| NdebeleTeam Psalms « 96 » |
UNkulunkulu uyiNkosi
96Hlabelani eNkosiniab ingoma entshac; hlabelelani eNkosini, mhlaba wonked. 2 Hlabelani eNkosini, lidumise ibizo layo, litshumayele usindiso lwayo insuku ngensuku. 3 Landisani udumo lwayo phakathi kwezizwe, izimangaliso zayo phakathi kwabantu bonke. 4 Ngoba yinkulu iNkosi, ifanele ukudunyiswa kakhulu, yona iyesabeka phezu kwabonkulunkulu bonkee. 5 Ngoba bonke onkulunkulu bezizwe bayizithombe; kodwa iNkosi yenza amazulu. 6 Ubukhosi lenkazimulo kuphambi kwayo, amandlaf lobuhle kusendlini yayo engcweleg. 7 Inikeni iNkosi, zizukulwana zezizweh, inikeni iNkosi udumo lamandlai.
8 Inikeni iNkosi udumo lwebizo layoj; lethani umnikelok, lingene emagumeni ayol. 9 Ikhonzeni iNkosi ebuhleni bobungcwele; lithuthumele phambi kwayo, mhlaba wonkem. 10 Tshonini phakathi kwezizwe: INkosi iyabusan. Lomhlaba umisiwe, kawuyikunyikinyekao; izabahlulela abantup ngokuqondaq.
11 Kawathokoze amazulu, lomhlaba ujabule; kaluhlokome ulwandle lokugcwala kwalor. 12 Iganga kalithabe lakho konke okukulos. Khona izihlahla zonke zegusu zizahlabela ngentokozot 13 phambi kweNkosi, ngoba iyeza, ngoba iyeza ukwahlulela umhlabau; izakwahlulela umhlaba ngokulunga, labantu ngeqiniso layov.
a 1 Lan. 16.23-33. Hlab. 98.
b Hlab. 92.9.
c Hlab. 33.3.
d Hlab. 92.9.
e Hlab. 48.1.
f Hlab. 78.61.
g Hlab. 78.61.
h Hlab. 22.27.
i Hlab. 92.9.
j Hlab. 92.9.
k Hlab. 92.9.
l Hlab. 116.19.
m Hlab. 114.7.
n Hlab. 93.1. Hlab. 10.6.
o Hlab. 93.1. Hlab. 10.6.
p 96.13. Hlab. 58.11.
q Hlab. 9.8.
r Hlab. 97.1.
s Isa. 35.1.
t 1 Lan. 16.33.
u 96.13. Hlab. 58.11.
v Hlab. 92.9.