NdebeleTeam » Nehemiah » 4

Izitha zihlupha abakhayo

4Kwasekusithi uSanibhalathi esezwile ukuthi siyawakha umdulia, wathukuthela wacunuka kakhulu, wawahleka usulu amaJudab. 2 Wasekhuluma phambi kwabafowabo lebutho leSamariyac wathi: La amaJuda abuthakathaka enzani? Azaziqinisa yini? Azahlaba yini? Azaqeda ngosuku yini? Azavuselela amatshe yini ezinqwabeni zengcekeza, ezitshileyo? 3 LoTobiya umAmoni wayelayed, wathi: Lalokho akwakhayo, uba ikhanka likhwela phezulu, lingawudiliza umduli wawo wamatshee.

4 Zwana, Nkulunkulu wethu, ngoba siyeyiswaf; ubuyisele ukukloloda kwabo ekhanda labo, ubanikele babe yimpango elizweni lokuthunjwag; 5 ungaligubuzeli icala laboh, lesono sabo singacitshwa phambi kwakho, ngoba bathukuthelisile maqondana labakhii. 6 Sawakha-ke umduli, waze wahlangana wonke umduli kuze kube yingxenye yawo, ngoba abantu babelenhliziyo yokusebenza.

7 Kodwa kwathi oSanibhalathi loTobiya lamaArabhiyaj lamaAmonik labeAshidodil sebezwile ukuthi ukulungiswa kwemiduli yeJerusalema kuyenyuka, ukuthi izikhala seziqala ukuvaleka, bathukuthela kakhulum. 8 Basebesenza ugobe bonke ndawonye ukuthi beze balwe leJerusalema, lokuthi badunge phakathi kwayo. 9 Kodwa sakhuleka kuNkulunkulu wethu, sabeka abalindi ukumelana labo emini lebusuku, ngenxa yabo. 10 Kodwa uJuda wathi: Amandla abathwali bomthwalo adedile, lezibi zinengi, ngakho thina kasilakho ukwakha umduli. 11 Lezitha zethu zathi: Kabayikwazi, kabayikubona, size singene phakathi kwabo sibabulale, siwumise umsebenzi. 12 Kwasekusithi amaJuda ayehlala duze lazo esefikan athi kithi katshumi: Livela endaweni zonke kumele libuyele kithio.

13 Ngasengimisa endaweni eziphansi kakhulu ngemva komduli endaweni ezisobala, ngamisa abantu ngensapho belezinkemba zabo, imikhonto yabo, lamadandili abo. 14 Ngasengikhangela ngasukuma ngathi kuzikhulu lakubabusi lakwabanye abantu: Lingabesabi. Khumbulani iNkosip enkulu leyesabekayoq, lilwele abafowenu, amadodana enu, lamadodakazi enu, omkenu, lezindlu zenur. 15 Kwasekusithi izitha zethu sezizwile ukuthi sekusaziwa yithi lokuthi uNkulunkulu ufubisile icebo labo, sabuyela sonke emdulini, wonke emsebenzini wakhes. 16 Kwasekusithi kusukela mhlalokho ingxenye yezisebenzi zami yayisebenza emsebenzini, lengxenye yazo yabamba imikhonto, izihlangu, lamadandilit, lamabhatshi ensimbiu. Lababusi babengemuva kwendlu yonke yakoJuda. 17 Ababesakha emdulini, lababethwala imithwalo, ababelayitshela, ngesinye sezandla zakhe wayesebenza emsebenzini, lesinye sibambelele isikhali. 18 Labakhi, ngulowo wayebhince inkemba yakhe ekhalweni lwakhe, besakha. Lovuthela uphondo wayeseceleni kwami.

19 Ngasengisithi kuzikhulu lakubabusi lakwabanye abantu: Umsebenzi mkhulu futhi ubanzi; lathi sehlukene phezu komduli, omunye ukhatshana lomunyev. 20 Endaweni elizakuzwa khona ukukhala kophondo, lizabuthana lapho kithi; uNkulunkulu wethu uzasilwelaw. 21 Ngokunjalo sasebenza emsebenzini; ingxenye yabo yayibambe imikhonto kusukela emadabukakusa kuze kuphume izinkanyezix. 22 Langalesosikhathi ngathi ebantwini: Ngulowo lenceku yakhe kabalale phakathi kweJerusalema ukuze babe ngabalindi bethu ebusuku, lemini emsebenzini. 23 Ngakho kakho, mina, labafowethu, lenceku zami, lamadoda omlindo abangemva kwami, kakho kithi owakhulula izigqoko zethu, ngulowo wazikhululela ukuzihlanza.

a 4.7. 2.10.

b 2.19.

c 1 Kho. 16.24.

d 4.7. 2.10.

e Lilo 5.18.

f Hlab. 123.3,4.

g 2.17. 5.9. 6.13. Hlab. 79.12.

h Hlab. 69.27,28. 109.14,15.

i Jer. 18.23.

j 2.19.

k 1 Sam. 11.1.

l 1 Sam. 5.1.

m Hlab. 83.3-8.

n 4.7.

o Gen. 31.7.

p Nani 14.9.

q Dute. 7.21.

r 2 Sam. 10.12.

s Jobe 5.12.

t 2 Lan. 26.14.

u 2 Lan. 26.14.

v 4.14. 5.7. 7.5.

w Eks. 14.14.

x Gen. 19.15.