Ihubo likaDavida lokubonga uNkulunkulu ngokukhululwa

Kumqondisi wokuhlabelela. EsikaDavida, inceku yeNkosi, eyakhuluma eNkosinia amazwi alelihubo mhla iNkosi imkhulula esandleni sezitha zakhe zonke lesandleni sikaSawulib. Wasesithi:

18Ngizakuthanda, Nkosi, mandla amic. 2 INkosi ilidwala lami, lenqaba yami, lomkhululi wami; uNkulunkulu wami, idwala lami, engizaphephela kulo, isihlangu sami, lophondo losindiso lwami, inqaba yami ephakemeyod. 3 Ngizabiza iNkosi edumisekayo, ngakho ngizasindiswa ezitheni zami.

4 Izibopho zokufa zangizingelezela, lezikhukhula zobubi zangethusa. 5 Izibopho zesihogo zangigombolozela, imijibila yokufa yayiphambi kwamie. 6 Ekuhluphekeni kwami ngayibiza iNkosi, ngakhala kuNkulunkulu wami; walizwa ilizwi lami esethempelini lakhe, lokukhala kwami kweza phambi kwakhe, endlebeni zakhef.

7 Khona umhlaba wazamazama, wanyikinyeka, lezisekelo zezintaba zaqhaqhazela, zazamazama, ngoba wayethukutheleg. 8 Kwenyuka intuthu emakhaleni akhe, lomlilo ophuma emlonyeni wakhe waqothula; amalahle avuthiswa yiwoh. 9 Wasekhothamisa amazulu, wehlela phansi, lomnyama onzima wawungaphansi kwenyawo zakhe. 10 Wasegada ikherubhi*, waphapha, wandiza phezu kwempiko zomoyai. 11 Wamisa umnyama waba yindawo yakhe yensitha, idumba lakhe inhlangothi zonke zakhe, amanzi amnyama, amayezi amnyama omkhathij. 12 Ekukhazimuleni okuphambi kwakhe amayezi akhe amnyama edlula, isiqhotho lamalahle omlilok. 13 INkosi yasiduma emazulwini, oPhezukonke wazwakalisa ilizwi lakhe, isiqhotho lamalahle omlilol. 14 Yasithuma imitshoko yayo, yabachitha; lemibane eminengi, yabaphaphathekisa. 15 Khona kwabonakala imisele yamanzi, kwembulwa izisekelo zomhlaba ekusoleni kwakhom, Nkosi, ekuvutheleni komoya wamakhala akho.

16 Yathuma iphezulu, yangibamba, yangenyula emanzini amanengi. 17 Yangophula esitheni sami esilamandla, lakibo abangizondayo, ngoba babelamandla kulamin. 18 Babephambi kwami osukwini lwenhlupheko yami, kodwa iNkosi yaba yisisekelo samio. 19 Yangikhuphela endaweni ebanzi, yangikhulula ngoba yayithokoza ngami.

20 INkosi yangivuza njengokulunga kwami; yangibuyisela njengokuhlanzeka kwezandla zami. 21 Ngoba ngizilondolozile indlela zeNkosi, kangisukanga kuNkulunkulu wami ngenkohlakalo. 22 Ngoba zonke izahlulelo zayo zaziphambi kwami, lezimiso zayo kangiziphambulanga kimip. 23 Njalo ngangiqondile kuyo, ngizinqandile ebubini bami. 24 Ngakho iNkosi ingibuyisele njengokulunga kwami, njengokuhlanzeka kwezandla zami phambi kwamehlo ayo.

25 Kolesihawu uzaziveza ulesihawu; koqotho uzaziveza uqotho; 26 kohlanzekileyo uzaziveza uhlanzekile; lakophambukileyo uzaziveza uphambukile. 27 Ngoba wena uzabasindisa abantu abahlutshwayo; kodwa amehlo aphakemeyo uzawehlisela phansiq. 28 Ngoba wena uzalumathisa isibane sami; iNkosi, uNkulunkulu wami, izakhanyisa ubumnyama bami. 29 Ngoba ngawe ngigijimile ngadabula phakathi kwebutho, langoNkulunkulu wami ngeqe umthangala.

30 UNkulunkulu, indlela yakhe iphelele; ilizwi leNkosi lihloliwe; uyisihlangu kubo bonke abaphephela kuye. 31 Ngoba ngubani onguNkulunkulu ngaphandle kweNkosi? Njalo ngubani olidwala ngaphandle kukaNkulunkulu wethu? 32 NguNkulunkulu ongibhincisa amandlars, owenza indlela yami iphelelet. 33 Owenza inyawo zami zibe njengezezimpala, wangimisa ezingqongeni zami. 34 Ofundisela izandla zami impi, ukuze idandili lethusi ligotshiswe zingalo zami. 35 Unginikile lesihlangu sosindiso lwakho, lesandla sakho sokuneneu singisekelev, lobumnene bakho bungikhulisile. 36 Wenze zaba banzi izinyathelo zami ngaphansi kwami, ukuze inyawo zami zingatsheleli.

37 Ngixotshene lezitha zami, ngazifica, kangibuyanga ngaze ngaziqeda. 38 Ngazigwaza, zaze zehluleka ukuvuka, zawa ngaphansi kwenyawo zami. 39 Ngoba ungibhincise amandla kusenzelwa impi, wabakhothamisela phansi kwami abangivukelayo. 40 Unginike intamo yezitha zami, labo abangizondayo ngababhubhisa. 41 Bakhala, kodwa engekho umsindisi; eNkosini, kodwa kayibaphendulangaw. 42 Ngasengibacholisisa njengothuli phambi komoya, ngabachitha njengodaka lwezitalada.

43 Wangikhulula ekuphikiseni kwabantu, wangimisa ngaba yinhloko yezizwe; abantu engangingabazi bangisebenzela. 44 Bangenela ukuzwa ngendlebe bazangilalela, abezizweni bazazithoba kimi ngokuzenzisa. 45 Abezizweni bazabuna, baphume ezinqabeni zabo bethuthumela.

46 INkosi iyaphila; njalo kalidunyiswe idwala lami, kaphakanyiswe uNkulunkulu wosindiso lwami. 47 UNkulunkulu onginika impindiselo, lowehlisela izizwe ngaphansi kwamix; 48 ongikhulula ezitheni zami; yebo, phezu kwabangivukelayo wangiphakamisa, emuntwini wodlakela wangikhulula. 49 Ngenxa yalokhuy ngizakudumisa, Nkosi, phakathi kwezizwe, ngihlabelele ibizo lakho indumisoz. 50 Iyanika inkosi yayo usindiso olukhulu, isenzela ogcotshiweyo wayo umusa, kuDavida, lenzalweni yakhe kuze kube ninininia.