| NdebeleTeam Job « 1 » |
Ukulingwa kukaJobe lokubekezela kwakhe
1Kwakukhona indoda elizweni leUzia, ibizo layo lalinguJobeb. Leyondoda yayiphelele-ke, iqondilec, imesaba uNkulunkulud, ixwaya okubie. 2 Yasizalelwa amadodana ayisikhombisa lamadodakazi amathathu. 3 Lemfuyo yayo yayiyizimvu eziyizinkulungwane eziyisikhombisa, lamakamela ayizinkulungwane ezintathu, lezipane zenkabi ezingamakhulu amahlanu, labobabhemi abasikazi abangamakhulu amahlanu, lenceku ezinengi kakhulu. Ngakho lowomuntu wayemkhulu okwedlula bonke abantu bempumalanga.
4 Njalo amadodana akhe ahamba enza idili endlini yaleyo laleyo ngosuku lwayof; athuma abiza odadewabo abathathu ukuze badle banathe lawog. 5 Kwakusithi lapho esephelile amazopha ensuku zedili, uJobe athume, awangcwelise, avuke ekuseni kakhulu, anikele iminikelo yokutshiswa ngokwenani lawo wonkeh, ngoba uJobe wathi: Mhlawumbe amadodana ami onile, amthuka1 uNkulunkulu enhliziyweni yawoi. Wenza njalo uJobe zonke izinsuku.
6 Kwasekusiba losukuj lapho amadodana kaNkulunkulu eza ukuzimisa phambi kweNkosi, loSathane laye wafika phakathi kwawok. 7 INkosi yasisithi kuSathane: Uvela ngaphi? USathane wasephendula iNkosi wathi: Ekuzulazuleni emhlabeni lekuhambahambeni kuwol. 8 INkosi yasisithi kuSathane: Ubekile yini inhliziyo yakho encekwini yami uJobe, ngoba kakho onjengayo emhlabeni, umuntu opheleleyo loqondileyo, owesaba uNkulunkulu loxwaya ububim? 9 USathane wasephendula iNkosi wathi: UJobe umesabela ize uNkulunkulu yini? 10 Kawumbiyelanga yini yena lendlu yakhe lakho konke alakho inhlangothi zonken? Ubusisile umsebenzi wezandla zakheo, lezifuyo zakhe zanda kakhulu elizwenip. 11 Kodwa isibili yelula isandla sakho khathesi, uthinte konke alakhoq; sibili uzakuthuka2 ebusweni bakhor. 12 INkosi yasisithi kuSathane: Khangela konke alakho kusesandleni sakho; kuphela kuye ungeluleli isandla sakho. Wasephuma uSathane phambi kweNkosi.
13 Kwasekusiba losukus lapho amadodana lamadodakazi akhe ayesidla enatha iwayini endlini yomfowabo olizibulot. 14 Kwasekufika isithunywa kuJobe sathi: Inkabi bezilima labobabhemi besidla emaceleni azo; 15 kwasekutheleka amaShebha, akuthatha, atshaya izinceku ngobukhali benkemba, njalo yimi ngedwa kuphela engiphephileyo ukuze ngikubikeleu. 16 Lesi sisakhuluma, kwafika lesinye, sathi: Umlilo kaNkulunkulu uwile uvela emazulwini, watshisa izimvu lezinceku, waziqeda; njalo yimi ngedwa kuphela engiphephileyo ukuze ngikubikele. 17 Lesi sisakhuluma, kwafika lesinye, sathi: AmaKhaladiyav amise amaxukuw amathathux atheleka phezu kwamakamela, awathatha, atshaya izinceku ngobukhali benkemba, njalo yimi ngedwa kuphela engiphephileyo ukuze ngikubikele. 18 Lesi sisakhuluma, kwafika lesinye, sathi: Amadodana akho lamadodakazi akho bebesidla benatha iwayini endlini yomfowabo, izibuloy. 19 Khangela-ke, umoya omkhulu wafika uvela ngaphetsheya kwenkangala, watshaya amagumbi womane endlu, yawela phezu kwamajaha, afa; njalo yimi ngedwa kuphela engiphephileyo ukuze ngikubikelez. 20 UJobe wasesukumaa, wadabula ibhatshi lakheb, waphuca ikhanda lakhe, wawa emhlabathini, wakhonzac; 21 wasesithi: Ngaphuma ngize esiswini sikamama, njalo ngizabuyela khona ngized; iNkosie yaphaf, iNkosi ithethe; kalibusiswe ibizo leNkosig.
22 Kukho konke lokhu uJobe konanga, kambalelanga ubuwula uNkulunkuluh.
a Jer. 25.20. Lilo 4.21. Gen. 10.23,22.21,36.28. 1 Lan. 1.17,42.
b Hez. 14.14,20. Jak. 5.11.
c 9.8. 2.3. Gen. 17.1.
d Zaga 16.6.
e Hlab. 34.14.
f Esta 1.3.
g Esta 5.12.
h 42.8. Gen. 8.20.
1 amthuka: Heb. ambusisa.
i 1.11. 2.5,9. 1 Kho. 21.10,13.
j 1.13. 2.1. 1 Sam. 1.4. 2 Kho. 4.8,11,18.
k Gen. 6.2,4. 2.1. 38.7. 1 Kho. 22.19. Hlab. 89.5-7.
l 2.2. 2 Sam. 24.2. 1 Pet. 5.8.
m 1.1.
n 10.11.
o Hlab. 128.1,2.
p Gen. 28.14.
q 2.5. 19.21.
2 ukuthuka: Heb. ukubusisa.
r 13.15. Isa. 65.3. Dute. 7.10.
s 1.13. 2.1. 1 Sam. 1.4. 2 Kho. 4.8,11,18.
t 1.5,18.
u 1 Kho. 10.1.
v Gen. 11.28. 2 Kho. 24.2. Dan. 1.4. 2.2.
w 1 Lan. 12.23.
x Hlu. 7.16. 1 Sam. 11.11. Gen. 14.15.
y 1.4,13.
z Isa. 21.1. Jer. 4.11. Hos. 13.15.
a Jona 3.6.
b Gen. 44.13.
c Jer. 7.29. Mika 1.16. Isa. 15.2. 22.12. Jer. 16.6. 47.5. 48.37. Hez. 7.18. Levi 21.5. Ezra 9.3.
d Tshu. 5.15. 1 Tim. 6.7.
e 12.9.
f Tshu. 5.19. Jak. 1.17.
g Hlab. 113.2. Dan. 2.20.
h 2.10.