39Uyasazi yini isikhathi sokuzala kwamagogo edwalaa? Uyananzelela yini ukuhelelwa kwezimpalab? 2 Ungazibala yini inyanga ezizigcwalisayo? Njalo uyasazi yini isikhathi sokuzala kwazoc? 3 Zigoba, zizale abantwana bazo, zikhuphe imihelo yazod. 4 Amazinyane azo aqine akhule egangeni; asuke ahambe, angabuyi kuzo.

5 Ngubani owakhuphae ubabhemi weganga ekhululekilef? Njalo ngubani othukulule izibopho zikababhemi wegangagh, 6 engimmisele inkangala ibe ngumuzi wakhe, lesimunyu sibe zindawo zakhe zokuhlalai? 7 Uhleka umsindo womuzi, angezwa imisindo yomtshayeli. 8 Udinga izintaba ezilidlelo lakhe, edinga elandela konke okuluhlaza.

9 Inyathi iyavuma yini ukukusebenzelaj? Izalala yini esibayeni sakho ebusukuk? 10 Ungayibophela inyathi yini ngentambo yayo emfolwenil? Ingabhuqa yini izihotsha emva kwakhom? 11 Ungathembela kuyo yini ngoba amandla ayo makhulu? Ungayiyekelela yini umtshikatshika wakho? 12 Ungayikholwa yini ukuthi izabuyisa inhlanyelo yakho, njalo iyibuthele ebaleni lokubhulela lakho?

13 Impiko zezintshe ziyaphaphazela ngentokozo; kodwa zizimpiko lezinsiba zengabuzane yini? 14 Ngoba itshiya amaqanda ayo emhlabathini, iwakhudumeze othulini, 15 iyakhohlwa ukuthi unyawo lungawachoboza, lokuthi isilo seganga singawanyathela. 16 Iwaphatha kalukhuni amaphuphu ayo, kungathi kawayisiwo awayo; umtshikatshika wayo uyize, ingelakwesaba. 17 Ngoba uNkulunkulu wayithathela inhlakanipho, kayabelanga ukuqedisisa. 18 Lapho sekuyisikhathi iyaziphakamisela phezulu, ihleke ibhiza lomgadi walo.

19 Uzanika yini ibhiza amandla? Uyayigqokisa yini intamo yalo ngomhlonga oyephuzelayo? 20 Uyalenza leqe yini njengentethen? Ubukhosi bokukhala kwalo buyesabekao. 21 Liyaphanda esihotsheni, lithokoze ngamandla alo, liphume ukuhlangabeza izikhalip. 22 Liyakuhleka ukwesaba, kalesabi, kaliphenduki phambi kwenkembaq. 23 Phezu kwalo isamba semitshoko siyakhehlezela, umkhonto ophazimayor lomdikadikas. 24 Ngokuqhuqha lokufutheka liginye umhlaba; kalikholwa ukuthi ngumsindo wophondot. 25 Ekukhaleni kophondo lithi: Aha! Linuke impi ikhatshana, umdumo wezinduna, lokumemeza.

26 Ukhozi luyaphapha yini ngokuqedisisa kwakho, luselulela impiko zalo eningizimu? 27 Ilinqe liyaqonga ngokulaya kwakho, lakhe isidleke salo engqongeni yini? 28 Lihlala lilale ebusuku edwaleni, engqongeni yedwala leyenqaba. 29 Lisuka lapho lidinga ukudla; amehlo alo abonela khatshana. 30 Lamaphuphu alo azitika ngegazi; lalapho okukhona ababuleweyo likhona.