UNehemiya ulaya ukuthi ukucela izibambiso kuyekelwe

5Kwasekusiba khona ukukhala okukhulu kwabantu labomkaboa bemelene labafowabo amaJudab. 2 Ngoba kwaba khona abathi: Thina, amadodana ethu lamadodakazi ethu sibanengi; ngakho sithethe amabele ukuze sidle siphile. 3 Njalo kwaba khona abathi: Sibambisa amasimu ethu lezivini zethu lezindlu zethu ukuze sithenge amabele endlaleni. 4 Njalo kwaba khona abathi: Seboleke imali yomthelo wenkosi ngamasimu ethu lezivini zethuc. 5 Khathesi-ke, inyama yethu injengenyama yabafowethud, abantwana bethu banjengabantwana babo; khangela-ke sehlisele phansi amadodana ethue lamadodakazi ethu abe yizigqilif; kukhona-ke emadodakazini ethu asehliselwe phansi, njalo isandla sethu kasilamandla, ngoba abanye balamasimu ethu lezivini zethu.

6 Ngathukuthela kakhulu nxa ngisizwa ukukhala kwabo lalamazwi. 7 Inhliziyo yami isicabangile phakathi kwami, ngasengilwisana lezikhulu lababusi, ngathi kubo: Libhadalisa inzuzo, ngulowo kumfowabo. Ngabamisela umhlangano omkhulug. 8 Ngasengisithi kibo: Thina ngamandla akithi sihlenge abafowethu amaJuda ababethengiswe ezizweni; lani selizathengisa abafowethu, kumbe bazathengiswa kithi yini? Basebethula, kabatholanga mpenduloh. 9 Ngasengisithi: Into eliyenzayo kayilunganga. Belingehambe yini ngokwesaba uNkulunkulu wethui ngenxa yehlazo lezizwe, izitha zethuj? 10 Ngitsho lami, abafowethu, lenceku zami, besikweledisa imali lamabele. Asiyekeleni inzuzo lezi. 11 Ake libabuyisele lalamuhla amasimu abo, izivini zabo, izihlahla zabo zemihlwathi, lezindlu zabo, lokwekhulu kwemali lokwamabele lokwewayini elitsha lokwamafutha elibabhadalisa khona. 12 Basebesithi: Sizabuyisela, singabizi lutho kubo. Sizakwenza njalo njengokutsho kwakho. Ngasengibiza abapristi, ngabafungisak ukuthi benze njengalelilizwil. 13 Ngasengithintitha ithangazi lamim ngathi: Ngokunjalo uNkulunkulu kathintithe wonke umuntu asuke endlini yakhen lemsebenzini wakhe ongasoze amise lelilizwio; langokunjalo kathintithwe angabi lalutho. Lebandla lonke lathi: Ameni. Bayidumisa iNkosi. Abantu basebesenza njengalelilizwip.

14 Futhi kusukela ngosuku angilaya ngalo ukuthi ngibe ngumbusi wabo elizweni lakoJudaq, kusukela emnyakeni wamatshumi amabilir kuze kube semnyakeni wamatshumi amathathu lambili kaAthakisekisi inkosis, iminyaka elitshumi lambili, mina labafowethu kasidlanga isinkwat sombusiu. 15 Kodwa ababusi bamandulo ababengaphambi kwami babathwalisa nzima abantu, bethatha kibo isinkwa lewayini, emva kwalokhu amashekeli* esiliva angamatshumi amane; lenceku zabo zabusa nzima phezu kwabantuv; kodwa mina kangenzanga njalo ngenxa yokwesaba uNkulunkuluw. 16 Phezu kwalokho-ke ngaqina emsebenzini walumduli, njalo kasithenganga insimu; lenceku zami zonke zabuthana lapho emsebenzini. 17 Lamadoda alikhulu lamatshumi amahlanu kumaJuda lakubabusi, lalabo abeza kithi bevela ezizweni ezisihanqileyo, babesetafuleni lamix. 18 Lalokhu okwakulungiselwe usuku olulodwa kwakuyinkabi eyodwa, izimvu ezikhethiweyo eziyisithupha, lezinyoni zazilungiselwe mina, njalo phakathi kwensuku ezilitshumi okwalo lonke iwayini ngobunengiy. Langalokhu kangizanga ngidinge isinkwaz sombusia, ngoba ubugqili babunzima phezu kwalababantu. 19 Ngikhumbule, Nkulunkulu wami, ngokuhle, konke engikwenzele lababantub.