| NdebeleTeam Job « 2 » |
2Kwakulosuku futhi lapho amadodana kaNkulunkulu afika ukuzimisa phambi kweNkosi, uSathane laye wafika phakathi kwawo ukuzimisa phambi kweNkosi. 2 INkosi yasisithi kuSathane: Uvela ngaphi? USathane wasephendula iNkosi wathi: Ekuzulazuleni emhlabeni lekuhambahambeni kuwo. 3 INkosi yasisithi kuSathane: Ubekile yini inhliziyo yakho encekwini yami uJobe? Ngoba kakho onjengaye emhlabeni, umuntu opheleleyo loqondileyo, owesaba uNkulunkulu, loxwaya ububi? Usabambelele kubo ubuqotho bakhe, lanxa ungivuse ukuze ngimchithe1 kungelasizatho. 4 USathane wasephendula iNkosi wathi: Isikhumba ngesikhumba, yebo, konke umuntu alakho uzakunikelela impilo yakhe. 5 Kodwa khathesi yelula isandla sakho, uthinte ithambo lakhe lenyama yakhea; isibili uzakuthuka2 ebusweni bakhob. 6 INkosi yasisithi kuSathane: Khangela, usesandleni sakho; kodwa gcina impilo yakhec.
7 USathane wasephuma phambi kweNkosi, wamtshaya uJobe ngamathumba amabid, kusukela ngaphansi konyawo lwakhe kuze kube enkanda yakhee. 8 Wasezithathela udengezi ukuziphala ngalo, wahlala phakathi kwesilothaf.
9 Umkakhe wasesithi kuye: Usabambelele yinig kubuqotho bakhoh? Thuka uNkulunkulu, ufei. 10 Kodwa wathi kuye: Ukhuluma njengokukhuluma komunye wabesifazana abayiziwulaj. Kambe, sizakwemukela okuhle kuNkulunkulu, singemukeli lokubi yinik? Kukho konke lokhul uJobe konanga ngendebe zakhem.
11 Abangane abathathu bakaJobe sebezwile ngakho konke lokhu okubi okumehleleyo, beza, lowo lalowo evela endaweni yakhe, uElifazi umThemanin, loBilidadi umShuhio, loZofari umNahama; bavumelana ndawonyep ukuthi beze bamkhalele bamduduzeq. 12 Lapho bephakamisa amehlo abo bekhatshana, kabamazanga, baphakamisa ilizwi labo, bakhala inyembezi, badabula ngulowo ibhatshi lakher, bavuvuzela uthuli emakhanda abo ngasemazulwinis. 13 Basebehlala laye emhlabathini insuku eziyisikhombisa lobusuku obuyisikhombisa, njalo kakho owakhuluma ilizwi kuye, ngoba babona ukuthi ubuhlungu bukhulu kakhulut.
1 ukuchitha: Heb. ukuginya.
a 1.11.
2 ukuthuka: Heb. ukubusisa.
b 1.5.
c 1.12.
d Levi 13.18.
e 7.3,5,13-15. 13.14,28. 16.8,15. 17.1. 19.17,20. 30.17,18,30. Dute. 28.35. Isa. 1.6.
f 42.6. Hez. 27.30. Jona 3.6. Mat. 11.21. Esta 4.1.
g 21.15. 2 Kho. 6.33.
h 2.3. 2 Sam. 6.20.
i 1.5.
j 2 Sam. 13.13. Hlu. 19.23.
k Jak. 5.10,11.
l 1.22.
m Hlab. 39.1.
n 1 Lan. 1.45.
o Gen. 25.2. 1 Lan. 1.32.
p Neh. 6.2.
q 42.11. Isa. 51.19.
r Gen. 44.13.
s Josh. 7.6.
t Hez. 3.15. Gen. 50.10.