NdebeleTeam » Psalms » 137

Ukukhala kwabantwana bakoIsrayeli abathunjiweyo

137Emifuleni yeBhabhiloni sahlala phansi khona, yebo sakhala inyembezi, lapho sikhumbula iZiyoni. 2 Amachacho ethu sawaphanyeka eminyezaneni phakathi kwayoa. 3 Ngoba khonapho abasithumbayo basicela amazwi engoma, labasimotshayo bacela injabulo besithi: Sihlabeleleni enye yezingoma zeZiyoni.

4 Singahlabela njani ingoma yeNkosi elizweni lemzinib? 5 Uba ngikukhohlwa, Jerusalema, isandla sami sokunene kasikhohlwe ubungcitshic. 6 Ulimi lwami kalunamathele elwangeni lwami, uba ngingakukhumbuli, uba ngingaphakamisi iJerusalema phezu kwentokozo yami enkulud. 7 Khumbula, Nkosi, ngabantwana bakoEdoma, ngosuku lweJerusalema, abathi: Dilizani, dilizani1, kuze kube sesisekelweni sayoe. 8 Ndodakazi yeBhabhiloni, ozabhujiswaf, ubusisiwe ozaphindisela kuwe isenzo osenze kithigh. 9 Ubusisiwe ozabamba asakaze abantwana bakho edwalenii.

a Jobe 40.22.

b Neh. 2.3.

c Hlab. 76.5.

d Jobe 29.10.

1 dilizani: Heb. embulani.

e Jer. 49.7-22. Lilo 4.21,22. Hez. 25.12-14. 35.5. Obad. 10-14. Amos 1.11.

f Isa. 13.1-14,23. 47.1-15. Jer. 25.12. 50.1-46.

g Jer. 50.15,29. Isam. 18.6.

h Jer. 51.24.

i 2 Kho. 8.12.