14. 30.31. 31.8. Hlab. 76.6.

h 31.9.