24Njalo izigaba zamadodana kaAroni. Amadodana kaAroni: ONadabi, loAbihu, uEleyazare, loIthamaria. 2 Kodwa oNadabi loAbihu bafa mandulo kuloyise, njalo bengelabantwana; ngakho oEleyazare loIthamari basebenza njengabapristib. 3 UDavida wasebehlukanisa, loZadoki emadodaneni kaEleyazarec, loAhimeleki emadodaneni kaIthamari, ngokwesikhundla sabo enkonzweni yabod. 4 Kwatholakala emadodaneni kaEleyazare inhloko zamaqhawe amanengi okwedlula emadodaneni kaIthamari mhla bewehlukanisa; emadodaneni kaEleyazare kwakulenhloko ezilitshumi lesithupha zendlu yaboyisee, lemadodaneni kaIthamari ngokwendlu yaboyisef, eziyisificaminwembili. 5 Basebezehlukanisa ngezinkatho, lezi laleziyana, ngoba izinduna zendlu engcwele lezinduna zikaNkulunkulu zazivela emadodaneni kaEleyazare lemadodaneni kaIthamarig. 6 UShemaya indodana kaNethaneli umbhali, ovela kumaLevi, wasezibhala phambi kwenkosi leziphathamandla loZadoki umpristih loAhimelekii indodana kaAbhiyathaj, lenhloko zaboyise zabapristi lezamaLevi; indlu kayise eyodwa yathathelwa uEleyazare, leyodwa yathathelwa uIthamari. 7 Inkatho yokuqala yasiphumela uJehoyaribi, eyesibili uJedayak, 8 eyesithathu uHarimi, eyesine uSeworimil, 9 eyesihlanu uMalikiya, eyesithupha uMijaminim, 10 eyesikhombisa uHakhozi, eyesificaminwembili uAbhiyan, 11 eyesificamunwemunye uJeshuwa, eyetshumi uShekaniya, 12 eyetshumi lanye uEliyashibi, eyetshumi lambili uJakimi, 13 eyetshumi lantathu uHupha, eyetshumi lane uJeshebeyabi, 14 eyetshumi lanhlanu uBiliga, eyetshumi lesithupha uImerio, 15 eyetshumi lesikhombisa uHeziri, eyetshumi lesificaminwembili uHaphizezi, 16 eyetshumi lesificamunwemunye uPhethahiya, eyamatshumi amabili uJehezekeli, 17 eyamatshumi amabili lanye uJakini, eyamatshumi amabili lambili uGamuli, 18 eyamatshumi amabili lantathu uDelaya, eyamatshumi amabili lane uMahaziya. 19 Isikhundla salaba enkonzweni yabo sasiyikungena endlini yeNkosi ngokwesimiso sabo ngesandla sikaAroni uyise, njengalokho iNkosi uNkulunkulu kaIsrayeli yayimlayilep.

20 Labaseleyo emadodaneni kaLevi: Emadodaneni kaAmramu: NguShubayeli; emadodaneni kaShubayeli: NguJehideyaq. 21 NgoRehabhiya: Emadodaneni kaRehabhiya, inhloko kwakunguIshiyar; 22 kwabakoIzihari, uShelomothi; emadodaneni kaShelomothi, uJahathi. 23 Lamadodana kaHebronis, uJeriya owokuqala, uAmariya owesibili, uJahaziyeli owesithathu, uJekameyamu owesinet. 24 Amadodana kaUziyeli, uMikau; emadodaneni kaMika, uShamiriv. 25 Umfowabo kaMika nguIshiya; emadodaneni kaIshiya, uZekhariya. 26 Amadodana kaMerari: OMahli loMushiw; amadodana kaJahaziya: UBheno. 27 Amadodana kaMerari: KuJahaziya: OBheno loShohama loZakuri loIbiri. 28 KuMahli: UEleyazare, owayengelamadodanax. 29 NgoKishi: Amadodana kaKishi: UJerameliy. 30 Lamadodana kaMushiz: OMahli loEderi loJerimothia. La ngamadodana amaLevi ngokwendlu yaboyise. 31 Lalaba labo benza inkatho yokuphosa njengabafowabob, amadodana kaAroni, phambi kukaDavida inkosic loZadokid loAhimelekie lenhloko zaboyise babapristi labamaLevi, inhloko yaboyise njengomfowabo omncinyane.